JEREMAÏAH 4:3 - Khasi CL Bible (BSI)

³ U Trai u ong ha ki briew jong ka Judah bad Jerusalem, “To lur ïa ki lyngkha jong phi ki bym pat ju lur; wat bet ïa ki symbai jong phi hapdeng ki shiah.

KA BAIBL

³ Naba kumne u ong U Trai ha ki briew ka Judah bad ha ka Jerusalem, “To puh ïa ka khyndew shrah jong phi, bad wat bet hapdeng ki shiah.

JEREMAÏAH 4:3 ပူးပေါင်းရင်းမြစ်များ

JENESIS 3:18

Kan sa pynmih ïa ki ñiut bad ki dieng shiah; bad men hap bam da u jhur khlaw.

EKSODOS 23:11

Hynrei ha ka snem kaba hynñiew ai jingjahthait ïa ka, bad wat ot ïa kaei kaei kaba mih ha ka. Kiba duk ki lah ban bam ïa kaei kaba mih hangta, bad ba ki mradkhlaw ruh kin ïoh bam ïa kaba la iehnoh. Leh kumjuh ïa ki bri sohwaiñ, bad ïa ki brisoh Olib jong phi.

HOSIA 10:12

Nga la ong, ‘Lur ïa ka khyndew thymmai na ka bynta ïa lade, bet ïa ka jinglehhok, bad ot ïa ka jingkyrkhu ba ka jingmane ïa nga kan pynmih. Ka la dei ka por ïa phi ban phai sha nga, U Trai jong phi, bad ngan sa wan bad theh ki jingkyrkhu halor jong phi.’

MATHAÏOS 13:22

Ki symbai kiba hap hapdeng ki bniap shiah ki ïeng na ka bynta kito kiba ïohsngew ïa ka khubor; hynrei ki jingkhuslai shaphang kane ka jingim bad ka jingieit ïa ka spah ki kjap ïa ka khubor, bad kim pynmih soh.

MATHAÏOS 13:7

Khyndiat na u symbai u la hap hapdeng ki bniap dieng shiah, kiba la san bad kjap noh ïa ki jingthung.

MARKOS 4:7

Katto katne na u symbai u la hap hapdeng ki bniap shiah, kiba mih bad kiba la kjap noh ïa ki jingthung, bad kim shym la pynmih kew ei ei.

LOUKAS 8:14

Ki symbai kiba la hap hapdeng ki bniap shiah ki ïeng na ka bynta kito kiba ïohsngew; hynrei ki jingkhuslai bad ka spah bad ki jingsngewbha jong kane ka jingim ki ïatyllep bad kjap ïa ki, bad ki soh jong ki kim ju ih.

LOUKAS 8:7

Katto katne na u symbai ki la hap hapdeng ki bniap shiah, kiba la san ryngkat bad ki jingthung bad ki la kjap ïa ki.