JEREMAÏAH 40:7 - Khasi CL Bible (BSI)

⁷ Katto katne na ki rangbah nongpynïaidkam ka Judah bad ki shipai kim shym la pyndem. Ki la ïohsngew ba u syiem ka Babilonia u la lah pynlong ïa u Gedalaïah u lat ka ri bad ba la buh ïa u ban khmih ïa kito baroh ki bym shym la ïalam noh sha Babilonia — ki briew kiba duk tam ha ka ri.

KA BAIBL

⁷ Te haba ki kaptan ki paidïapom baroh kiba la don ha ki madan, ma ki hi keiñ bad ki briew jong ki, ki la ïohsngew ba u syiem ka Babilon u la thung ïa u Gedalaïah u khun u Ahikam ban long nongsynshar ha ka ri, bad ba u la ai ha u ïa ki rangbah, bad ki kynthei, bad ki khynnah, bad ïa kiba kham duk ruh jong ka ri, na kita ki bym shym la ring mraw sha Babilon;

JEREMAÏAH 40:7 ပူးပေါင်းရင်းမြစ်များ

2 SYIEM 25:12

Hynrei u la iehnoh ha Judah katto katne ki briew kiba duk tam eh, ki bym don ka jaka ka puta, bad u la pyntrei ïa ki ha ki bri sohwaiñ bad ha ki lyngkha.

2 SYIEM 25:4

Wat la ki nong Babilonia ki la kerkut ïa ka nongbah, baroh ki shipai ki la lait phet ha ka por mynmiet. Ki la mih na ka lynti ka kper syiem, ki la ïaid lyngba ïa ka khyrdop kaba pynïasoh ïa ki ar tylli ki kynroh, bad ki la phet ha ka phang jong ka Them Jordan.

JEREMAÏAH 39:10

U la iehnoh ha Judah katto katne na ki briew kiba duk tam, ki bym don jaka puta, bad u la ai ïa ki, ki bri sohwaiñ bad ki lyngkha.

JEREMAÏAH 39:14

Ki la buh ïa nga hapoh ka jingsumar u Gedalaïah, u khun jong u Ahikam bad u ksiew jong u Shaphan, u ban peit ba nga poi suk sha ïing. Bad kumta nga la sah hangta hapdeng ki briew.

JEREMAÏAH 39:4

Mynba u syiem Sedekaïah bad baroh ki shipai jong u ki la ïohi ïa kaei kaba la jia, ki la pyrshang ban phet na ka nongbah ha ka por mynmiet. Ki la phet na ka lynti jong ka kper syiem, ki la ïaid lyngba ïa ka khyrdop kaba pynïasoh ïa ki ar tylli ki kynroh, bad phet na ka liang jong ka Them Jordan.

JEREMAÏAH 39:9

Khatduh u Nebusaradan, u rangbah shipai, u la ringmraw sha Babilonia ïa ki briew ba dang sah ha ka nongbah, ryngkat bad ïa kito kiba la iehnoh ïa u.

JEREMAÏAH 41:1

Ha u bnai uba hynñiew jong kata ka snem, u Ishmael, u khun jong u Nethanaïah bad u ksiew jong u Elishama, u dkhot ka longïing syiem bad uwei na ki rangbah pynïaidkam kiba hakhlieh duh jong u syiem, u la leit sha Mispah lem bad shiphew ngut ki rangbah ban peit ïa u Gedalaïah.

JEREMAÏAH 41:10

Nangta u la pynlong koidi ïa ki khun kynthei u syiem bad ïa ki briew baroh ha Mispah kiba dang sah ïa kiba u Nebusaradan u rangbah shipai u la iehnoh ha ka jingpeit u Gedalaïah. U Ishmael u la shim ïa ki kum ki koidi bad u la leit ha ka phang jong ka ri ki Ammon.

JEREMAÏAH 41:11

U Johanan bad baroh ki nongïalam ka kynhun shipai kiba don bad u ki la ïohsngew ïa ka kam runar kaba u Ishmael u la leh.

JEREMAÏAH 52:16

Hynrei u ieh ha Judah katto katne ki briew kiba duk tam, ki bym don ïing don sem, bad u buh ïa ki ban trei ha ki bri sohwaiñ bad ki lyngkha.

ESEKIEL 45:16

“Baroh ki briew jong ka ri ki dei ban leit ai ïa kine ki jingainguh sha u khun syiem uba synshar ha Israel.