JEREMAÏAH 4:27 - Khasi CL Bible (BSI)

²⁷ (U Trai u la ong ba ka pyrthei baroh kawei kan kylla long ka ri khlaw, hynrei ba un ym pynjot khoit ïa ka.)

KA BAIBL

²⁷ Naba kumne u ong U Trai, ka ri baroh kan long ka jingkynjah; hynrei, ngan ym pat pynkut lut.

JEREMAÏAH 4:27 ပူးပေါင်းရင်းမြစ်များ

2 KHRONIKL 36:21

Bad kumta ïa kaei kaba U Trai u la ïathuh mynshuwa lyngba u Jeremaïah u nongïathuhlypa la pyndep: “Ka ri kan sa sah kynjah haduh hynñiewphew snem, ban pynïabiang ïa ka jingshongthait Sabbaton, ïa kaba ym pat shym la rakhe.”

NEHEMAÏAH 9:31

Bad pynban, namar ka jingkhraw ka jingisynei jong me, mem shym iehnoh ne pynjot ïa ki. Me long U Blei ka jingaiei bad ka jingisynei!

ISAÏAH 17:6

Tang khyndiat ki briew kin lait im, bad ka Israel kan long kum u dieng Olib na kaba la kheit lut ïa ki soh Olib lait noh ar ne lai tylli kiba ha kliar eh, lane khyndiat kiba la iehnoh ha ki tnat kiba shapoh. Nga, U Trai U Blei jong ki Israel, nga la kren.”

ISAÏAH 24:1

U Trai un sa pynjot ïa ka pyrthei bad un pynlong kynjah ïa ka. Un sa khyrwait ïa ka khmat jong ka pyrthei bad pynsakma ïa ki briew jong ka.

JEREMAÏAH 18:16

Ki la pynlong ïa kane ka ri ka bynta ka jingtriem, ban ñiewbeiñ junom. Baroh kiba la ïaid lyngba kin kyndit ha kaei kaba ki ïohi; kin kyrngah ïa la ki khlieh ha ka jinglyngngoh.

JEREMAÏAH 25:11

Ka ri baroh kawei kan sa shah iehnoh ha ka jingjot bad ka jinglong ba sngewkyndit, bad ki jaitbynriew ba-marjan kin shakri ïa u syiem ka Babilonia hynñiewphew snem.

JEREMAÏAH 30:11

Ngan wan sha phi bad pyllait im ïa phi. Ngan pynjot ïa ki jaitbynriew baroh sha kiba nga la pynsakma ïa phi, hynrei ngan ym pynjot ïa phi. Ngan ym shah ïa phi ban leit khlem shah pynshitom; hynrei haba nga pynshitom ïa phi, ngan long u bym leh shiliang. Ma nga, U Trai, nga la kren.”

JEREMAÏAH 4:20

Kawei ka jingjot ka bud hadien kawei pat, ïa ka ri baroh kawei la iehnoh ha ka jingjot. Kynsan kynsan la pynjot ïa ki ïingjaiñ jong ngi, ïa ki pyrda jong ki la tar lyngkhot.

JEREMAÏAH 4:7

Kum u sing uba wan mih na ka jakarieh jong u, u nongpynjot jong ki jaitbynriew u la mihnoh. U wan ban pynjot ïa ka Judah. Ïa ki nongbah jong ka Judah yn ieh ha ki jingjot, bad yn ym don mano mano bashong ba sah ha ki.

JEREMAÏAH 44:6

Te nga pynmih noh ïa ka jingbitar jong nga bad ka jingbitar shla ha ki shnong jong ka Judah bad ha ki surok bah ka Jerusalem, bad nga thang ïa ki da ka ding. La iehnoh ïa ki ha ki jingjot bad ki la long ka jingïohi ba-itriem, kumba ki long mynta ka sngi.

