JEREMAÏAH 40:12 - Khasi CL Bible (BSI)

¹² Kumta ki la mihnoh na ki jaka ba la pynsakma ïa ki bad ki la wan phai pat sha Judah. Ki la wan sha u Gedalaïah ha Mispah, bad hangta ki la ïalum shibun bah ka waiñ bad ki soh.

KA BAIBL

¹² ynda kumta, ki Jiw baroh ki la ïawan phai na ki jaka baroh sha kiba la beh noh ïa ki, bad ki la ïawan sha ka ri Judah, sha u Gedalaïah, ha Mispah, bad ki la ïalum Waiñ bad ki soh lyiur shibun eh.

JEREMAÏAH 40:12 ပူးပေါင်းရင်းမြစ်များ

PROBERB 27:25

Phi ot ïa u jyntang bad nangta ot ïa u phlang ha ki sharing lum katba u jyntang ba dang lung u dang san.

ISAÏAH 16:9

Mynta nga ïam ïa ki sohwaiñ jong ka Sibmah kumba nga ïam namar ka Jaser. Ki ummat jong nga ki hap na ka bynta ka Heshbon bad ka Elealeh, namar ym don kano kano ka jingkheit soh kaba pynkmen ïa ki briew.

JEREMAÏAH 40:10

Ma nga hi ngan sah ha Mispah bad ngan long u nongmihkhmat jong phi haba ki nong Babilonia kin wan shane. Hynrei phi lah ban lum bad kynshew ïa ka waiñ, ki soh, bad ka umphniang Olib, bad ban shong ban sah ha la ki shnongrit ba phi don.”

JEREMAÏAH 40:13

Hadien kane, u Johanan bad ki nongïalam jong ki shipai ki bym shym la pyndem ki la wan ha u Gedalaïah ha Mispah bad ki la ong ha u,

JEREMAÏAH 41:10

Nangta u la pynlong koidi ïa ki khun kynthei u syiem bad ïa ki briew baroh ha Mispah kiba dang sah ïa kiba u Nebusaradan u rangbah shipai u la iehnoh ha ka jingpeit u Gedalaïah. U Ishmael u la shim ïa ki kum ki koidi bad u la leit ha ka phang jong ka ri ki Ammon.

JEREMAÏAH 43:5

Nangta u Johanan bad ki rangbah shipai baroh ki la shim noh ïa baroh kiba dang sah ha Judah sha Ijipt, lem bad ki briew baroh kiba la wan phai na ki jaitbynriew sha kiba ki la sakma kylleng: ki rangbah, ki kynthei, ki khynnah, bad ki khun kynthei jong u syiem. Ki la ïalam ïa baroh kiba u Nebusaradan u rangbah ai hukum u la ieh hapoh ka jingpeit u Gedalaïah, ba kynthup ïa u Barukh bad ïa nga.

JEREMAÏAH 44:18

Hynrei naduh ba ngi sangeh ban ai jingkñia ha ka Syiem jong ka Bneng bad ngi sangeh ban theh ïa ki jingainguh waiñ ha ka, ngim shym don ei ei shuh, bad ki briew jong ngi ki ïap ha ka thma bad na ka jingïapthngan.”

ESEKIEL 34:6

Kumta ki langbrot jong nga ki ïaid sakma sha ki lumrit bajrong bad ki lumbah. La pynsakma ïa ki kylleng ka pyrthei, bad ym don ba ïit ïa ki ne pyrshang ban wad ïa ki.