JEREMAÏAH 4:13 - Khasi CL Bible (BSI)

¹³ Ha khmih, u nongshun u wan kum ki lyoh. Ki kali ïapom jong u ki long kum ka 'erlangthari, bad ki kulai jong u ki kham stet ban ïa ki pukni. Ngi la shahjop! Ngim lah khie khlieh shuh!

KA BAIBL

¹³ Ha khmih, un wan kiew kum ki lyoh, bad ki kali jong u kum ki lyer langthari: ki kulai jong u ki long kham stet ban ïa ki pukni. Kordit ïa ngi! naba la lute ïa ngi.

JEREMAÏAH 4:13 ပူးပေါင်းရင်းမြစ်များ

2 SAMUEL 1:23

“U Saul bad u Jonathan, ki long kiba phylla bad ba sngewieit; Ryngkat ryngkat ha ka jingim, bad ryngkat ryngkat ha ka jingïap; ki kham stet ban ïa ki pukni, ki kham khlaiñ ban ïa ki sing.

ISAÏAH 13:5

Ki ïawan na ki ri kiba jngai bah ha kiba kut ka pyrthei. Ha ka jingbitar jong u, U Trai u wan ban pynjot ïa ka ri baroh kawei.

ISAÏAH 19:1

Kane ka dei ka khubor shaphang ka Ijipt. U Trai u wan sha Ijipt, u da shong ha u lyoh uba ïaid stet. Ki bleithaw jong ki Ijipt ki khynñiuh ha khmat jong u, bad ki briew jong ka Ijipt ki duh noh ïa ka jingshlur jong ki.

ISAÏAH 3:8

Ho-oid, ka Jerusalem ka long ba la tim! Ka Judah ka dang khyllem! Kano kano kaba ki kren lane ki leh ka long pyrshah ïa U Trai; ki ibeiñ khlem buhrieh ïa U Blei hi.

ISAÏAH 5:28

Ki khnam jong ki, ki long kiba nep, bad ki ryntieh jong ki, ki long kiba la pynkhreh ban siat. Ki poh'jat jong ki kulai jong ki, ki eh kum ki mawshamok bad ki shaka jong ki kali ïapom jong ki, ki kylla long kum ka 'erlangthari.

ISAÏAH 66:15

U Trai un wan bad ka ding. Un shong ha ki thapniang jong ka 'erïong, ban pynshitom ïa kito kiba u la bitar.

JEREMAÏAH 10:19

Ki briew ka Jerusalem ki kyang jam, “Haduh katno la pynmong jur ïa ngi! Ki jingmong jong ngi kin ym koit. Bad ngi la pyrkhat ba kane ka dei kaei kaei kaba ngi lah ban shah!

JEREMAÏAH 4:12

ka lyer kaba wan ha ka hukum jong U Trai kan long kaba kham khlaiñ ban ïa kata! U dei U Trai hi uba pynbna ïa ka jingbishar halor ki briew jong u.

JEREMAÏAH 4:31

Nga la ïohsngew ïa ka jingïam, kum ka kynthei kaba suh kha, ka jinglynñiar kum ka kynthei kaba kha ïa i khun nyngkong jong ka. Ka la long ka jingïam jong ka Jerusalem kaba kwah eh ban ring mynsiem, ka da kner noh ïa ka kti jong ka bad ong, “Nga long kaba la tim! Ki wan ban pynïap ïa nga!”

JEREMAÏAH 46:18

Ma nga, U Trai Badonbor Baroh, nga long u syiem. Nga long U Blei Uba im. Kumba u lum Tabor u ïeng kynjang tam ïa ki lum bad u lum Karmel u ïeng hajrong tam ïa ka duriaw, kumta kan long ka jingkhlaiñ jong uta uba tur ïaleh ïa me.

JEREMAÏAH 48:40

U Trai u la kular ba ka hima kan hiar halor ka Moab kum u pukni lem bad ki thapniang ba-pyiar jong u,

JEREMAÏAH 49:22

U nongshun un tur ïaleh ïa ka Bosrah kum u pukni uba suh wia sha tbian lem bad ki thapniang ba-pyiar. Ha kata ka sngi ki shipai Edom kin sheptieng kum ka briew kaba suh kha.”

JEREMAÏAH 6:23

Ki la shim ïa la ki ryntieh bad ki waitlam; ki long kiba runar bad ki bym don jingisynei. Ki sawa kum ka duriaw bakyrhuh, katba ki shong ha ki kulai jong ki. Ki la pynkhreh ïa ka thma pyrshah ïa ka Jerusalem.”

