JEREMAÏAH 39:9 - Khasi CL Bible (BSI)

⁹ Khatduh u Nebusaradan, u rangbah shipai, u la ringmraw sha Babilonia ïa ki briew ba dang sah ha ka nongbah, ryngkat bad ïa kito kiba la iehnoh ïa u.

KA BAIBL

⁹ Ynda kumta, u Nebusaradan u kaptan jong ka karod u la ring mraw noh sha Babilon ïa kiba dang sah na ki briew kiba la sah ha ka nongbah, ïa ki shipai ba la phet ruh, kiba leit hap noh sha u, bad ïa kita kiba dang sah na ki briew kiba la sah.

JEREMAÏAH 39:9 ပူးပေါင်းရင်းမြစ်များ

JENESIS 37:36

Ha kajuh ka por, ha Ijipt, ki Midian ki la die noh ïa u Joseph ha u Potiphar, uwei na ki rangbah synshar jong u syiem, uba dei u kapten jong ki nongap phira ïa ka ïingsyiem.

2 SYIEM 20:18

Katto katne na kiba hiarpateng na me hi kin shah ïalam noh bad kin long ki ïunukh ban shakri ha ka ïingsyiem jong u syiem ka Babilonia.”

2 SYIEM 25:11

Nangta u Nebusaradan u la ïalam noh sha Babilonia ïa ki briew kiba la shah iehnoh hapoh ka nongbah, kiba sah na ki nongtrei kiba tbit, bad kito kiba la phet noh sha ki nong Babilonia.

2 SYIEM 25:20

U Nebusaradan u la ïalam ïa ki sha u syiem ka Babilonia uba don ha ka nongbah Riblah ha ka ri Hamath.

ISAÏAH 5:13

kumta ïa phi yn rah noh kum ki koidi. Ki nongïalam jong phi kin shahthngan haduh ban ïap, bad ki riewpaidbah kin ïap thynrang.

JEREMAÏAH 10:18

U Trai un kynting ïa phi shabar jong kane ka ri; un pynlwet ïa phi tad haduh ba yn ym don uno uno ruh na phi uba dang sah. U Trai u la kren.

JEREMAÏAH 16:13

Kumta te, ngan bret ïa phi shabar jong kane ka ri sha ka ri kaba ma phi lymne ki kpa tymmen jong phi, phim pat ju tip. Bad hangta phin shakri ïa kiwei pat ki blei mynsngi bad mynmiet, bad ngan ym pyn-i jingisynei ïa phi.’ ”

JEREMAÏAH 24:8

“Te ïa u Sedekaïah u syiem ka Judah, ïa ki nongsaiñ hima sawdong jong u, ïa kiba sah na ki briew ka Jerusalem kiba dang sah ha kane ka ri, ne kynriah sha ri Ijipt — ma nga, U Trai ngan leh ïa ki baroh kum ïa kine ki soh Dumbur kiba da sniew shisha ki bym long bam shuh.

JEREMAÏAH 38:19

Hynrei u syiem u la jubab, “Nga sheptieng ïa la ki para ri kiba la phet bad ïasoh bad ki nong Babilonia. Ka lah ban long ba ïa nga yn aiti noh sha ki bad kin pynshitom sat ïa nga.”

JEREMAÏAH 40:1

U Trai u la kren ha nga hadien ba u Nebusaradan, u rangbah shipai, u la lah pyllait ïa nga ha Ramah. Ïa nga la leit ïalam shata ha ki kynjri, ryngkat bad baroh kiwei pat ki briew na Jerusalem bad Judah ïa kiba la leit ïalam kum ki koidi sha Babilonia.

JEREMAÏAH 40:7

Katto katne na ki rangbah nongpynïaidkam ka Judah bad ki shipai kim shym la pyndem. Ki la ïohsngew ba u syiem ka Babilonia u la lah pynlong ïa u Gedalaïah u lat ka ri bad ba la buh ïa u ban khmih ïa kito baroh ki bym shym la ïalam noh sha Babilonia — ki briew kiba duk tam ha ka ri.

JEREMAÏAH 52:26

U Nebusaradan u la ïalam ïa ki sha u syiem ka Babilonia, uba don ha ka nongbah Riblah ha ka ri ki Hamath.

JEREMAÏAH 52:27

Hangta u syiem u la phah ban tied ïa ki bad ban pynïap. Kumta ïa ki briew ka Judah la rah noh na ka ri jong ki sha ka jinglongmraw.

DANIEL 2:14

Nangta u Daniel u la leit sha u Ariokh, u rangbah ai hukum jong ka kynhun ai jingïada jong u syiem, uba la ïoh hukum ban pyndep ïa ka jingpynïap. Da kaba jied biang biang ïa ki kyntien jong u,

LEBITIKOS 26:33

Ngan pynkhie da ka thma ban pynsakma ïa phi kylleng kylleng ki ri nongwei. Ka ri jong phi kan sah kynjah, bad ki shnong jong phi kin sah ha ka jingjot.

DEUTERONOMI 4:27

U Trai un pynsakma ïa phi hapdeng kiwei pat ki jaitbynriew, bad hangta tang khyndiat eh na phi phin lait im.