JEREMAÏAH 4:4 - Khasi CL Bible (BSI)

⁴ Sumar ïa ka jutang jong phi bad nga, U Trai jong phi, bad pynkyntang ïa lade ha nga, phi ki briew jong ka Judah bad Jerusalem. Lymda kumta, ka jingbitar jong nga kan ing kum ka ding namar kiei kiei kiba sniew kiba phi la leh. Kan pluh, bad yn ym don mano mano ba pynlip ïa ka.”

KA BAIBL

⁴ To otsher ïa lade ha U Trai, bad to shim noh ïa ka doh sher ka dohnud jong phi, phi ki briew ka Judah bad kiba shong ha Jerusalem: ba ïoh ka jingbitar shla jong nga kan mih noh kum ka ding, bad kan meh, ba ym don ba lah ban pynlip ïa ka, na ka bynta ka jingsniew ki jingleh jong phi.”

JEREMAÏAH 4:4 ပူးပေါင်းရင်းမြစ်များ

2 KHRONIKL 34:25

Ki la kyntait ïa nga bad ki la ai jingkñia ha kiwei ki blei, bad kumta ki la pynkhih ïa ka jingbitar jong nga da baroh kaba ki la leh. Ka jingbitar jong nga ka la khie buk, bad ngan ym pynjah kumto.

ISAÏAH 10:17

U Blei, u jingshai jong ka Israel, un kylla long ka ding. U Blei uba khuid jong ka Israel un kylla long ka thylliej ding, kaba ha ka shi sngi kan thang lut ïa kaei kaei baroh, wat ïa ki shiah bad ki shiah buid.

ISAÏAH 30:33

Naduh mynshuwa eh ïa ka jaka la pynkhreh ha kaba ka ding bajur kan thang ïa u patsha ka Assyria. Ka long kaba jylliew bad kaba ïar, bad ba la kynton jrong da ki diengthang. U Trai un pyrsad da ka phylliah ding ban thang ïa ka.

ISAÏAH 51:17

Ko Jerusalem, to khie noh! Khie joit ïa lade bad ïeng! Pha la dih ïa ka khuri ka jingpynshitom kaba U Trai ha ka jingbitar jong u, u la ai ba phan dih; pha dih lut ïa ka, bad ka la pynlong ïa pha ban ïaid sheng sheng.

JEREMAÏAH 15:14

Ngan pynlong ïa ki ban shakri ïa ki nongshun jong ki ha ka ri kaba kim don jingtip ei ei, namar ka jingbitar jong nga ka long kum ka ding, ban kan pluh junom.”

JEREMAÏAH 21:5

Ngan ïaleh pyrshah ïa me da ka borbah jong nga baroh, da ka jingdom jong nga, da ka jingbitar shla jong nga, bad da ka jingingkhong khait jong nga.

JEREMAÏAH 23:19

Ka jingbitar jong U ka long ka 'erïong, ka 'erlangthari ka ban khih bitar halor ki khlieh jong ki bymman,

JEREMAÏAH 36:7

Lehse kin duwai ha U Trai bad phai pat na ki lynti bymman jong ki, namar U Trai u la byrngem ïa kane ka jaitbynriew da ka jingbitar bad ka jingbitar shla bashyrkhei.”

JEREMAÏAH 44:22

Ha kane hi ka sngi ka ri jong phi kan sah ha ki jingjot bad ym don mano mano ban shong ban sah ha ka. Ka la long ka jingïohi ba-itriem, bad ki briew ki pyndonkam ïa ka kyrteng jong ka kum ka jingtim, namar U Trai um lah shah shuh ïa ki kam bymman bad basniew jong phi.

JEREMAÏAH 9:25

U Trai u ong, “Ka por ka wan haba ngan pynshitom ïa ki briew ka Ijipt, ka Judah, ka Edom, ka Ammon, ka Moab, bad ki briew ka ri shyiap, kiba la ot lyngkot ïa ki shñiuh jong ki. Kine ki briew baroh ki long kiba la otsher, hynrei ki bym shym la bat ïa ka jutang kaba ka thmu. Ym don mano mano na kine ki briew bad ym don mano mano na ki paid Israel kiba la bat ïa kane ka jutang jong nga.”

SNGEWSYNEI 4:11

U Trai u la pyllait ïa ka bor ba-pura jong ka jingbitar jong u; u la pynmeh ka ding ha Seïon kaba la thang duh ïa ka haduh khyndew.

ESEKIEL 16:38

Ngan pynrem ïa pha namar ka jingawria bad ka jingpynïap briew, bad ha ka jingbitar bad jingbitar shla jong nga ngan pynshitom ïa pha da ka jingïap.

