JEREMAÏAH 4:1 - Khasi CL Bible (BSI)

¹ U Trai u ong, “Ko paid Israel, lada phi kwah ban wan phai, to wan phai noh sha nga. Lada phi shaniah ha nga bad weng noh ïa ki bleithaw kiba nga ijli,

KA BAIBL

¹ “Lada men wan phai, A Israel,” ong U Trai, “sha nga keiñ men wan phai: bad lada men bred noh ïa ki jingijli jong me na khmat jong nga, te yn ym pynkynriah noh ïa me;

JEREMAÏAH 4:1 ပူးပေါင်းရင်းမြစ်များ

JENESIS 35:2

Kumta u Jakob u ong ha la ki ba-ha-ïing ha-sem bad ha kita baroh kiba don lem bad u, “Bret noh ïa ki blei nongwei baroh kiba phi don; pynkhuid ïa lade, bad phong da ki jaiñ kiba khuid.

2 SYIEM 23:13

U Josaïah u la ñiewsang ïa ki duwan ba u syiem Solomon u la tei shaphang mihngi ka Jerusalem, shaphang shathie jong u Lum ki Olib, na ka bynta ban mane ïa ki bleithaw ba-ijli ― ka Astarte ka blei ki Sidon, u Khemosh u blei ki Moab bad u Molekh u blei ki Ammon.

2 SYIEM 23:24

Khnang ban pyntreikam ïa ki aiñ ba la thoh ha ka Kitab ba u Hilkaïah u Rangbah Lyngdoh u la shem ha ka Templ, u syiem Josaïah u la weng noh na Jerusalem bad ki bynta ka Judah ïa baroh ki nongleh byrtong bad ki nongbatai kupar, bad ïa baroh ki blei ïing, ki bleithaw, bad ki tiar mane blei thala.

2 KHRONIKL 15:8

Haba u Asa u la ïohsngew ïa ka jingïathuhlypa ba u Asaraïah u khun jong u Oded u la kren, u la ïoh mynsiem. U la pynkynriah noh ïa ki bleithaw baroh ha ka ri Judah bad Benjamin bad baroh ki bleithaw ha ki nongbah kiba u la kurup ha ka ri lum Ephraim. U tei pynbha ruh ïa ka duwan U Trai kaba ïeng ha phyllaw jong ka templ.

2 KHRONIKL 33:8

Bad lada ki paid Israel kin kohnguh ïa ki hukum jong nga baroh, bad sumar ïa ka Hukum baroh kaba u Moses u shakri jong nga u la ai ïa ki, te ngan ym shah ban beh noh ïa ki na ka ri kaba nga la ai ha ki kpa tymmen jong ki.”

2 KHRONIKL 34:33

U syiem Josaïah u pynjot ïa baroh ki bleithaw ba-ijli kiba don ha ka ri kaba dei jong ki paid Israel, bad katba u dang im, u dawa ba ki briew kin shakri ïa U Trai, U Blei jong ki kpa tymmen jong ki.

ISAÏAH 31:6

U Trai u la ong, “Phi ki paid Israel, phi la leh pop pyrshah ïa nga bad ïeng ïaleh ïa nga. Hynrei mynta, to phai pat sha nga!

JEREMAÏAH 15:19

Ïa kane U Trai u la jubab, “Lada me wan phai, ngan shim pat ïa me, bad men long biang u shakri jong nga. Lada ha ka jaka ban kren khlem jingmut me pynbna ïa ka khubor ba don jingmut, men long biang u nongïathuhlypa jong nga. Ki briew kin wan phai pat sha me, bad mem donkam ban leit sha ki.

JEREMAÏAH 15:4

Ngan pynlong ïa ki briew baroh jong ka pyrthei ban sngewtriem ha ki namar kaei kaba u Manasseh u khun jong u Hesekaïah u la leh ha Jerusalem mynba u long u syiem ka Judah.”