JEREMAÏAH 9:19

To shahshkor ïa ka jingsawa ka jingïam ha Seïon, “La pynjot ïa ngi! La pynlehrain khoit ïa ngi! Ngi dei ban iehnoh ïa ka ri jong ngi; ïa ki ïing jong ngi la pynkhyllem.”

SNGEWSYNEI 4:19

Kham stet ban ïa ki pukni kiba suh wia na sahit bneng, ki beh kthong ïa ngi sha tbian. Ki lap ïa ngi ha ki lumrit; ki kurup ïa ngi ha ka jingkyndit ha ka ri shyiap.

ESEKIEL 26:10

Ki lyoh pui pui ba pynmih da ki kulai jong ki, kin tap ïa pha. Ka jingsawa na ki kulai ba paring ïa ki kali kit mar bad ki kali ïapom kin pynkhynñiuh ïa ki kynroh jong pha katba ki dang ïaid lyngba ki khyrdop jong ka nongbah ba la pynjot.

ESEKIEL 38:9

Ma u bad ka kynhun shipai jong u bad bun ki jaitbynriew kiba don bad u kin tur ïaleh kum ka 'erïong bad tap ïa ka ri kum u lyoh.”

DANIEL 11:40

“Haba ka kynta kaba khatduh jong u syiem ka Syria ka la jan wan artat, u syiem ka Ijipt un tur ïaleh ïa u, bad u syiem ka Syria un ïaleh pyrshah da la ka bor baroh, da kaba pyndonkam ïa ki kali ïapom, ki kulai, bad ki liengbah kiba bun. Un hiarthma ïa kiba bun ki ri, kum ka jingshlei ki um.

DANIEL 7:4

Uba nyngkong u syriem kum u sing, hynrei u don ki thapniang kum u pukni. Katba nga dang khmih la pynkdiah ïa ki thapniang. Ïa u mradkhlaw la rah shajrong bad la pynlong ïa u ban ïeng kum u briew. Bad nangta la ai ha u ka jingmut jingpyrkhat kum u briew.

HOSIA 8:1

U Trai u ong, “Pynsawa ïa ka jingmaham! Ki nongshun ki hiar kynsan shapoh ha ka ri jong nga kum ki pukni! Ki briew jong nga ki la pynkheiñ ïa ka jutang kaba nga la ïateh bad ki, bad ki la ïaleh pyrshah ïa ka jinghikai jong nga.

MIKAH 2:4

Haba kata ka por ka poi, ki briew kin pyndonkam ïa ka jingïathuhkhana jong phi kum ka nuksa ïa ka jingpynjot, bad kin rwai ïa kane ka jingrwai sngewsih ïa ka jingshem jong phi: “La pynjot thiaw ïa ngi! U Trai u la shim noh ïa ka ri jong ngi bad u la ai ïa ka sha kito kiba la ring koidi ïa ngi.”

NAHUM 1:3

U Trai um ju bitar shen, hynrei u long uba khrawbor bad um ju shah ba kiba shah rai pynrem kin lait khlem shah pynshitom. Hangno ha kaba U Trai u ïaid, ki 'erïong ki khie; ki lyoh ki long ki pui pui ba la pynmih da ki kjat jong u!

HABAKKUK 1:8

“Ki kulai jong ki, ki kham stet ban ïa ki 'labasa, kham shyrkhei ban ïa ki suri bathngan. Ki nongshong kulai jong ki, ki wan tur na ki jaka ba sha jngai; ki kulai jong ki, ki trud ïa ka khyndew. Ki wan suh wia kum ki pukni kiba tur ha ka jingbam.

SEKHARAÏAH 6:1

Nga la ïoh sa kawei pat ka jingïohipaw. Ha kane ka por nga la ïohi saw tylli ki kali ïapom kiba wan mih napdeng ki ar tylli ki lumbah rnong.

MATHAÏOS 24:30

Nangta ka dak U Khun U Briew kan paw ha ka sahit bneng, bad baroh ki jaitbynriew jong ka pyrthei kin ïam haba ki ïohi ïa U Khun U Briew ba u wan ha ki lyoh bneng ha ka bor bad ka burom bakhraw.

DEUTERONOMI 28:49

U Trai un phah ïa ka jaitbynriew na kaba kut ka pyrthei pyrshah ïa phi, ka jaitbynriew kaba ka ktien ka thylliej jong ka phin ym sngewthuh. Kin wan hiar kynsan ha phi kumba suh u pukni.

JINGPYNPAW 1:7

Ha khmih, u wan ha ki lyoh! Baroh kin ïohi ïa u, kynthup ïa kito kiba la sum ïa u. Ki jaitbynriew baroh ha ka pyrthei kin ïamkthang namar jong u. Kumta kan long!