JEREMAÏAH 4:19 - Khasi CL Bible (BSI)

¹⁹ Ka jingpang! Ngam lah shah ïa ka jingpang! Ka dohnud jong nga! Ka dohnud jong nga ka kyndeh jur! Ngam lah ban sngap jar; nga ïohsngew ïa ki turoi bad ki jingpyrta jong ka thma.

KA BAIBL

¹⁹ “A ki snier jong nga, ki snier jong nga! nga sngewpang haduh ka dohnud hi; ïa ka dohnud jong nga la pynjynjar hapoh jong nga; ngam lah ban sngap jar; namar pha la ïohsngew, A mynsiem jong nga, ïa ka jingsawa ka turoi, ka jingmaham ka thma.

JEREMAÏAH 4:19 ပူးပေါင်းရင်းမြစ်များ

JENESIS 49:6

Da lei lei ngan ym ïadon bad ki ha ki jingïaphylliew jingmut barieh jong ki. Da lei lei ngan ym ïasyllok lang bad ki ha ki jingïakynduh jong ki, naba haba ki khie bitar ki pynïap ïa ki briew, bad ki pyndkoh ïa ki masi shynrang kum ka jinglehkai sngewbha.

2 SYIEM 4:19

Kynsan kynsan u pyrta jam sha la u kpa, “Ka khlieh jong nga ka pang! Ka khlieh jong nga ka pang!” “Bah ïa u khynnah sha ka kmie jong u,” u kpa u ong ha u shakri jong u.

2 SYIEM 8:11

Nangta u Elisha u peit shlip ïa u da ka jingpeit kaba ishyrkhei ïa ka khmat jong u haduh ba u Hasael u la kem pang. Kynsan u Elisha u jaw ki ummat brup.

SALM 103:1

Ïaroh ïa U Trai, ko mynsiem jong nga! Baroh kaba ha nga, to ïaroh ïa ka kyrteng bakhuid jong u!

SALM 116:7

To sngewskhem, ko mynsiem jong nga, namar U Trai u la lehbha ïa nga.

SALM 119:136

Ki ummat jong nga ki tuid kum ka wah, namar ki briew kim kohnguh ïa ka aiñ jong me.

SALM 119:53

Haba nga ïohi ïa ki bymman ba ki pynkheiñ ïa ka aiñ jong me, nga la dap da ka jingbitar.

SALM 146:1

To ïaroh ïa U Trai! To ïaroh ïa U Trai, ko mynsiem jong nga!

SALM 16:2

Nga ong ha U Trai, “Me long U Trai jong nga; kiei kiei kiba bha baroh kiba nga don ki la wan na me.”

ISAÏAH 15:5

Ka dohnud jong nga ka kyang jam namar ka Moab! Ki briew ki la phet sha ki shnong jong ka Soar, bad sha ka Eglath Shelishiyah. Katto katne ki kiew ïa ka surok sha Luhith, ki da ïam haba ki leit; katto katne ki lait phet sha Horanaim, ki da ïam sngewsih jam.

ISAÏAH 16:11

Nga la ud da ka jingsngewsih namar ka Moab, da ka jingpangnud namar ka Kir Heres.

ISAÏAH 21:3

Kaei kaba nga la ïohi bad ïohsngew ha ka jingïohipaw ka la pyndap ïa nga da ka jingsngewtriem bad sngewpang, ka jingpang kum ka jong ka kynthei ha ka por suh kha.

ISAÏAH 21:4

Ka khlieh jong nga ka king, bad nga khynñiuh da ka jingsheptieng. Nga la khmih lynti ïa ka janmiet ban wan, hynrei kam shym wallam ei ei hynrei tang ka jingtriem.

ISAÏAH 22:4

Mynta to iehnoh ïa nga marwei ban ïamkthang halor kito na ki briew jong nga kiba la ïap. Wat pyrshang ban pyntngen ïa nga.

JEREMAÏAH 13:17

Lada phin ym shahshkor, ngan ïam ha kaba jar jar namar ka jingsarong jong phi; ngan ïamkthang eh, bad ki ummat jong nga kin tuid namar ki briew jong U Trai ki la shah ring noh kum ki mraw.

JEREMAÏAH 20:9

Hynrei haba nga ong, “Ngan klet noh ïa U Trai bad ngan ym kren shuh ha ka kyrteng jong u,” te ka khubor jong me ka long kum ka ding kaba klang jylliew hapoh jong nga. Nga la pyrshang kat kaba nga lah ban kun ïa ka, hynrei ngam lah ban bat ïa ka.

JEREMAÏAH 23:9

Ka dohnud jong nga ka la lwet, bad nga la khynñiuh. Namar jong U Trai, namar ki ktien kiba khuid jong u, ba nga la long kum u briew uba buaid u briew uba la dih bun eh ka waiñ.

JEREMAÏAH 4:21

Sa katno nga dei ban ïohi ïa ka thma kaba nang jur bad ïohsngew ïa ki jingsawa jong ki turoi?

JEREMAÏAH 4:5

To put ïa ka turoi ha kylleng ka ri! To pyrta jam bad shai kdar! Ïathuh ha ki briew jong ka Judah bad Jerusalem ban phet sha ki nongbah ba la ker kynroh.

JEREMAÏAH 49:2

Hynrei ka por ka poi haba ngan pynlong ïa ki briew jong ka nongbah Rabbah ban ïohsngew ïa ka jingsawa jong ka thma, bad yn ieh ïa ka ha ka jingjot bad ïa ki nongrit jong ka ban thang haduh khyndew. Nangta ki Israel kin shim pat ïa la ka jaka na kito kiba la shim ïa ka na ki.

JEREMAÏAH 50:22

Ïa ka jingsawa jong ka thma la ïohsngew ha ka ri, bad ka don ka jingpynjot bakhraw.

