JEREMAÏAH 40:5 - Khasi CL Bible (BSI)

⁵ Haba ngam shym la jubab, u Nebusaradan u la ong, “Khie leit phai pat sha u Gedalaïah, u khun jong u Ahikam bad u ksiew jong u Shaphan, ïa uba u syiem ka Babilonia u la pynlong ïa u, u lat jong ki shnong ka Judah. Phi lah ban sah bad u bad im hapdeng ki briew, lane phi lah ban leit shano shano ba phi pyrkhat ba phi dei ban leit.” Kumta u la ai ïa nga ka jingai sngewbha bad katto katne ka jingbam ban rah bad nga, bad u la shah ïa nga ba ngan leit noh ha la ka lynti.

KA BAIBL

⁵ Mynta katba um pat shym phai dien, u la ong, “Khie phai pat te, sha u Gedalaïah u khun u Ahikam, u khun u Shaphan, ïa uba u syiem ka Babilon u la thung nongsynshar halor ki nongbah Judah, bad to shong bad u hapdeng ki paidbah: lane khie leit shano shano katba idei ïa me ban leit.” Kumta, u kaptan ka karod u la ai jingbam bad ka buskit ïa u, bad u la pyllait ïa u.

JEREMAÏAH 40:5 ပူးပေါင်းရင်းမြစ်များ

2 SYIEM 22:12

bad ai ïa kane ka hukum ha u Hilkaïah u lyngdoh, ha u Ahikam u khun jong u Shaphan, ha u Akhbor u khun jong u Mikaïah, ha u Shaphan, u sekretari ka ïingbishar, bad ha u Asaïah, u nongbud jong u syiem:

2 SYIEM 22:14

U Hilkaïah, u Ahikam, u Akhbor, u Shaphan, bad u Asaïah, ki leit ban kylli na ka briew kaba kyrteng ka Huldah, ka nongïathuhlypa, kaba shong ba sah ha ka jaka ba kham thymmai jong ka Jerusalem. (U Shallum u tnga jong ka, u khun jong u Tikbah bad u ksiew jong u Harhas, uba dei khmih ïa ki barandi ka Templ.) Ki batai ha ka, ïa kaei kaba la jia,

2 KHRONIKL 34:20

bad u ai ïa kane ka hukum harum ha u Hilkaïah, u Ahikam u khun jong u Shaphan, u Abdon u khun jong u Mikaïah, u Shaphan, u sekretari ka ïingbishar, bad u Asaïah, u nongbud jong u syiem:

ESRA 7:27

U Esra u ong, “Ïaroh ïa U Trai, U Blei jong ki kpa tymmen jong ngi! U la pynlong ïa u patsha da ka mon sngewbha ban burom ha kane ka rukom ïa ka Templ jong U Trai ha Jerusalem.

ESRA 7:6

U Esra u long u riewstad uba don ka jingtip bajylliew ïa ka Hukum kaba U Trai U Blei ki Israel u la ai ha u Moses. Namar ba u Esra u don ïa ka jingkyrkhu U Trai U Blei jong u, u patsha u ai kat ïa kaba u pan. Ha ka snem kaba hynñiew jong ka jingsynshar u Artakserksis, u Esra u la mih na Babilonia ban leit sha Jerusalem ryngkat bad shi kynhun ki Israel kiba kynthup ïa ki lyngdoh, ki Lebi, ki nongput nongtem ka Templ, ki nongap phira ka Templ bad ki nongtrei.

NEHEMAÏAH 1:11

To shahshkor mynta ïa ka jingduwai jong nga bad ïa ki jingduwai jong baroh kiwei pat ki shakri jong me kiba kwah ban ai ïa me ka burom. Ai ïa ka jingjop mynta ka sngi bad pynlong ba u patsha un leh-isynei ïa nga.” Ha kita ki sngi nga la long u nongrah waiñ jong u patsha.

Ka Kitab U Job 22:29

U Blei u pynhiar ïa kiba sarong bad u pyllait im ïa uba sngewrit.

PROBERB 16:7

Haba phi pynsngewbha ïa U Trai, phi lah ban pynkylla paralok ïa ki nongshun jong phi.

PROBERB 21:1

U Trai u pynïaid ïa ka jingmut jong u syiem kham suk kumba u pynïaid ïa ka lynti ka wahduid.

JEREMAÏAH 15:11

A Trai, ai ba ki jingtim jong ki baroh kin urlong shisha lada ngam shym la shakri bha ïa me, lada ngam shym la ïasaid bad me na ka bynta ki nongshun jong nga mynba ki don ha ka jingjynjar bad jingeh bajur.

JEREMAÏAH 26:24

Hynrei namar ba nga la ïoh ïa ka jingkyrshan jong u Ahikam u khun jong u Shaphan, ym shym la aiti ïa nga ha ki briew bad shah pynïap.

JEREMAÏAH 39:14

Ki la buh ïa nga hapoh ka jingsumar u Gedalaïah, u khun jong u Ahikam bad u ksiew jong u Shaphan, u ban peit ba nga poi suk sha ïing. Bad kumta nga la sah hangta hapdeng ki briew.

JEREMAÏAH 40:4

Mynta, ngan law noh ïa ki kynjri na ki ryndang-kti jong phi bad pyllait noh ïa phi. Lada phi kwah ban leit sha Babilonia ryngkat bad nga, phi lah ban leh kumta, bad ngan sumar ïa phi. Hynrei lada phim kwah ban leit, phi lah ban ym leit. Phi don ïa ka ri baroh kawei ban jied, phi lah ban leit shano shano ba phi kwah.”

JEREMAÏAH 41:1

Ha u bnai uba hynñiew jong kata ka snem, u Ishmael, u khun jong u Nethanaïah bad u ksiew jong u Elishama, u dkhot ka longïing syiem bad uwei na ki rangbah pynïaidkam kiba hakhlieh duh jong u syiem, u la leit sha Mispah lem bad shiphew ngut ki rangbah ban peit ïa u Gedalaïah.

JEREMAÏAH 41:2

Katba ki dang ïabam jingbam lang, u Ishmael bad ki shiphew ngut ki rangbah lem bad u ki la sei ïa la ki waitlam bad ki la pynïap ïa u Gedalaïah.

KI KAM 27:3

Ha ka sngi kaba bud ngi la poi ha Sidon. U Julius u la lehsbun ïa u Paul bad u la shah ïa u ban leit bad ïakynduh ïa la ki paralok, ba kin ai kat kaba u donkam.

KI KAM 27:43

Hynrei u rangbah shipai u la kwah ban pyllait im ïa u Paul, kumta u la khang ïa ki na kaba leh ïa kane. Pynban, u la hukum ïa kito kiba lah ban jngi ban ryngkoh nyngkong bad ban jngi sha ryngkew;

KI KAM 28:10

Ki la ai ïa ngi shibun ki jingai sngewbha, bad haba ngi la kiew ha ka lieng, ki la buh ha ka ïa kiei kiei kiba ngi donkam na ka bynta ka jingleit.

HEBRU 13:6

To ngin long shlur, te, bad ong, “U Trai u long u nongïarap jong nga, ngan ym sheptieng. Uei uba lah ban leh ei ei ïa nga?”