JEREMAÏAH 18:11

Mynta te, to ïathuh ïa ki briew jong ka Judah bad ka Jerusalem ba nga thaw ki jingthmu bathymmai pyrshah ïa ki bad nga khreh ban pynshitom ïa ki. Ïathuh ïa ki ban sangeh ban im ka jingim ba-dap da ka pop — ban pynkylla ïa ki rukom im jong ki bad ïa kiei kiei kiba ki leh.

JEREMAÏAH 24:9

Ngan sa pynngat ha ki ka jinglanot ha kaba ki jaitbynriew ka pyrthei baroh kin da sngewshyrkhei, ki briew kin rkhiebeiñ ïa ki; kin ïakren kai ïa ki, kin ïakynshi ïa ki, bad kin pyndonkam ïa ka kyrteng jong ki kum ka jingtim kylleng kat shaba nga pynsakma ïa ki.

JEREMAÏAH 25:5

Ki la ïa-ong ïa phi ban phai noh na ka lynti ka jingim bymman jong phi bad na kiei kiei kiba sniew ba phi leh, khnang ba phi lah ban leit ban ïoh shong ha kata ka ri ba U Trai u la ai ha phi bad ha ki kpa tymmen jong phi kum ka jingïohkynti baneh.

JEREMAÏAH 3:1

U Trai u ong, “Lada u briew u pyllait noh ïa la ka tnga, bad ka iehnoh ïa u bad ka long noh ka tnga jong uwei pat u briew, um dei ban shim pat ïa ka. Kane kan pyntngit lut ïa ka ri. Hynrei, ko Israel, pha la lah don shibun ki nongleh-ieit, bad mynta pha kwah ban wan phai sha nga!

JEREMAÏAH 3:12

U la bthah ïa nga ban leit bad ong ha ka Israel, “Ko Israel bymïaineh, to wan pat sha nga. Nga long uba dap da ka jingisynei bad ngan ym bitar; ngan ym bitar ïa pha shi junom.

JEREMAÏAH 3:14

“Ko ki briew bymïaineh, to wan noh; phi long ki jong nga. Ngan shim iwei na phi na kawei kawei ka shnong bad ar ngut na kawei kawei ka kur, bad ngan wallam pat ïa phi sha u lum Seïon.

JEREMAÏAH 3:22

To wan phai, phi baroh kiba la phai lyndet na U Trai; un pynkhiah ïa phi bad un pynlong ïa phi kiba ïaineh. Phi ong, “Ho-oid, ngi wan sha U Trai, namar u dei U Blei jong ngi.

JEREMAÏAH 35:15

Nga la ïai phah sha phi ïa baroh ki shakri jong nga, ki nongïathuhlypa, bad ki la ong ïa phi ban iehnoh ïa ki lynti bymman jong phi bad ban leh ïa kaei kaba dei. Ki la maham ïa phi ban ym mane bad shakri ïa kiwei pat ki blei, khnang ba phi lah ban ïaishong ha ka ri kaba nga la ai ha phi bad ki kpa tymmen jong phi. Hynrei phim shym la shahshkor ïa nga lane sngap ïa nga.

JEREMAÏAH 36:3

Lehse haba ki paid Judah kin ïohsngew shaphang baroh ka jingpynjot kaba nga thmu ban wallam halor jong ki, kin phai noh na ki lynti bymman jong ki. Te ngan map ïa ka jingbymman jong ki bad ïa ki pop jong ki.”

JEREMAÏAH 4:4

Sumar ïa ka jutang jong phi bad nga, U Trai jong phi, bad pynkyntang ïa lade ha nga, phi ki briew jong ka Judah bad Jerusalem. Lymda kumta, ka jingbitar jong nga kan ing kum ka ding namar kiei kiei kiba sniew kiba phi la leh. Kan pluh, bad yn ym don mano mano ba pynlip ïa ka.”

JEREMAÏAH 7:5

“To pynkylla ïa ka rukom kaba phi im bad sangeh ban leh ïa kiei kiei kiba phi leh. To long u bym noh shiliang ha kaba phi ñiew iwei ïa iwei pat.

