JEREMAÏAH 4:16 - Khasi CL Bible (BSI)

¹⁶ Ki la wan ban maham ïa ki jaitbynriew bad ban ïathuh ïa ka Jerusalem ba ki nongshun ki wan na ka ri kaba jngai bah. Kine ki nongshun kin pyrta pyrshah ïa ki nongbah jong ka Judah

KA BAIBL

¹⁶ to ïathuh ha ki jaid bynriew, “Ha khmih, to pynbna pyrshah ïa ka Jerusalem, ba ki nongap ki wan na ka ri kaba jngai, bad ki pynjam ïa la ka ktien pyrshah ïa ki shnong Judah.

JEREMAÏAH 4:16 ပူးပေါင်းရင်းမြစ်များ

ISAÏAH 34:1

Ale, phi ki briew jong ki hima baroh! To ïalumlang bad to shahshkor. Ai ba ka pyrthei baroh kawei bad uwei pa uwei uba shong ha ka un wan hangne bad shahshkor.

ISAÏAH 39:3

Te u Isaïah u nongïathuhlypa u la leit sha u syiem Hesekaïah bad u la kylli, “Nangno kine ki briew ki wan bad kaei kaba ki ong ïa phi?” U Hesekaïah u la jubab, “Ki wan na ka ri kaba jngai bha, na Babilonia.”

JEREMAÏAH 1:15

namar nga khot ïa baroh ki jaitbynriew ha ka phang bashatei ban ïawan. Ki syiem jong ki kin pynïeng ïa ki khet jong ki ha ki khyrdop jong ka Jerusalem bad sawdong ïa ki kynroh jong ka bad ruh sawdong ïa kiwei pat ki nongbah jong ka Judah.

JEREMAÏAH 16:6

Kiba riewspah bad kiba duk kin ïap ha kane ka ri, hynrei ym don mano mano ban tep ïa ki lane ban ïambriew na ka bynta jong ki. Ym don mano mano u ban ot ïa lade lane u ban khi ïa la ka khlieh ban pyn-i ïa ka jingsngewsih jong u.

JEREMAÏAH 2:15

Ki la kyrhuh ha u kum u sing, ki la pynkylla ri shyiap ïa ka ri jong u, bad ki shnong jong u ki don ha ka jingjot jingpra, kiba la shah iehnoh khoit.

JEREMAÏAH 31:10

U Trai u ong, “Ko ki jaitbynriew, to shahshkor ïa nga, bad to pynbna ïa ki ktien jong nga shaduh ki rud duriaw kiba jngai. Nga la pynsakma ïa ki briew jong nga, hynrei ngan lumlang ïa ki bad ïada ïa ki kumba u nongaplangbrot u ïada ïa la ka kynhun langbrot.

JEREMAÏAH 39:1

Ha u bnai ba-shiphew jong ka snem bakhyndai ba u Sedekaïah u long u syiem ka Judah, u Nebukhadnessar u syiem ka Babilonia u la wan bad ka kynhun shipai jong u baroh bad u la tur ïaleh ïa ka Jerusalem.

JEREMAÏAH 4:17

bad yn kerkut ïa ka Jerusalem kumba ki rangbah ki ap phira ïa ka lyngkha, namar ki briew jong ka ki la ïeng ïaleh pyrshah ïa U Trai. U Trai u la kren.

JEREMAÏAH 5:15

Ko ki paid Israel, U Trai u wallam ka jaitbynriew na sha jngai ban tur ïaleh ïa phi. Ka long ka jaitbynriew kaba khlaiñ bad kaba la rim, ka jaitbynriew kaba ïa ka ktien jong ka phim tip.

JEREMAÏAH 5:6

Dei kata keiñ balei ba ki sing na khlaw kin pynïap ïa ki, ki suri na ka ri shyiap kin tar lyngkhot ïa ki, bad ki 'labasa kin ïaid apthap lyngba ki shong jong ki. Lada kito ki briew ki mih shabar, yn tar lyngkhot ïa ki namar ki pop jong ki, ki long kiba bun bad na ka por sha ka por ki la phai dien noh na U Blei.

JEREMAÏAH 50:2

“Ïathuh ïa ka khubor sha ki jaitbynriew! Pynbna ïa ka! Ai ka dak bad pynbna ïa ka khubor! Wat buhrieh ïa ka! Ka Babilon ka la kyllon! U Marduk u blei jong ka u la khynñiuh! Ïa ki bleithaw jong Babilon la buh ha ka jinglehrain, ïa ki dur ba-ijli jong ka la pynlwet!

JEREMAÏAH 6:18

Kumta U Trai u ong, “To shahshkor phi ki jaitbynriew, bad to tip kaei ka ban jia ïa ki briew jong nga.

JEREMAÏAH 6:19

To shahshkor, ko pyrthei! Kum ka jingpynshitom ïa ki jingthmu jong ki nga wallam ka jingjot halor kine ki briew, namar ki la kyntait ïa ka jinghikai jong nga bad kim shym la kohnguh ïa ki ktien jong nga.

JEREMAÏAH 6:22

U Trai u ong, “Ki briew ki wan na ka ri ha ka phang bashatei; ka jaitbynriew kaba khrawbor na sha jngai bah ka pynkhreh ïa ka thma.

JEREMAÏAH 6:23

Ki la shim ïa la ki ryntieh bad ki waitlam; ki long kiba runar bad ki bym don jingisynei. Ki sawa kum ka duriaw bakyrhuh, katba ki shong ha ki kulai jong ki. Ki la pynkhreh ïa ka thma pyrshah ïa ka Jerusalem.”

JEREMAÏAH 8:19

Shahshkor! Ha kylleng ka ri nga ïohsngew ba ki briew jong nga ki kyang jam, “Hato U Trai um don shuh ha Seïon? Hato u syiem ka Seïon um don shuh hangta?” U Trai, u syiem jong ki, u jubab, “Balei phi la pynbitar ïa nga da kaba mane ïa ki bleithaw jong phi bad da kaba nguh dem ïa ki blei nongwei bymmyntoi?”

ESEKIEL 21:22

Mynta! Ka kti kamon jong u ka bat ïa ka jingkdew ba la thoh ‘Jerusalem’! Ka ïathuh ïa u ban leit bad buh ïa ki dieng tyndung pynpra kynroh, ban pyrta ïa ka jingkyang thma, ban buh ïa ki dieng tyndung pynpra kynroh pyrshah ïa ki khyrdop, ban bret shajrong ïa ka khyndew ba la tih, bad ban tih ïa ki kharai.