JEREMAÏAH 4:10 - Khasi CL Bible (BSI)

¹⁰ Nangta nga la ong, “Ko Trai Nongsynshar, me la shukor la biang ïa ki briew jong ka Jerusalem! Me la ong ba kan don ka jingsuk, hynrei ka waitlam ka ha ki pdot jong ki.”

KA BAIBL

¹⁰ Ynda kumta, nga la ong, “A Trai U Blei! Da shisha me la shukor shikatdei ïa une u paidlang bad ïa ka Jerusalem, da kaba ong, ‘Phin ïoh ka jingsuk;’ haba ka waitlam pynban ka pei haduh ka mynsiem.”

JEREMAÏAH 4:10 ပူးပေါင်းရင်းမြစ်များ

EKSODOS 5:22

Nangta u Moses u la phai biang sha U Trai bad u la ong, “A Trai, balei me lehbeiñ sat ïa la ki briew? Balei me phah ïa nga shane?

EKSODOS 9:14

Naba ha kane ka kynti ngan pynshitom ym tang ïa ki rangbah synshar bad ïa ki briew jong me, hynrei ïa me hi ruh, khnang ba men ïoh tip ba ym don uba kum ma nga ha ka pyrthei baroh.

ISAÏAH 30:10

Ki ong ïa ki nongïathuhlypa ban sngap jar. Ki ong, “Wat kren ha ngi shaphang kaei kaba dei. Ïathuh ha ngi ïa kaei kaba ngi kwah ban ïohsngew. Ai ba ki jingïohi rngai jong ngi kin sah bad ngi.

ISAÏAH 37:35

Ngan ïada ïa kane ka nongbah bad ngan ïada ïa ka, na ka bynta ka burom jong nga hi bad namar ka kular kaba nga la pynlong ha u shakri jong nga u Dabid.’ ”

ISAÏAH 63:17

Balei me shah ba ngin sakma na ki lynti jong me? Balei ba me pynlong mutlop ïa ngi ba ngin phai lyndet na me? To wan phai noh, na ka bynta kito kiba shakri ïa me, na ka bynta u paidlang uba la ju long u jong me.

JEREMAÏAH 1:6

Nga jubab, “Ko Trai Nongsynshar, ngam tip kumno ban kren; nga dang khynnah eh.”

JEREMAÏAH 23:17

Ha ki briew kiba kyntait ban sngap ïa kaei kaba nga la ong, ki ïai-ong ba baroh ka long bha bad ki. Bad ki ïathuh ïa uwei uwei baroh uba mutlop ba ka jingjot kan ym ktah ïa u.”

JEREMAÏAH 32:17

“A Trai Nongsynshar, me la thaw ïa ka khyndew bad ka suiñbneng da ka bor bad ka borbah bakhraw; ym don kaba eh than ïa me.

JEREMAÏAH 4:18

Ko Judah, pha la wallam ïa kane halor lade da ka rukom kaba pha la im bad da kiei kiei kiba pha la leh. Ka pop jong pha ka la pynjia ïa kane ka jingjynjar; ka la dung ïa pha lyngba ka dohnud.

JEREMAÏAH 5:12

Ki briew jong U Trai ki la len ïa u bad ki la ong, “Un ym leh ei ei da shisha. Ngin ym mad ïa ki por ba-eh; ngin ym mad ïa ka thma lane ka 'nemsniew.”

JEREMAÏAH 6:14

Ki leh kumba ki jingmong jong ki briew jong nga ki long tang ki jingtrud. ‘Baroh ka bit ka biang,’ ki ong, haba baroh kam bit kam biang.

JEREMAÏAH 8:11

Ki leh kumba ki jingmong jong ki briew jong nga ki long tang ki jingtrud. ‘Baroh ka bit ka biang,’ ki ong, haba baroh kam bit kam biang.

SNGEWSYNEI 2:21

Kiba samla bad kiba tymmen kumjuh ki thiah ïap ha ki lynti bah, ki samla shynrang bad kynthei, ki la shah pynïap da ki waitlam jong u nongshun jong ki. Me la pynïap ïa ki khlem jingisynei ha ka sngi ka jingbitar jong me.

ESEKIEL 11:13

Katba nga dang ïathuhlypa, u Pelataïah u la kyllon ïap. Nga la rynsied pyllup ïa lade ha khyndew bad pyrta jam, “Em, ko Trai Nongsynshar! Hato men pynïap ïa uwei uwei baroh ba dang sah ha Israel?”

Ka Shithi U Paul Sha Ki Nong Rom 1:24

Bad kumta U Blei u la ai noh ïa kita ki briew sha ka ban leh ïa kiei kiei kiba jakhlia kiba ki dohnud jong ki, ki kwah, bad ki leh ïa kiei kiei kiba khlemrain para ma ki.

Ka Shithi U Paul Sha Ki Nong Rom 1:26

Namar ba ki leh ïa kane, U Blei u la ai noh ïa ki sha ki jingkwah brai bakhlemrain. Wat ki kynthei ki la pynbakla noh ïa ka jingpyndonkam kaba dei kat kum ka rukom ha ka jingshongkurim da ki jingleh ki bym dei kat kum ka rukom.

Ka Shithi U Paul Sha Ki Nong Rom 1:28

Namar ba kita ki briew ki la kyntait ban bat ha ka jingmut ïa ka jingtip bashisha shaphang U Blei, u la ai noh ïa ki sha ki jingmut bajakhlia, ba kumta ki leh ïa kiei kiei kiba kim dei ban leh.