JEREMAÏAH 7:7

Lada phi kylla, ngan shah ïa phi ban ïaisah hangne hapoh ka ri kaba nga la ai ha ki kpa tymmen jong phi kum ka jingdon jingem kaba neh.

ESEKIEL 11:18

Haba ki wan phai, ki dei ban iehnoh noh ïa baroh ki bleithaw ba-isaitmet bad ba-ijli kiba ki shem.

ESEKIEL 18:13

bad u ai kylliang pisa na ka bynta ban ïohnong. Hato un im? Em, un ym im. U la leh ïa kine kiei kiei baroh kiba ijli, bad kumta un ïap. Un long uba la shah kynnoh na ka bynta ka jingïap jong u hi.

ESEKIEL 43:9

Mynta ki dei ban sangeh noh na kaba mane ïa kiwei pat ki blei bad weng ïa ki metïap jong ki syiem jong ki. Lada ki leh kumta, ngan shong hapdeng jong ki junom.

HOSIA 14:1

To wan phai noh sha U Trai U Blei jong phi, ko paid Israel. Ka pop jong phi ka la pynlong ïa phi ban jynthut bad kyllon.

HOSIA 2:2

Ko khun jong nga, kyrpad jur ïa la ka kmie — wat lada kam dei tnga shuh ïa nga, bad nga ruh ngam dei shuh u tnga jong ka. Kyrpad ïa ka ba kan sangeh noh na kaba klim bad ka jingleh nuti.

HOSIA 7:16

Ki ïai phai lyndet na nga sha u blei u bymdonbor ei ei ruh em. Ki long ki bym lah ban shaniah kum ka ryntieh kaba kynriang. Namar ki nongïalam jong ki, ki kren meng, kin ïap ha ka jingïap bashyrkhei, bad ki nong Ijipt kin sa ïa-rkhie.”

JOEL 2:12

“Hynrei wat mynta,” ong U Trai, “kylla-kaba-mut da shisha bad phai sha nga da ka jingshah jingit bad ka jingïam bad ka jingïambriew.

SEKHARAÏAH 1:4

Wat long kum ki kpa tymmen jong phi. La slem bah ki nongïathuhlypa ki la ai ha ki ïa ka khubor jong nga, da kaba ïathuh ha ki ban ym im bymman, ban ym im shuh ka jingim bapop. Hynrei kim shym la shahshkor ïa nga lane kohnguh ïa nga.

DEUTERONOMI 27:15

“ ‘Ka jingtim U Blei kan hap ha uta u briew uba thaw durblei da u maw, da u dieng, lane da u nar bad uba mane ïa ka ha kaba rieh; U Trai u isih ïa ka jingmane bleithaw.’ “Bad u paidbah baroh un jubab lang, ‘Amen!’

DEUTERONOMI 4:30

Ynda phi don ha ka jynjar, bad kita kiei kiei baroh ki wan jia ha phi, te ha kaba khatduh phin phai sha U Trai bad kohnguh ïa u.

JOSHUA 24:14

“Mynta te,” u Joshua u bteng, “pyndonburom ïa U Trai, bad shakri ïa u da kaba sngur bad kaba shisha. Iehnoh syndon ïa ki blei ba ki kpa tymmen jong phi ki la ju mane ha Mesopotamia bad ha Ijipt, bad shakri tang ïa U Trai.

NONGBISHAR 10:16

Kumta ki bret noh ïa la ki blei nongwei bad ki la mane ïa U Trai; bad u la pisa halor ka jingjynjar jong ki Israel.

1 SAMUEL 7:3

U Samuel u ong ha ki paid Israel, “Lada phin phai sha U Trai da ka dohnud jong phi baroh, phi dei ban bret noh ïa ki blei nongwei baroh bad ïa ki dur jong ka blei Astarte. Pynkyntang lut ïa lade sha U Trai bad mane tang ïa u, te un pyllait ïa phi na ka bor ki Philistia.”