ESEKIEL 18:31

To iehnoh ïa kaba sniew baroh kaba phi leh bad pynïoh ïa lade ki jingmut bad ka dohnud kiba thymmai. Balei ma phi ki Israel phi kwah ban ïap?

ESEKIEL 20:33

“Kumba da shisha ma nga, U Trai Nongsynshar, nga long U Blei uba im, nga maham ïa phi ba ha ka jingbitar jong nga ngan synshar halor jong phi da ka ksang'ti kaba khlaiñ, da ka bor jong nga baroh.

ESEKIEL 21:17

Nga ruh ngan thab ïa la ki kti, bad ka jingbitar jong nga kan jah noh. Ma nga, U Trai, nga la kren.”

ESEKIEL 24:13

Ko Jerusalem, ki jingleh awria jong pha ki la pyntngit ïa pha. Wat la nga la pyrshang ban pynkhuid ïa pha, pha ïaisah ha ka jingtngit. Phan ym long khuid pat haduh ba phan da mad lut ïa ka jingbitar shla jong nga.

ESEKIEL 24:8

Nga la pynsah ïa ka snam hangta, ïa kaba ym lah ban buhrieh, kaba dawa ïa ka jingpynhiarkput kaba jur.”

ESEKIEL 44:7

Ki la pyntngit ïa ka Templ jong nga da kaba shah ïa ki nongwei bym shym la otsher, ki briew ki bymkohnguh ïa nga ban rung sha ka Templ katba ïa ka khleiñ bad ka snam jong ki jingkñia la dang ainguh ha nga. Kumta ki briew jong nga ki la pynkheiñ ïa ka jutang jong nga da baroh kiei kiei kiba ijli kiba ki la leh.

ESEKIEL 6:12

Kito kiba sha jngai bah kin ïohpang bad ïap noh; kito kiba hajan kin ïap ha ka thma; kito kiba lait im kin ïapthngan. Kin sngew ïa ka jingbitar jong nga kaba nga la pynmih lut.

ESEKIEL 8:18

Kin sa sngew ïa ka jingbitar lep jong nga baroh; ngan ym tyngkai ïa ki ne pyn-i ka jinglehisynei ei ei ïa ki. Kin kyang ha nga da ki jingduwai jam katba ki lah, hynrei ngan ym shahshkor ïa ki.”

LEBITIKOS 26:28

te ha ka jingbitar ngan phai pyrshah ïa phi, bad sa shisien ngan pynshitom jur shuh shuh ïa phi sa hynñiew shah ban ïa kaba la long mynshuwa.

LEBITIKOS 26:41

bad kiba la pynlong ruh ïa nga ban phai pyrshah ïa ki bad pynsakma ïa ki sha ka jinglongmraw ha ka ri ki nongshun jong ki. Khatduh, ynda ki khun ki ksiew jong phi ki la pyndem rit ïa lade bad ki la shah pynshitom namar ka pop bad ka jingïaleh pyrshah jong ki,

AMOS 5:6

Phet sha U Trai, bad phin ïoh im. Lada phim leit, un bam duh kum ka ding ha ki paid Israel. Ka ding kan thang duh ïa ki briew ka Bethel, bad yn ym don mano mano ban pynlip ïa ka.

SEPHANAÏAH 2:2

ha shuwa ba yn beh noh ïa pha kum ïa u stait ba la beh noh da ka lyer, ha shuwa ba ka jingbitar shla jong U Trai ka wan halor jong pha, ha shuwa ka sngi ha kaba u pyn-i ïa ka jingbitar shla jong u.

Ka Shithi U Paul Sha Ki Nong Rom 2:25

Lada phi kohnguh ïa ka Hukum, ka jingotsher jong phi ka don ka dor; hynrei lada phim kohnguh ïa ka Hukum, kan jin da la bha ba phim shym la shah otsher.

DEUTERONOMI 10:16

Kumta, naduh mynta, kohnguh ïa U Trai, bad wat long shuh kiba mutlop.

DEUTERONOMI 30:6

U Trai U Blei jong phi un pynlong ïa phi kiba kohnguh hukum, khnang ba phin ieit ïa u da ka dohnud jong phi baroh bad da ka mynsiem jong phi baroh, bad ba phin ïaishong ha kata ka ri.

DEUTERONOMI 32:22

Ka jingbitar jong nga kan meh lep kum ka ding, bad kan thang duh katba don ha sla pyrthei. Kan pur de shaduh ñiamra, bad kan thang ïa ki tynrai jong ki lumbah.

KOLOSSAI 2:11

Ha U Khrist la otsher ïa phi, ym da ka jingotsher kaba la thaw da ki briew, hynrei da ka jingotsher ba la pynlong da U Khrist, kaba kynthup ïa ka jinglong ba la laitluid na ka bor jong ka pop hi.