JEREMAÏAH 6:24

“Ngi la ïohsngew ïa ka khubor,” ong ki briew ka Jerusalem, “bad ki kti jong ngi ki noh kyrwep, la kem ïa ngi da ka jinglyng-a bad ka jingpang kum ka kynthei kaba suh kha.

JEREMAÏAH 8:18

Ïa ka jingsngewsih jong nga ym lah ban pynkhiah; nga pang ha ka dohnud.

JEREMAÏAH 8:21

Ka dohnud jong nga ka la shah pynlwet namar ki briew jong nga ki la shah pynlwet; nga ïam sngewsih; nga la shaïong jur.

JEREMAÏAH 9:1

Nga kyrmen ba ka khlieh jong nga ka long ka pukri um, bad ba ki khmat jong nga ka umpohliew ki ummat, khnang ba nga lah ban ïam mynsngi bad mynmiet na ka bynta ki briew jong nga kiba la shah pynïap.

JEREMAÏAH 9:10

Nga la ong, “Ngan ïam sngewsih na ka bynta ki lumbah bad jaw ummat na ka bynta ki jaka pynbamphlang, namar ki la tyrkhong, bad ym don mano mano ba leit jingleit lyngba jong ki. Ïa ka jingsawa ki jingri ym shym ïohsngew shuh; ki sim bad ki mradkhlaw ki la phet bad kim don shuh.”

SNGEWSYNEI 1:16

“Kata ka long balei ba ki khmat jong nga ki shlei da ki ummat. Ym don mano mano ba lah ban pyntngen ïa nga; ym don mano mano ba lah ban ai jingshlur ïa nga. U nongshun u la jop ïa nga; ki briew jong nga kim don ei ei shuh kaba sah.

SNGEWSYNEI 1:20

“Ha khmih, A Trai, ha ka jingkordit jong nga, ha ka jingjynjar sat ka mynsiem jong nga! Ka dohnud jong nga ka pait ha ka jingsngewsih na ka bynta ki pop jong nga. Ka don ka jingpynïap ha ki lynti bah; wat hapoh ïing ka don ka jingïap.

SNGEWSYNEI 2:11

Ki khmat jong nga ki la tlot da ka jingïam; ka mynsiem jong nga ka don ha ka jinglyng-a. Nga la thait da ka jingsngewsih ha ka jingshah pynjot jong ki briew jong nga. Ki khynnah bad ki khunlung ki ïapler ha ki lynti bah jong ka nongbah.

DANIEL 4:19

Ha kane, u Daniel, ïa uba la khot ruh u Belteshassar, u la sngewsheptieng katta katta ba um lah ban ong ei ei. U syiem u la ong ha u, “Ko Belteshassar, wat ai ba ka jingphohsniew bad ka khubor jong ka kin pynsheptieng ïa me.” U Belteshassar u la phai ktien, “Ko Syiem Kynrad, nga kwah ba ka jingphohsniew bad ka jingbatai ïa ka kan dei ïa ki nongshun jong phi bad ym ïa phi.

DANIEL 7:15

Ki jingïohipaw ki la pynsheptieng ïa nga, bad la pynwit shikatdei eh ïa nga.

DANIEL 7:28

Kane ka dei kaba kut jong ka jingïathuh. Nga la sheptieng haduh katta katta ba nga la kylla lieh blaid blaid, bad ba nga la set ïa kaei kaei baroh ha lade.

DANIEL 8:27

Nga la noh mynsiem bad shitom bun bun sngi. Hadien kata nga la khie bad leit pat sha ka kam kaba u syiem u la ai ha nga, hynrei nga la shaïong da ka jingïohipaw bad ngam lah ban shemphang ïa ka.

AMOS 3:6

Hato ka turoi thma ka ju sawa ha ka nongbah khlem da pynlong ïa ki briew ban sheptieng? Hato ka jingjynjar ka ju ngat ha ka nongbah lymda U Trai u phah ïa ka?

HABAKKUK 3:16

Nga ïohsngew ïa kane baroh, bad nga kyiuh; ki rmiang shyntur jong nga ki khih da ka jingsheptieng. Ka met jong nga ka jem lwep, bad ki kjat jong nga ki jynthut hapoh jong nga. Ngan ap jar jar ïa ka por ka ban wan haba U Blei un pynshitom ïa kito kiba tur ïaleh ïa ngi.

JINGKHEIÑ 10:9

Haba phi don ha ka thma ha la ka ri, haba phi ïada ïa lade pyrshah ïa u nongshun uba tur ïaleh ïa phi, ai dak ban ïaleh thma da kine ki turoi. Ma nga U Trai U Blei jong phi, ngan ïarap bad pyllait im ïa phi na ki nongshun jong phi.

Ka Shithi U Paul Sha Ki Nong Rom 10:1

Ko ki parabangeit jong nga, katno nga kwah da ka dohnud jong nga baroh ba ki briew jong nga hi kin long ïa kiba la pynim! Katno nga duwai ïa U Blei na ka bynta jong ki!

1 KORINTH 14:8

Bad lada u briew u put ïa ka ronsing ka bym ai ka jingsawa kaba shai, uei u ban pynkhreh na ka bynta ka thma?

GALATIA 4:19

Ko ki khun ba-ieit jong nga! Sa shisien, kum ka kmie kaba suh kha, nga sngew ïa kajuh ka jait jingsuh na ka bynta jong phi tad haduh ka jinglong U Khrist kan da thawdur ha phi.

NONGBISHAR 5:21

Ka jingshlei um ha ka Kishon ka la rong noh ïa ki — Ka lat lat ka wah Kishon. Ngan nang ïaid, nang ïaid shaphrang, da ka jingkhlaiñ!