JEREMAÏAH 4:18 - Khasi CL Bible (BSI)

¹⁸ Ko Judah, pha la wallam ïa kane halor lade da ka rukom kaba pha la im bad da kiei kiei kiba pha la leh. Ka pop jong pha ka la pynjia ïa kane ka jingjynjar; ka la dung ïa pha lyngba ka dohnud.

KA BAIBL

¹⁸ “Ka lynti jong me bad ki jingleh jong me ki la pynïoh ïa kine kiei kiei ha me; kane ka long ka jingbymman jong me; namar ka long ka bakthang, naba ka poi haduh ka dohnud jong me.

JEREMAÏAH 4:18 ပူးပေါင်းရင်းမြစ်များ

SALM 107:17

Katto katne ki la long kiba bieit, ki shahshitom namar ki pop jong ki bad namar ka jingsniew jong ki;

PROBERB 1:31

Namar kata, phin ïoh ïa kaba phi pan kwah, bad ki kam jong phi hi kin pynshitom ïa phi.

PROBERB 5:22

Ki pop u riewbymman ki long ka jingriam. U ngat ha ka jingriam jong ki pop jong u hi.

ISAÏAH 50:1

U Trai u ong, “Phi tharai ba nga la phah noh ïa la ki briew kum u briew uba pyllait noh ïa la ka tnga? Hangno te, ki don ki kot pyllait tnga? Phi tharai nga la die ïa phi sha ka jingshahtehmraw kum u briew uba die ïa la ki khun kum ki mraw? Em, phi la leit shahtehmraw noh namar ki pop jong phi; la phah noh ïa phi namar ki kam bymman jong phi.

JEREMAÏAH 14:16

Ki briew ha kiba ki la kren ïa kine kiei kiei kin ïap ha kajuh ka rukom. Ïa ki met jong ki yn bret shabar ha ki lynti jong ka Jerusalem, bad yn ym don mano mano ban tep ïa ki. Kane kan jia ha ki baroh — kynthup ïa ki tnga jong ki, ki khun shynrang bad ki khun kynthei jong ki. Ngan pynlong ïa ki ban siew na ka bynta ka jingbymman jong ki.”

JEREMAÏAH 2:17

Ko Israel me la wallam ïa kane halor jong me! Me la iehnoh ïa nga, U Trai U Blei jong me, katba nga dang ïalam ïa me ha ka lynti.

JEREMAÏAH 2:19

Ka jingsniew jong me hi kan pynshitom ïa me, bad ka jingphai noh jong me na nga kan pynrem ïa me. Men ïoh tip haduh katno kaba kthang bad kaba bakla ka long ban iehnoh ïa nga, U Trai U Blei jong me, bad mem shym long shuh uba ïaineh ha nga. Ma nga, U Trai Nongsynshar Badonbor Baroh, nga la kren.”

JEREMAÏAH 26:19

U syiem Hesekaïah bad ki briew jong ka Judah kim shym la pynïap ïa u Mikah. Pynban, u Hesekaïah u la pyndonburom ïa U Trai bad u la pyrshang ban pynïoh ïa ka jingsngewbha jong u. Bad U Trai u la kylla ïa la ka jingmut na ka jingpynjot kaba u la ong ba un wallam ha ki. Mynta ngi la jan wallam ka jingpynjot bashyrkhei halor jong ngi hi.”

JEREMAÏAH 5:19

Haba ki kylli balei ba nga la leh ïa kine kiei kiei, ïathuh ïa ki, ko Jeremaïah, ba kumba ki la phai noh na nga bad shakri ïa ki blei nongwei ha ka ri jong ki hi, kumta kin shakri ïa ki nongwei ha ka ri ka bym dei ka jong ki.”

JEREMAÏAH 5:25

Pynban, ki pop jong phi ki la bat noh ïa kine kiei kiei kiba bha na phi.

JEREMAÏAH 6:19

To shahshkor, ko pyrthei! Kum ka jingpynshitom ïa ki jingthmu jong ki nga wallam ka jingjot halor kine ki briew, namar ki la kyntait ïa ka jinghikai jong nga bad kim shym la kohnguh ïa ki ktien jong nga.

SNGEWSYNEI 3:15

Ka jingshah shitom bakthang ka long baroh kaba u la ai ïa nga kum ka jingbam bad jingdih.

ESEKIEL 39:24

Nga la ai ïa ki ïa kaei kaba ki dei ban ïoh na ka bynta ka jingbymkhuid bad ka jingbymman jong ki, bad nga la phai noh na ki.”

HOSIA 7:2

Kam ju rung ha ki jingmut jong ki ba ngan kynmaw ïa kane ka kam sniew baroh; hynrei ki pop jong ki, ki ker sawdong ïa ki, bad ngam lah khlem da ïohi ïa ki.”