JEREMAÏAH 4:14 - Khasi CL Bible (BSI)

¹⁴ A Jerusalem, to sait noh ïa ka jingsniew na ka dohnud jong pha, khnang ba pha lah ban ïohlait im. Sa katno phan dang ïai pyrkhat ïa ki jingpyrkhat bashlei da ka pop?

KA BAIBL

¹⁴ A Jerusalem, to sait ïa la ka dohnud na ka jingbymman, ba yn pynim ïa pha. Slem katno ki jingmut basniew jong pha kin shong hapoh jong pha?

JEREMAÏAH 4:14 ပူးပေါင်းရင်းမြစ်များ

SALM 119:113

Nga isih ïa kito ki bym shaniah tylli ha me, hynrei nga ieit ïa ka aiñ jong me.

SALM 51:2

To sait ïa ka jingbymman jong nga baroh bad pynlong ïa nga uba khuid na ka pop jong nga!

SALM 66:18

Lada ngam shym la suidñiew ïa ki pop jong nga, U Trai un ym jin da la shahshkor ïa nga.

PROBERB 1:22

“A, phi ki briew kiba bieit! Slem katno keiñ phi dang kwah ban sah bieit? Sa katno keiñ phin dang kmen ha kaba krenbeiñ ïa ka jingtip? Hato phim kwah ban ïoh jinghikai?

ISAÏAH 55:7

To ai ba ki bymman kin iehnoh ïa la ka rukom im bad ban kylla ïa ka rukom pyrkhat. To ai ba kin phai sha U Trai. U Blei jong ngi u long uba dap da ka jingisynei bad uba kloi ban map ei.

JEREMAÏAH 13:27

U la ïohi ba pha leh ïa kiei kiei kiba u isih. U la ïohi ba pha bud ïa ki blei thala halor ki lum bad ki lyngkha, kum u briew uba threw jakhlia ïa ka tnga u paramarjan jong u lane kum u kulai ïa ka kulai. Ko ki briew jong ka Jerusalem, phi long kiba la tim! Lano phin ïoh long kiba khuid?

JEREMAÏAH 17:1

U Trai u ong, “Ko ki briew jong ka Judah, ïa ka pop jong phi la thoh da u khulom nar; la pruid jylliew halor ki dohnud jong phi da u diamond banep bad la ohdur halor ki dong jong ki duwan jong phi.

JEREMAÏAH 18:11

Mynta te, to ïathuh ïa ki briew jong ka Judah bad ka Jerusalem ba nga thaw ki jingthmu bathymmai pyrshah ïa ki bad nga khreh ban pynshitom ïa ki. Ïathuh ïa ki ban sangeh ban im ka jingim ba-dap da ka pop — ban pynkylla ïa ki rukom im jong ki bad ïa kiei kiei kiba ki leh.

JEREMAÏAH 2:22

Wat lada me la sait da ka sabon kaba khlaiñ, ngan dang ïai ïohi ïa ka jingkhah jaboh jong ka jingpalat jong me.

JEREMAÏAH 6:19

To shahshkor, ko pyrthei! Kum ka jingpynshitom ïa ki jingthmu jong ki nga wallam ka jingjot halor kine ki briew, namar ki la kyntait ïa ka jinghikai jong nga bad kim shym la kohnguh ïa ki ktien jong nga.

ESEKIEL 18:31

To iehnoh ïa kaba sniew baroh kaba phi leh bad pynïoh ïa lade ki jingmut bad ka dohnud kiba thymmai. Balei ma phi ki Israel phi kwah ban ïap?

SEKHARAÏAH 8:17

Wat thmu ïa ki rukom pynmynsaw iwei ïa iwei pat. Wat ai ïa ka jingsakhi lamler ha kaba jingsmai. Nga isih ïa ka jinglamler, ka jingbymlehhok bad ka jinglehbor.”

MATHAÏOS 12:33

“Ban ïoh ïa u soh uba bha phi dei ban don u dieng uba plung bha; lada phi don u dieng uba swai, phin ïoh u soh uba sniew. Ïa u dieng la tip da u jait soh ba u pynmih.

LOUKAS 11:39

Kumta U Trai u la ong ha u, “Mynta te, phi ki Pharisi phi pynkhuid ïa kaba shabar jong ka khuri bad ka pliang jong phi, hynrei hapoh, phi dap da ka jingleh jubor bad ka jingsniew.

ÏOANNIS 13:9

U Simon Petros u la jubab, “Ko Trai, to wat sait tang ïa ki kjat jong nga, te! To sait ruh ïa ki kti bad ïa ka khlieh jong nga ruh.”

KI KAM 8:22

To kylla-kaba-mut, te, na kane ka jingthmu bymman jong me, bad duwai ha U Trai ba un map ïa me na kaba pyrkhat ïa kaba kum kane.

Ka Shithi U Paul Sha Ki Nong Rom 1:21

Ki tip ïa U Blei, hynrei kim ai ïa u ka burom kaba dei ka jong u, lymne kim shym sngewnguh ïa u. Pynban, ki jingpyrkhat jong ki, ki la long ki bym don jingmut ei ei, bad ïa ki jingmut ba-thylli jong ki la pyndap da ka jingdum.

1 KORINTH 3:20

bad kawei pat ka Jingthoh Bakhuid ka ong, “U Trai u tip ba ki jingpyrkhat jong kiba stad ki long ki bymdondor ei ei.”

JAKOB 4:8

To wan hajan U Blei, bad un wan hajan jong phi. To sait ïa la ki kti, ko phi ki nongpop! To pynkhuid ïa la ki dohnud, phi kiba arsap!