JEREMAÏAH 4:21 - Khasi CL Bible (BSI)

²¹ Sa katno nga dei ban ïohi ïa ka thma kaba nang jur bad ïohsngew ïa ki jingsawa jong ki turoi?

KA BAIBL

²¹ Slem katno ngan ïohi ïa ka lama, bad ngan ïohsngew ïa ka jingsawa ka turoi?

JEREMAÏAH 4:21 ပူးပေါင်းရင်းမြစ်များ

2 KHRONIKL 35:25

U Jeremaïah u nongïathuhlypa u thaw ïa ka jingrwai pangnud ïa u syiem Josaïah. Ka long ka rukom ha Israel na ka bynta ki nongrwai, kynthei bad shynrang, ban rwai ïa kane ka jingrwai haba ki ïambriew namar jong u. La shem ïa kane ka jingrwai ha ki jingrwai pangnud ba la lumlang.

2 KHRONIKL 36:10

Haba ka pyrem ka la poi, u syiem Nebukhadnessar u ïalam ïa u Jehoïakhin sha Babilon kum u koidi, bad u rah lang ïa ki jingkynshew jong ka Templ. Nangta u Nebukhadnessar u pynlong ïa u Sedekaïah u kñi jong u Jehoïakhin kum u syiem ka Judah bad ka Jerusalem.

2 KHRONIKL 36:17

Kumta U Trai u wallam ïa u syiem ka Babilonia bad tur ïaleh ïa ki. U syiem u pynïap ïa ki samla shynrang ka Judah, wat hapoh ka Templ hi. Um don jingsngewsynei ïano ïano, samla ne tymmen, shynrang ne kynthei, uba pang ne uba koit. U Blei u aiti ïa ki baroh ha u.

2 KHRONIKL 36:3

U Neko u syiem ka Ijipt u kem koidi ïa u bad u pynlong ïa ka Judah ban siew lai hajar sawspah kilo ka rupa bad laiphew saw kilo ka ksiar kum ka khajna.

JEREMAÏAH 4:19

Ka jingpang! Ngam lah shah ïa ka jingpang! Ka dohnud jong nga! Ka dohnud jong nga ka kyndeh jur! Ngam lah ban sngap jar; nga ïohsngew ïa ki turoi bad ki jingpyrta jong ka thma.

JEREMAÏAH 4:20

Kawei ka jingjot ka bud hadien kawei pat, ïa ka ri baroh kawei la iehnoh ha ka jingjot. Kynsan kynsan la pynjot ïa ki ïingjaiñ jong ngi, ïa ki pyrda jong ki la tar lyngkhot.

JEREMAÏAH 4:22

U Trai u ong, “Ki briew jong nga ki long kiba mutlop; kim ithuh ïa nga. Ki long kiba bieit kum ki khynnah; kim don kano kano ka jingshemphang. Ki long kiba tbit ha kaba leh ïa kaba sniew, hynrei ki bym lah ban leh ïa kaba bha.”

JEREMAÏAH 6:1

Ko ki briew ka Benjamin, to phet ban lait im! Phet noh na Jerusalem! Pynsawa ïa ka turoi ha Tekoa bad to thaw ka ding-ai-dak ha Beth Hakkherem. Ka jingjot bad ka jingpynjot ki la wan artat na shatei.