JEREMAÏAH 40:8 - Khasi CL Bible (BSI)

⁸ Kumta u Ishmael u khun jong u Nethanaïah, u Johanan u khun jong u Kareah, u Seraïah u khun jong u Tanhumeth, ki khun shynrang jong u Ephai na Netophah, bad u Jesanaïah na Maakah ki la leit bad la ki rangbah sha u Gedalaïah ha Mispah.

KA BAIBL

⁸ ynda kumta, ki la ïawan sha u Gedalaïah sha Mispah, u Ishmael u khun u Nethaniah, bad u Johanan bad u Jonathan ki khun u Kariah, bad u Seriah u khun u Tanhumeth, bad ki khun u Ephai u nong Netophath, bad u Jesaniah u khun nong Maakath keiñ, ma ki bad ki briew jong ki.

JEREMAÏAH 40:8 ပူးပေါင်းရင်းမြစ်များ

2 SAMUEL 10:6

Ki Ammon ki la sngewthuh ba ki la pynlong nongshun ïa u Dabid, kumta ki la phah wai arphew hajar ngut ki shipai Syria na Bethrehob bad na Sobah, khat-ar hajar ngut ki rangbah na Tob, bad ïa u syiem Maakah lem bad shihajar ngut ki rangbah.

2 SAMUEL 10:8

Ki Ammon ki la wan mih bad ki ïeng pynkhreh ïaleh ha ka jaka rung sha Rabbah, ka nongbah jong ki, katba kiwei pat, ki Syria bad ki rangbah na Tob bad Maakah, ki la ïeng pynkhreh ïaleh ha rudnong bym don jingkah ei ei.

2 SYIEM 25:23

Haba ki rangbah synshar ka Judia bad ki shipai ki bym shym la pyndem wait ki ïohsngew shaphang kane ki wan ïasoh bad u Gedalaïah ha Mispah. Kine ki rangbah pynïaidkam ki long u Nethanaïah, u Johanan u khun jong u Kareah, u Seraïah u khun jong u Jesanaïah na Maakah.

2 SYIEM 25:25

Hynrei ha u bnai uba hynñiew jong kata ka snem, u Ishmael u khun jong u Nethanaïah bad u ksiew jong u Elishama, u dkhot ka ïingsyiem, u leit sha Mispah lem bad shiphew ngut ki rangbah, u tur ïaleh ïa u Gedalaïah bad pynïap ïa u. U la pynïap ruh ïa ki Israel bad ïa ki nong Babilonia kiba don bad u.

1 KHRONIKL 2:48

U Kaleb u don sa kawei ka tnga kliar, ka Maakah, kaba la kha ïa u ar ngut ki khun shynrang, u Sheber bad u Tirhanah.

1 KHRONIKL 2:54

U Salma, u nongseng ïa ka Bethlehem, u dei u kpa tymmen jong ki jaitbynriew ka Netophath, ka Atroth Beth Joab, bad ki Sor, kiba long kawei na ki ar kur ha Manahath.

ESRA 2:2

Ki nongïalam jong ki, ki long u Serubbabel, u Joshua, u Nehemaïah, u Seraïah, u Reelaïah, u Mordekai, u Bilshan, u Mispar, u Bigbai, u Rehum bad u Baanah. Kane ka dei ka thup kyrteng jong ki kur ki Israel, bad kito kiba dei na kawei kawei ka kur kaba wan phai na ka jingshah ringmraw:

NEHEMAÏAH 7:26

Ki briew kiba ki kpa tymmen jong ki kiba la shong la sah ha kine ki shnong ruh ki la wan phai: Bethlehem bad Netophah — Shispah phraphew phra ngut Anathoth — Shispah arphew phra ngut Beth Asmabeth — Sawphew ar ngut Kiriath Jearim, Khephrirah bad Beeroth — Hynñiewspah sawphew lai ngut Ramah bad Geba — Hynriewspah arphew wei ngut Mikhmash — Shispah arphew ar ngut Bethel bad Ai — Shispah arphew lai ngut Kawei pat ka Nebo — Sanphew ar ngut Kawei pat ka Elam — Shihajar arspah sanphew saw ngut Harim — Laispah arphew ngut Jerikho — Laispah sawphew san ngut Lod, Hadid bad Ono — Hynñiewspah arphew wei ngut Senaah — Lai hajar khyndaispah laiphew ngut

JEREMAÏAH 37:15

Ki la bitar haduh katta katta ïa nga bad hukum ban shoh ïa nga bad ban set ïa nga ha ka ïing u Jonathan, u sekretari ka ïingbishar, kaba ïa ka ïing jong u la pynlong ka byndi.

JEREMAÏAH 37:20

Bad mynta, Ko Syiem Kynrad, nga kyrpad ïa phi ban shahshkor ïa nga bad ban leh ïa kaei kaba nga ong. Sngewbha wat phah pat ïa nga sha ka byndi ha ka ïing u Jonathan. Lada phi leh kumta, da shisha ngan sa ïap hangta.”

