JEREMAÏAH 4:30 - Khasi CL Bible (BSI)

³⁰ Ko Jerusalem, pha long kaba la tim! Balei pha riam ha kaba saw syn-iang? Balei pha deng jingdeng bad airong ïa ki khmat jong pha? Pha pynbhabriew ïa lade ym na ka bynta kano kano! Ki nongleh-ieit jong pha ki la kyntait ïa pha bad ki kwah ban pynïap ïa pha.

KA BAIBL

³⁰ Te pha, ynda la lute ïa pha, phan leh aïu? La pha pynkup ïa lade da ka jaiñ saw bthuh, la pha pyndeng ïa lade da ki jingdeng ksiar, la pha ai rong ïa la ki khmat, pha pynitynnad lehnohei ïa lade; ki nongieit jong pha ki ibeiñ ïa pha, ki wad ïa ka jingim jong pha.

JEREMAÏAH 4:30 ပူးပေါင်းရင်းမြစ်များ

2 SYIEM 9:30

U Jehu u la wan poi ha Jesreel. Ka Jesebel, haba ka la ïohsngew ïa kaei kaba la jia, ka kyllan rong ïa la ki khmat, ka pynbeit ïa u shñiuh jong ka, bad ka ïeng ban khmih shapoh ka surok na ka jingkhangïit ha ka ïingsyiem.

PROBERB 6:25

Wat ai ba phin shah pynshoi ha ka jingbhabriew jong ki, wat shah ba ki khmat jong ki kin pynthame ïa phi.

PROBERB 7:10

Bad hangta ka la ïakynduh ïa u, ka da riam kum ka nuti bad ka da pyrkhat sniew.

ISAÏAH 10:3

Kaei phin leh haba U Blei u pynshitom ïa phi? Kaei phin leh haba u wallam ka jingpynjot halor jong phi na ka ri bajngai? Shano phin mareh ban shem jingïarap? Hangno phin buhrieh ïa ka spah jong phi?

ISAÏAH 20:6

Haba kata ka por ka wan, ki briew kiba shong shi lynter ka rud duriaw jong ka Philistia kin ong, ‘Khmih ïa kaei kaba la jia ha ki briew kiba ngi la shaniah ban ïada ïa ngi na u patsha jong ka Assyria! Kumno ngin ïohlait im?’ ”

ISAÏAH 33:14

Ki briew kiba pop jong ka Seïon ki khynñiuh da ka jingsheptieng. Ki ong, “Ka jingbishar U Blei ka long kum ka ding kaba meh junom. Hato uno uno na ngi un lait im na ka ding kaba kum kata?”

JEREMAÏAH 13:21

Aïu phan ong haba ki briew kiba pha pyrkhat ki long ki paralok jong pha, ki jop ïa pha bad ki synshar halor jong pha? Phan don ha ka jingpang kum ka kynthei kaba kha khun.

JEREMAÏAH 22:23

Phi shong sngewskhem hapdeng ki dieng Kedar ba wanrah na Lebanon; hynrei katno kaba sngewsynei ynda wan ka jingshitom ha phi, bad phin ud haba ka jingsuh kan lap ïa phi, ki jingshitom kum kito ki jong ka kynthei kaba suh kha.

JEREMAÏAH 30:14

Baroh ki nongleh-ieit jong phi ki la klet noh ïa phi; kim salia shuh ïa phi. Nga la tur ïaleh ïa phi kum u nongshun; ka jingshah pynshitom jong phi ka la long kaba eh namar ki pop jong phi ki long kiba bun bad ka jingbymman jong phi ka long kaba khraw.

JEREMAÏAH 5:31

Ki nongïathuhlypa kim kren ei ei hynrei tang ki jinglamler; ki lyngdoh ki synshar tang kumba hukum ki nongïathuhlypa, bad ki briew jong nga kim shym pynpaw jingpyrshah ei ei. Hynrei kin leh aïu haba baroh ka poi sha kaba kut?”

SNGEWSYNEI 1:19

“Nga la khot ïa kiba ïateh lok bad nga, hynrei ki la kyntait ban ïarap ïa nga. Ki lyngdoh bad ki nongïalam ki la ïap ha ki lynti bah jong ka nongbah, ki da wad ïa ka jingbam ban ri pynim ïa lade.

SNGEWSYNEI 1:2

Baroh shi miet lynter ka ïam; ki ummat ki tuid ha ki ngab jong ka. Na baroh ki paralok jong ka kiba mynshuwa, ym don iwei ruh iba sah ban pyntngen ïa ka. Kiba ïateh lok bad ka ki la shetkylla ïa ka bad baroh ki la long pyrshah ïa ka mynta.

SNGEWSYNEI 4:17

Ngi la khmih tad haduh ba ngim lah shuh ban khmih ïa ka jingïarap ka bym ju wan. Ngi la ïai ap ïa ka jingïarap na ka hima ka bym don ei ei ban ai.

ESEKIEL 28:13

Me la shong ha Eden, ka kper jong U Blei, bad me deng ïa ki mawlynnai ba bun jait: ki Rubi bad ki Diamond; u Topas, u Beryl, u Karnelian bad u Jasper; ki Sapphir, ki Emerald, bad ki Garnet. Me don ki jingdeng da ka ksiar. Ïa ki la shna na ka bynta jong me ha ka sngi ba la thaw ïa me.

ESEKIEL 28:9

Haba kin wan ban pynïap ïa me, hato men dang kam hi ba me long U Blei? Haba me ïakynduh ïa ki nongpynïap briew, men long uba kynja briew bad ym satia uba kynja blei.

OBADAÏAH 1:7

Kiba ïateh lok bad phi ki la shukor ïa phi; ki la beh noh ïa phi na la ka ri. Ki briew kiba ïasuk bad phi, mynta ki la jop ïa phi. Kito ki paralok kiba ju ïabam lang bad phi, ki la pynap jingriam ïa phi; ki ong shaphang jong phi, ‘Shano kato ka jingstad-buit baroh ba u don?’

HEBRU 2:3

Da kumno te ngin lait, lada ngi leh bymsuidñiew ïa ka jingpynim kaba khraw katta katta? U Trai hi u la pynbna nyngkong ïa kane ka jingpynim, bad kita kiba la ïohsngew ïa u ki pynshisha ha ngi ba ka long kaba shisha.

JINGPYNPAW 17:13

Kine baroh shiphew ngut ki don kajuh ka jingthmu, bad ki ai ïa ka bor bad ka iktiar jong ki ha u mradkhlaw.

JINGPYNPAW 17:2

Ki syiem jong ka pyrthei ki la ïaleh awria bad ka, bad ki briew jong ka pyrthei ki la buaid na kaba dih ïa ka waiñ jong ka jingawria jong ka.”

JINGPYNPAW 17:4

Kata ka briew ka la riam ha ki jaiñ ba sawbthuh bad basaw hain hain, bad ba la tap da ki jingdeng ksiar, ki mawkordor, bad ki paila. Ha ka kti jong ka, ka la bat ïa ka khuri ksiar kaba dap da kiei kiei kiba isaitmet bad ijakhlia, kiba mih na ka jingawria jong ka.