JEREMAÏAH 4:31 - Khasi CL Bible (BSI)

³¹ Nga la ïohsngew ïa ka jingïam, kum ka kynthei kaba suh kha, ka jinglynñiar kum ka kynthei kaba kha ïa i khun nyngkong jong ka. Ka la long ka jingïam jong ka Jerusalem kaba kwah eh ban ring mynsiem, ka da kner noh ïa ka kti jong ka bad ong, “Nga long kaba la tim! Ki wan ban pynïap ïa nga!”

KA BAIBL

³¹ Naba nga la sngew ka jingsawa kum ka jong ka kynthei kaba suhkhun, ka jingpisa kum ka jong kata kaba kha ïa la i khun nyngkong, ka jingsawa ka khun ka Seïon, kaba kut mynsiem, kaba pyiar ïa la ki kti, kaba ong, “Kordit ïa nga mynta! naba ka mynsiem jong nga ka la ïapler ha khmat ki nongpynïap.”

JEREMAÏAH 4:31 ပူးပေါင်းရင်းမြစ်များ

JENESIS 27:46

Ka Rebekka ka ong ha u Isaak, “Nga la sngewngiah bad sngewthait ïa ki tnga nongwei jong u Iso. Lada u Jakob ruh u shongkurim ïa kawei na kine ki nong Hit, nga lah ban sa shu ïap noh ruh.”

Ka Kitab U Job 10:1

Nga la sngewthait ban im. To sngap ïa ki jingud kthang jong nga.

SALM 120:5

Ban shong hapdeng jong phi ka sniew hi kum kaba shong ha Meshekh lane hapdeng ki briew jong ka Kedar.

ISAÏAH 1:15

“Haba pha rah ïa la ki kti ha ka jingduwai, ngan ym khmih ïa pha. Kam pher haduh katno pha duwai, ngan ym shahshkor, namar ïa ki kti jong pha la tap da ka snam.

ISAÏAH 13:8

Ki baroh kin shah pynshyrkhei, bad ka jingpang kan ban ïa ki, kum ka jingpang jong ka briew ha ka por suh kha. Kin ïakhmih iwei ïa iwei pat ha ka jingtieng, bad ki durkhmat jong ki kin pluh da ka jinglehrain.

ISAÏAH 21:3

Kaei kaba nga la ïohi bad ïohsngew ha ka jingïohipaw ka la pyndap ïa nga da ka jingsngewtriem bad sngewpang, ka jingpang kum ka jong ka kynthei ha ka por suh kha.

ISAÏAH 26:17

Ma me A Trai, me la pynlong ïa ngi ban lynñiar, kum ka briew kaba lynñiar ha ka jingsuh kha.

ISAÏAH 42:14

U Blei u ong, “La slem bah nga la sngap jar; ngam shym la jubab ïa ki briew jong nga. Hynrei mynta ka por ban leh ka la wan; nga kyang jam kum ka kynthei kaba suh kha.

ISAÏAH 6:5

Nga la ong, “Ym don jingkyrmen ïa nga! Nga long ba la tim namar kawei pa kawei ka kyntien kaba mih na ki rmiang shyntur jong nga ka long kaba pop, bad nga shong nga sah hapdeng ki briew kiba kawei pa kawei ka kyntien ka long kaba pop. Bad pynban, da la ki jong ki khmat nga la ïohi ïa U Syiem, U Trai Badonbor Baroh.”

JEREMAÏAH 10:19

Ki briew ka Jerusalem ki kyang jam, “Haduh katno la pynmong jur ïa ngi! Ki jingmong jong ngi kin ym koit. Bad ngi la pyrkhat ba kane ka dei kaei kaei kaba ngi lah ban shah!

JEREMAÏAH 13:21

Aïu phan ong haba ki briew kiba pha pyrkhat ki long ki paralok jong pha, ki jop ïa pha bad ki synshar halor jong pha? Phan don ha ka jingpang kum ka kynthei kaba kha khun.

JEREMAÏAH 14:18

Haba nga leit sha ki lyngkha, nga ïohi ïa ki met jong ki rangbah kiba la shah pynïap ha ka thma; haba nga leit sha ki shnong, nga ïohi ïa ki briew kiba ïapthngan. Ki nongïathuhlypa bad ki lyngdoh ki trei la ki kam, hynrei kim tip ïa kaei ki leh.”

JEREMAÏAH 15:18

Balei nga dei ban ïaishah shitom? Balei ba ki jingmynsaw jong nga ym lah ban pynkoit? Balei ba kim koit? Hato me thmu ban pynnoh mynsiem ïa nga kum ka wahduid kaba ryngkhiang ha ka por lyiur?”

JEREMAÏAH 18:21

Hynrei mynta, ko Trai, ai ba ki khun jong ki, kin ym ïoh jingbam haduh ban da ïap; ai ba kin shah pynïap ha ka thma. Ai ba ki kynthei kin duh noh ïa la ki tnga bad ïa ki khun jong ki; ai ba ki rangbah kin ïap na ka jingpang bad ba ki samla shynrang kin shah pynïap ha ka thma.