JEREMAÏAH 38:26

Shu ong ïa ki ba me kyrpad ïa nga ban ym phah pat ïa me sha byndi ban ïap hangta.”

JEREMAÏAH 40:11

Ha kata ka por, baroh ki paid Israel kiba don ha Moab, Ammon, Edom bad ha kiwei ki ri, ki la ïohsngew ba u syiem ka Babilonia u la shah katto katne ki nong Israel ban ïaisah ha Judah bad ba u la pynlong ïa u Gedalaïah u lat jong ki.

JEREMAÏAH 40:13

Hadien kane, u Johanan bad ki nongïalam jong ki shipai ki bym shym la pyndem ki la wan ha u Gedalaïah ha Mispah bad ki la ong ha u,

JEREMAÏAH 40:14

“Hato phim tip ba u syiem Baalis jong ki Ammon u la phah ïa u Ishmael ban pynïap ïa phi?” Hynrei u Gedalaïah um shym ngeit ïa kata.

JEREMAÏAH 40:15

Te u Johanan u la ong ha kaba rieh ha u, “Ai ba ngan leit ban pynïap ïa u Ishmael, bad yn ym don batip mano ba la leh ïa kata. Balei ba yn shah ïa u ban pynïap ïa phi? Kata kan pynlong ïa ki Jiw baroh kiba ïalum sawdong jong phi ban shah pynsakma, bad kan wallam ïa ka jingjot ha baroh ki briew ïa kiba la pynsah ha Judah.”

JEREMAÏAH 40:6

Nga la leit ban sah bad u Gedalaïah ha Mispah bad shong hapdeng ki briew ïa kiba la iehnoh ha ka ri.

JEREMAÏAH 41:1

Ha u bnai uba hynñiew jong kata ka snem, u Ishmael, u khun jong u Nethanaïah bad u ksiew jong u Elishama, u dkhot ka longïing syiem bad uwei na ki rangbah pynïaidkam kiba hakhlieh duh jong u syiem, u la leit sha Mispah lem bad shiphew ngut ki rangbah ban peit ïa u Gedalaïah.

JEREMAÏAH 41:11

U Johanan bad baroh ki nongïalam ka kynhun shipai kiba don bad u ki la ïohsngew ïa ka kam runar kaba u Ishmael u la leh.

JEREMAÏAH 41:2

Katba ki dang ïabam jingbam lang, u Ishmael bad ki shiphew ngut ki rangbah lem bad u ki la sei ïa la ki waitlam bad ki la pynïap ïa u Gedalaïah.

JEREMAÏAH 42:1

Te baroh ki nongïalam ka kynhun shipai, kiba kynthup ïa u Johanan u khun jong u Kareah bad u Asaraïah u khun jong u Heshaïah, ki la wan ryngkat bad ki paidbah kiba ha ki kyrdan baroh bad ki la ong ïa nga, “Sngewbha leh ïa kaei kaba ngi ong ïa phi! To duwai ha U Trai U Blei jong ngi na ka bynta jong ngi. To duwai na ka bynta jong ngi baroh kiba la lait im. Shisien la don bun bah na ngi; hynrei mynta tang khyndiat eh ngi dang sah, kumba phi ïohi.

JEREMAÏAH 43:2

Nangta u Asaraïah u khun jong u Hoshaïah bad u Johanan u khun jong u Kareah bad baroh kiwei ki rangbah ba leh meng ki la ong ïa nga, “Phi shukor. U Trai U Blei jong ngi um shym la phah ïa phi ban ong ha ngi ba ngin ym leit bad shong ha Ijipt.

JEREMAÏAH 43:5

Nangta u Johanan bad ki rangbah shipai baroh ki la shim noh ïa baroh kiba dang sah ha Judah sha Ijipt, lem bad ki briew baroh kiba la wan phai na ki jaitbynriew sha kiba ki la sakma kylleng: ki rangbah, ki kynthei, ki khynnah, bad ki khun kynthei jong u syiem. Ki la ïalam ïa baroh kiba u Nebusaradan u rangbah ai hukum u la ieh hapoh ka jingpeit u Gedalaïah, ba kynthup ïa u Barukh bad ïa nga.

DEUTERONOMI 3:14

U Jair, uba na ka jait Manasseh, u la kam kynti ïa ka thain Argob baroh kawei, kata ka mut ïa ka Bashan, haduh u pud jong ka Geshur bad ka Maakah. U khot ïa kine ki shnong da ka kyrteng la jong, bad haduh mynta la dang tip ïa ki kum ki shnong u Jair.)

JOSHUA 12:5

Ka hima jong u ka kynthup ïa u Lum Hermon, ka Salekah, bad ka Bashan baroh haduh ki pud jong ka Geshur bad ka Maakah, bad shiteng jong ka Gilead haduh ka ri jong u Sihon u syiem ka Heshbon.