JEREMAÏAH 4:8 - Khasi CL Bible (BSI)

⁸ Kumta to kup ka jaiñ khain, bad to ïam bad ud sngewsih namar ka jingbitar shla jong U Trai kam shym la phai noh na ka Judah.

KA BAIBL

⁸ Namar kane, to panpoh ïa lade da ka jaiñ byrni, to lynñiar bad to kyang: Namar ka jingbitar ba-itieng U Trai kam pat shym phai noh na ngi.”

JEREMAÏAH 4:8 ပူးပေါင်းရင်းမြစ်များ

SALM 78:49

U la pynlong ïa ki ban jynjar sat da kaba theh ha ki ïa ka jingbitar bad ka jingbitar shla jong u, kiba wan kum ki nonglamktien jong ka jingïap.

ISAÏAH 10:4

Phin shah pynïap ha ka thma lane phin shah paring kum ki koidi. Pynban wat la katta ruh, ïa ka jingbitar jong U Trai yn ym pynkut; ka kti jong u kan dang ïai kner ban pynshitom.

ISAÏAH 13:6

To ud ha ka jingpang! Ka sngi ka jong U Trai ka la hajan, ka sngi ha kaba U Badonbor Baroh u wallam ka jingpynjot.

ISAÏAH 22:12

U Trai U Nongsynshar Badonbor Baroh u la khot ïa phi ha kato ka por ban ïam bad ïam pangnud, ban khi ïa ki khlieh jong phi bad ban phong ki jaiñ khain.

ISAÏAH 32:11

Phi la ju im suk, phim don ki jingkhuslai; hynrei mynta, to khynñiuh da ka jingsheptieng! To loit ïa la ki jaiñ bad teh da ki jaiñjot sawdong ïa la ka syngkai.

ISAÏAH 5:25

U Trai u la bitar ïa la ki briew bad u la kner ïa la ka kti ban pynshitom ïa ki. Ki lumbah kin khynñiuh bad ïa ki met jong kito kiba la ïap yn ieh ha ki lynti kum ka synrum. Pynban wat la katta ruh ïa ka jingbitar U Trai ym shym la pynkut, hynrei ka kti jong u kan ïai kner ban pynshitom.

ISAÏAH 9:12

Ka Syria ha ka phang mihngi bad ka Philistia ha ka phang sepngi ki la ang la ka shyntur ban bam ïa ka Israel. Pynban la katta ruh ïa ka jingbitar jong U Trai ym shym pynkut; ka kti jong u ka dang kner ban pynshitom.

ISAÏAH 9:17

Bad kumta U Trai un ym shah ba uno uno u samla un lait phet, bad un ym pyn-i ka jingisynei ïano ïano na ki riewkynthei bad ki khunswet, namar baroh ki briew ki long kiba khlem blei bad bymman bad kaei kaei baroh kaba ki ong ka long kaba sniew. Pynban la katta ruh ïa ka jingbitar jong U Trai yn ym pynkut, hynrei ka kti jong u kan dang ïai kner ban pynshitom.

ISAÏAH 9:21

Ki briew jong ka Manasseh bad ki briew jong ka Ephraim ki tur ïaleh para ma ki, bad ryngkat lang ki tur ïaleh ïa ka Judah. Pynban la katta ruh, ïa ka jingbitar jong U Trai ym shym pynkut, ka kti jong u ka dang ïai kner ban pynshitom.

JEREMAÏAH 25:34

To ïam, ko phi ki nongïalam, phi ki nongsharai jong ki briew jong nga, to kyang jam! To ïambriew bad tyllun halor u pui pui. Ka por ka la poi na ka bynta jong phi ban shah pynïap, bad yn sa ot doh ïa phi kum ïa ki langbrot shynrang.

JEREMAÏAH 48:20

‘Ka Moab ka la kyllon,’ kin jubab, ‘ïam na ka bynta jong ka; la pynjahburom ïa ka. Pynbna ha lynter ka wah Arnon ba ïa ka Moab la pynjot!’

JEREMAÏAH 6:26

U Trai u ong ha ki briew jong u, “To kup jaiñ khain bad to tyllun ha u dpei. To ïam sngewsih lem bad ki ummat kthang kumba phin ïam ïa u khun marwei, namar uta uba wan ban pynjot ïa phi un tur ïaleh kynsan.

SNGEWSYNEI 1:12

“Khmih sha nga!” ka pyrta sha uwei pa uwei uba ïaid lynti najan. “Ym don mano mano ba don ka jingpang kum ka jong nga, ka Jingpang kaba U Trai u la wallam halor jong nga ha ka por ka jingbitar jong u.

ESEKIEL 21:12

To jlew da ka jingsngewsih, ko khun u briew; kane ka waitlam ka dei na ka bynta ki briew jong nga bad na ka bynta ki nongïalam ki Israel baroh. Ïa ki yn pynïap lang bad kiba sah baroh na ki briew jong nga. Tied ïa la ka shadem ha ka jingnoh mynsiem!

ESEKIEL 30:2

“Ko khun u briew,” u la ong, “to ïathuhlypa bad pynbna ïa kaei kaba ma nga, U Trai Nongsynshar, nga ong. Men pyrta ïa kine ki ktien: “Ka sngi kaba sngewtriem kan wan!

JOEL 1:13

To phong ki jaiñ khain bad to ïam, phi ki lyngdoh kiba shakri ha ka duwan! To leit sha ka Templ bad to ïamkthang baroh shi miet! Ym don kew lane waiñ ban ainguh ha U Blei jong phi.

AMOS 8:10

Ngan pynkylla ïa ki Jingkhawai Niam jong phi sha ki jingtep briew bad ngan pynkylla ïa ki jingrwai kmen jong phi sha ki jingïam sngewsih. Ngan pynlong ïa phi ba phin khi lyndum ïa la ka khlieh bad phin phong ka jaiñ khain, bad phin long kum ki kmie ki kpa kiba ïambriew na ka bynta u khun ba tang marwei jong ki. Kata ka sngi kan long kaba kthang haduh kaba kut.

MIKAH 1:16

Ko ki paid Judah, to khi ïa la u shñiuh ha ka jingsngewsih na ka bynta ki khun kiba phi ieit. To pynlong ïa lade kiba syllen kum ki pukni, namar ïa ki khun jong phi yn shim noh na phi ban ïalam sha ka jingringmraw.

JINGKHEIÑ 25:4

bad u ong ha u Moses, “Shim ïa ki nongïalam jong ki Israel baroh bad da kaba kohnguh ïa nga, pynïap ïa ki haba shai ka sngi te ngan ym bitar shuh ïa ki briew.”