JEREMAÏAH 22:23

Phi shong sngewskhem hapdeng ki dieng Kedar ba wanrah na Lebanon; hynrei katno kaba sngewsynei ynda wan ka jingshitom ha phi, bad phin ud haba ka jingsuh kan lap ïa phi, ki jingshitom kum kito ki jong ka kynthei kaba suh kha.

JEREMAÏAH 30:6

Mynta to sangeh bad pyrkhat! Hato u briew u lah ban kha khun? Te balei keiñ ba nga ïohi ïa uwei pa uwei u briew ba u buh ïa la ka kti ha la ka kpoh kum ka kynthei ha ka jingsuh kha? Balei uwei pa uwei baroh u blad rong?

JEREMAÏAH 45:2

Nangta u ïathuh ïa nga ba U Trai, U Blei ki Israel, u la ong, “Barukh, me ong, ‘Nga la ngiah! U Trai u la ban ïa ka jingsngewsih halor ki jingjynjar jong nga. Nga la thait na kaba shu ud, bad ngam shem kano kano ka jingjahthait!’

JEREMAÏAH 48:41

bad ïa ki shnong bad ki kut yn kurup. Ha kata ka sngi ki shipai jong ka Moab kin sheptieng kum ka briew kaba suh kha.

JEREMAÏAH 49:22

U nongshun un tur ïaleh ïa ka Bosrah kum u pukni uba suh wia sha tbian lem bad ki thapniang ba-pyiar. Ha kata ka sngi ki shipai Edom kin sheptieng kum ka briew kaba suh kha.”

JEREMAÏAH 49:24

Ki briew jong ka Damaskos ki long kiba tlot bad ki la phet ha ka jingsheptieng. Ki don ha ka jingud bad jingjynjar kum ka briew kaba suh kha.

JEREMAÏAH 50:43

U syiem ka Babilonia u ïohsngew ïa ka khubor, bad ki kti jong u ki noh kyrwep. U don ha ka jinglyng-a, da ka jingpang kum ka briew kaba suh kha.

JEREMAÏAH 6:2

Ka nongbah Seïon ka long kaba itynnat, hynrei ïa ka yn sa pynjot;

SNGEWSYNEI 1:17

“Nga kner ïa la ki kti, hynrei ym don mano mano ban ïarap ïa nga. U Trai u la khot ïa ki nongshun pyrshah ïa nga na ki liang baroh; ki la leh ïa nga kum ïa kaei kaei kaba jakhlia.

SNGEWSYNEI 1:20

“Ha khmih, A Trai, ha ka jingkordit jong nga, ha ka jingjynjar sat ka mynsiem jong nga! Ka dohnud jong nga ka pait ha ka jingsngewsih na ka bynta ki pop jong nga. Ka don ka jingpynïap ha ki lynti bah; wat hapoh ïing ka don ka jingïap.

SNGEWSYNEI 2:21

Kiba samla bad kiba tymmen kumjuh ki thiah ïap ha ki lynti bah, ki samla shynrang bad kynthei, ki la shah pynïap da ki waitlam jong u nongshun jong ki. Me la pynïap ïa ki khlem jingisynei ha ka sngi ka jingbitar jong me.

HOSIA 13:13

Ki Israel ki don ka lad ban im, hynrei ka long kaba bieit eh ban shim ïa ka — kum u khunlung uba la dei ban kha, u bym treh ban mih na ka kpoh.

MIKAH 4:10

To phai bad to ud, ko ki briew ka Jerusalem, kum ka briew ka ban sa kha khun, naba mynta phin sa hap ban ieh ïa ka nongbah bad ban im ha rudnong. Phi dei ban leit sha Babilon, hynrei hangta U Trai un pyllait ïa phi na ki nongshun jong phi.

MIKAH 4:9

Balei pha kyang jam? Balei ba pha shahshitom kum ka briew kaba suh kha? Hato ka long namar ba pham don u syiem, bad ki nongaibuit jong pha ki la ïap?

MIKAH 7:1

Ka long ka jingduh jingkyrmen! Nga long kum u briew uba thngan uba shem ba ym don soh ba dang sah ha ki dieng bad ym don sohwaiñ ha ki dieng sohwaiñ. Ïa baroh ki sohwaiñ bad baroh ki soh Dumbur ba-bang la kheit lut.

MATHAÏOS 21:5

“To ïathuh ïa ka nongbah Seïon, ha khmih, u Syiem jong pha u wan sha pha! U long uba sngewrit bad u shong halor ka kada bad halor u khun kada.”

1 KORINTH 9:16

Ngam don hok ban kob tang namar ba nga ïalap ïa ka Gospel. La katta ruh, nga don hapoh ki hukum ban leh kumta. Bad katno kan long kaba shyrkhei ïa nga lada ngam shym la ïalap ïa ka gospel!

1 THESSALONI 5:3

Haba ki briew ki ong, “Kaei kaei baroh ka jar jar bad ka shngain,” te kynsan ka jingpynjot kan lynshop ïa ki! Kan wan kyndit kum ki jingpang kiba wan ha ka briew kaba suh kha, bad ki briew kin ym lait phet.