JEREMAÏAH 40:3 - Khasi CL Bible (BSI)

³ “U Trai U Blei jong phi u la byrngem ïa kane ka ri da ka jingjot, bad mynta u la leh ïa kaei kaba u la ong ba un leh. Baroh kane ka la jia namar ki briew jong phi ki la leh pop pyrshah ïa U Trai bad kim shym la kohnguh ïa u.

KA BAIBL

³ bad U Trai u la pynwan ïa ka, bad u la leh kumba u la kren; naba phi la leh pop ïa U Trai, bad phim shym la kohnguh ïa ka ktien jong u, namar kata, kane ka la ngat halor jong phi.

JEREMAÏAH 40:3 ပူးပေါင်းရင်းမြစ်များ

NEHEMAÏAH 9:28

Haba ka jingsuk ka la wan, ki leh pop biang, bad me shah biang ïa ki nongshun ban jop ïa ki. Pynban ki kylla-kaba-mut bad kyrpad ïa me ban pynim ïa ki, ha bneng me ïohsngew, bad na ka por sha ka por me pyllait ïa ki ha ka jingisynei bakhraw jong me.

NEHEMAÏAH 9:33

Me leh ïa kaba dei ban pynshitom ïa ngi; Me long uba ïaineh, wat la ngi la leh pop.

JEREMAÏAH 11:17

“Ma nga, U Trai Badonbor Baroh, nga la thung ïa ka Israel bad ka Judah; hynrei mynta nga byrngem ïa ki da ka jingpynjot. Ki la wallam ïa kane halor jong ki hi namar ba ki la leh bakla; ki la pynbitar ïa nga da kaba ai ki jingkñia ha u Baal.”

JEREMAÏAH 22:8

“Hadien nangta, bun ki jaitbynriew nongwei kin ïaid lynti bad kin ïakylli uwei ïa uwei pat balei ba nga, U Trai nga la leh katne katne ïa kane ka nongbah kaba khraw.

JEREMAÏAH 39:16

ban ïathuh ïa u Ebedmelekh u nong Sudan ba U Trai Badonbor Baroh, U Blei ki Israel, u la ong, “Kumba nga la ong ba ngan leh, ngan wallam ka jingjot ha kane ka nongbah bad ym ïa ka jingmanbha. Bad haba kane kan jia, men don hangta ban ïohi ïa kata.

JEREMAÏAH 44:23

Kane ka jingjot mynta ka la wan ha phi namar ba phi ai jingkñia sha kiwei ki blei bad leh pop pyrshah ïa U Trai da ka jingbymkohnguh ïa ki hukum jong u baroh.”

JEREMAÏAH 50:7

Ki la shah tur ïaleh da baroh kiba ïakynduh ïa ki. Ki nongshun jong ki, ki ong, ‘Ki la leh pop pyrshah ïa U Trai, bad kumta kaei kaba ngi la leh, kam long kaba bakla. Ki khun ki ksiew jong ki, ki la shaniah ha U Trai, bad ma ki hi kiba la dei ban ïailong kiba ïaineh ha u.’

SNGEWSYNEI 2:17

U Trai u la pyndep khoit ïa kaei kaba u la byrngem ban leh: U la pynjot ïa ngi khlem jingisynei, kumba u la maham ïa ngi la slem bah. U la ai ka jingjop ha ki nongshun jong ngi, u la ai ha ki ka jingkmen ha ka jingkyllon jong ngi.

Ka Shithi U Paul Sha Ki Nong Rom 2:5

Hynrei phi don ka dohnud kaba eh bad kaba kuman, bad kumta phi pynlong ka jingpynshitom ïa lade hi wat kham khraw ha ka Sngi ha kaba ïa ka jingbitar U Blei bad ki jingbishar bahok yn pynpaw.

Ka Shithi U Paul Sha Ki Nong Rom 3:19

Mynta ngi tip ba kiei kiei baroh ha ka Hukum ki dei ïa kito kiba im hapoh ka Hukum, khnang ban pynsangeh ïa baroh ki jingaidaw jong ki briew bad wallam ïa ka pyrthei baroh kawei hapoh ka jingbishar U Blei.

DEUTERONOMI 29:25

Bad ka jubab kan long, ‘Dei namar ba ki la pynkheiñ ïa ka jutang ba U Trai, U Blei jong ki kpa tymmen jong ki, u la pynlong bad ki mynba u wan ïalam ïa ki na Ijipt.