JEREMAÏAH 4:6 - Khasi CL Bible (BSI)

⁶ To kdew ïa ka lynti sha Seïon! To phet ban lait im! Wat ym pynslem! U Trai u wallam ka jingjot bad ka jingpynjot kaba khraw na shatei.

KA BAIBL

⁶ To sieh ïa ka lama shaphang ka Seïon: phet ïap ban ïohlait, wat sangeh: naba ngan wallam ka jingsniew na shatei, bad ka jingpynjot ka bakhraw.

JEREMAÏAH 4:6 ပူးပေါင်းရင်းမြစ်များ

ISAÏAH 62:10

Ko ki paid ka Jerusalem, leit shabar ka nongbah bad shna ka lynti na ka bynta u paidlang u ban wan phai! Pynkhreh ïa ka lynti bah; da pynkhuid ïa ki maw kiba don ha ka! To sieh ïa ka lama, khnang ba ki jaitbynriew kin tip.

JEREMAÏAH 10:22

To shahshkor! Ka khubor ka wan! Ka don ka jingkhihwin bakhraw ha ka jaitbynriew bashatei; ka kynhun shipai jong ka kan pynkylla ïa ki nongbah ka Judah sha ka ri shyiap, ka jaka ha kaba ki shong ki myrsiang.”

JEREMAÏAH 18:11

Mynta te, to ïathuh ïa ki briew jong ka Judah bad ka Jerusalem ba nga thaw ki jingthmu bathymmai pyrshah ïa ki bad nga khreh ban pynshitom ïa ki. Ïathuh ïa ki ban sangeh ban im ka jingim ba-dap da ka pop — ban pynkylla ïa ki rukom im jong ki bad ïa kiei kiei kiba ki leh.

JEREMAÏAH 21:7

Hynrei na ka bynta jong phi, ki rangbah synshar jong phi bad ki briew kiba lait im na ka thma, ka khlam bad ka 'nemsniew — ngan ai ïa baroh na phi ban shahjop ha u syiem Nebukhadnessar bad da ki nongshun jong phi, kiba kwah ban pynïap ïa phi. U Nebukhadnessar un phah pynïap ïa phi. Un ym pynsah ïano ïano na phi lane un ym isynei lane sngewlem ïano ïano na phi. Ma nga, U Trai, nga la kren.”

JEREMAÏAH 22:7

Ngan phah ïa ki briew ban pynjot ïa ka. Ki baroh kin wanrah ïa la ki sdie, kin pynngat ïa ki dieng Kedar kiba itynnat bad kin bret ïa ki ha ka ding.

JEREMAÏAH 25:9

‘Ngan sa phah ïa ki jaitbynriew baroh na shatei bad ïa u shakri jong nga, u Nebukhadnessar u syiem ka Babilonia. Ngan wanrah ïa ki ban ïaleh pyrshah ïa ka Judah bad ïa ki nongshong shnong jong ka, bad pyrshah ïa ki jaitbynriew baroh kiba shong marjan bad ka. Ngan pynduh khoit ïa kane ka jaitbynriew bad ki paramarjan jong ka bad ngan sa ieh ïa ki ha ka jingjot junom, kaei kaei kaba ishyrkhei bad kaba pynkyndit ban peit. Ma nga, U Trai, nga la kren.

JEREMAÏAH 4:21

Sa katno nga dei ban ïohi ïa ka thma kaba nang jur bad ïohsngew ïa ki jingsawa jong ki turoi?

JEREMAÏAH 50:2

“Ïathuh ïa ka khubor sha ki jaitbynriew! Pynbna ïa ka! Ai ka dak bad pynbna ïa ka khubor! Wat buhrieh ïa ka! Ka Babilon ka la kyllon! U Marduk u blei jong ka u la khynñiuh! Ïa ki bleithaw jong Babilon la buh ha ka jinglehrain, ïa ki dur ba-ijli jong ka la pynlwet!

JEREMAÏAH 50:22

Ïa ka jingsawa jong ka thma la ïohsngew ha ka ri, bad ka don ka jingpynjot bakhraw.

JEREMAÏAH 51:12

Ai ïa ka dak ban tur ïaleh ïa ki kynroh jong ka Babilon. Pynkhlaiñ ïa ki nongap! Buh ïa ki nongap phira! Buh ïa ki rangbah ban apthap!” U Trai u la leh ïa kaei kaba u la ong ban un leh ïa ki briew jong ka Babilonia.

JEREMAÏAH 51:27

“To ai ïa ka dak ban tur ïaleh! Put ïa ka turoi khnang ba ki jaitbynriew kin ïohsngew! Pynkhreh ïa ki jaitbynriew na ka bynta ka thma pyrshah ïa ka Babilonia! Ong ïa ki hima Ararat, Minni, bad Ashkenas ban tur ïaleh. Thung ïa u rangbah pynïaidkam ban ïalam ïa ka jingtur ïaleh. Wallam ïa ki kulai kum ka kynhun ki puit.

JEREMAÏAH 51:54

U Trai u ong, “To shahshkor ïa ka jingsawa ka jingïam ha Babilon, jong ka jingïam pangnud namar ka jingpynjot ha ka ri.

JEREMAÏAH 6:1

Ko ki briew ka Benjamin, to phet ban lait im! Phet noh na Jerusalem! Pynsawa ïa ka turoi ha Tekoa bad to thaw ka ding-ai-dak ha Beth Hakkherem. Ka jingjot bad ka jingpynjot ki la wan artat na shatei.

JEREMAÏAH 6:22

U Trai u ong, “Ki briew ki wan na ka ri ha ka phang bashatei; ka jaitbynriew kaba khrawbor na sha jngai bah ka pynkhreh ïa ka thma.

ESEKIEL 9:1

Nangta nga la ïohsngew ba U Blei u pyrta, “Wan hangne, phi ki briew kiba leit ban pynshitom ïa ka nongbah. Wallam ïa ki tiar ïaleh bad phi.”

ESEKIEL 9:2

Mar kumta hynriew ngut ki briew ki wan na ka khyrdop kaba shabar kaba don shaphang shatei jong ka Templ, uwei uwei u rah la ka tiar ïaleh. Ryngkat bad ki la don u briew uba kup da ki jaiñ linen, uba rah ki tiar ban thoh. Baroh ki wan bad ïeng hajan ka duwan kaba da ka rnong.

SEPHANAÏAH 1:10

“Ha kata ka sngi,” ong U Trai, “phin ïohsngew ïa ka jingsawa ka jingïam ha ka Khyrdop Dohkha ha Jerusalem. Phin ïohsngew ka jingud ha ka bynta bathymmai jong ka nongbah bad ka jingsawa bajam jong ka jingkhyllem ha ki lumrit.

SEKHARAÏAH 6:6

Ka kali ïapom ba la tan da ki kulai rong ïong ka la leit shaphang shatei sha Babilonia, ki kulai rong lieh ki leit shaphang sepngi, bad ki kulai thohbroin ki leit sha ka ri bashathie.