JEREMAÏAH 46:28

Ngan wan ha phi bad pyllait im ïa phi. Ngan pynjot ïa ki hima baroh sha kiba nga la pynsakma ïa phi, hynrei ngan ym pynjot ïa phi. Ngan nym shah ba phin lait khlem shah pynshitom; hynrei haba nga pynshitom ïa phi, ngan lehhok. Ma nga, U Trai, nga la kren.”

JEREMAÏAH 5:10

Ngan phah ïa ki nongshun ban khet ïa ki bri sohwaiñ jong ki briew jong nga, hynrei ym ban pynjot khoit ïa ki. Ngan ong ïa ki ban khet noh ïa ki tnat jong ki, namar kito ki tnat kim dei ki jong nga.

JEREMAÏAH 5:18

U Trai u ong, “Wat ha kito ki sngi ngan ym pynjot khoit ïa ki briew jong nga.

JEREMAÏAH 7:34

Ka ri kan kylla ri shyiap. Ha ki nongbah ka Judah bad ha ki lynti ka Jerusalem ngan pynkut ïa ka jingsawa ka jingkmen bad ka jingsngewkmen bad ïa ki jingsawa bakmen ki jingkhawai shongkurim.

JEREMAÏAH 9:11

U Trai u ong, “Ngan pynlong ïa ka Jerusalem ka thup ki jingpra, ka jaka ha kaba ki myrsiang ki shong; ki nongbah ka Judah kin kylla ri shyiap, ka jaka ha kaba ym don mano mano bashong ba sah.”

SNGEWSYNEI 2:7

U Trai u la kyntait ïa la ka duwan bad u la iehnoh ïa ka Templ bakhuid jong u; u la shah ïa u nongshun ban kad pynpra ïa ki kynroh jong ka. Ki la pyrta ha ka jingjop hangta ha kaba shisien ngi la ïamane da ka jingkmen.

ESEKIEL 11:13

Katba nga dang ïathuhlypa, u Pelataïah u la kyllon ïap. Nga la rynsied pyllup ïa lade ha khyndew bad pyrta jam, “Em, ko Trai Nongsynshar! Hato men pynïap ïa uwei uwei baroh ba dang sah ha Israel?”

ESEKIEL 20:17

“Hynrei pynban nga la pyrkhat isynei ïa ki. Nga la rai ban ym pynïap ïa ki ha ka ri shyiap.

ESEKIEL 33:28

Ngan sa pynlong ïa ka ri ka jaka kynjah, bad ka bor kaba ki ju sngewsarong katta katta kan sa kut noh. Ki lumbah ka Israel kin long khlaw kynjah ba ym don uba nud ban leit jingleit lyngba jong ki.

ESEKIEL 6:14

Ho-oid ngan kner ïa ka kti jong nga bad pynjot ïa ka ri jong ki. Ngan sa pynlong ïa ka, ka jaka shrah naduh ka ri shyiap bashathie shaduh ka nongbah Riblah kaba na shatei, khlem da map ïa kano kano ruh ka jaka bashong ki Israel. Te baroh kin sa tip ba nga long U Trai.”

LEBITIKOS 26:31

Ha ka jingijli bakhraw, ngan pynjot thiaw ïa ki shnong jong phi, ngan pynpra ïa ki jaka mane blei jong phi, bad ngan kyntait ïa ki jingkñia ainguh jong phi.

LEBITIKOS 26:44

Hynrei la katta ruh, katba ki dang don ha ka ri ki nongshun jong ki, ngan ym iehnoh syndon lane pynjot ïa ki. Da kumta ngan ym pyndkut noh ïa ka jutang jong nga bad ki, naba nga long U Trai U Blei jong ki.

SEPHANAÏAH 1:18

Ha ka sngi haba U Trai un pyn-i ïa ka jingbitar shla jong u, wat ka rupa bad ka ksiar jong ki baroh kan ym lah ban pynim ïa ki. Ïa ka pyrthei baroh kawei yn pynjot da ka ding ka jingbitar jong u. Un pynkut — ka jingkut kaba kynsan — ïa uwei pa uwei uba im ha ka pyrthei.