JEREMAÏAH 39:8 - Khasi CL Bible (BSI)

⁸ Ha kata ka por, ki nong Babilonia ki la thang duh ïa ka ïingsyiem bad ïa ki ïing jong ki briew bad pynpra ïa ki kynroh ka Jerusalem.

KA BAIBL

⁸ Bad ki Khaldi ki la wiang da ka ding ïa ka ïing u syiem, bad ïa ki ïing jong ki paidbah, bad ki la pynkyllon ïa ki kynroh ka Jerusalem.

JEREMAÏAH 39:8 ပူးပေါင်းရင်းမြစ်များ

2 SYIEM 25:8

Ha ka sngi kaba hynñiew jong u bnai uba san jong ka snem kaba khatkhyndai ka jingsynshar jong u Nebukhadnessar u syiem ka Babilonia, u Nebusaradan, u nongai jingmut ïa u syiem bad u nongai hukum ïa ka kynhun shipai jong u, u la rung sha Jerusalem.

2 KHRONIKL 36:19

U thang ïa ka Templ bad ïa ka nongbah, lem bad ki ïingsyiem baroh bad ka spah jong ka, bad u pyntwa ïa ka kynroh jong ka nongbah.

NEHEMAÏAH 1:3

Ki ïathuh ïa nga ba kito kiba dang im bad kiba la poi biang ha la ka jong ka ri, ki don hapdeng ka jingeh bakhraw bad ba ki nongwei kiba shong basah marjan, ki peitbeiñ ïa ki. Ki ïathuh ruh ïa nga ba ki kynroh ka Jerusalem ki la pra bad ba ïa ki khyrdop ym shym la pynbha pat naduh ka por ba la thang ïa ki.

SALM 79:7

Naba ki la pynïap ïa ki briew jong me; bad ki la pynjot pynpra ïa ka ri jong me.

ISAÏAH 5:9

Nga la ïohsngew ba U Trai Badonbor Baroh u ong, “Baroh kine ki ïing kiba heh bad kiba itynnat kin long kiba la pra bad thylli.

JEREMAÏAH 17:27

Hynrei ki dei ban kohnguh ïa nga bad rakhe ïa ka Sabbaton kum ka sngi bakyntang. Kim dei ban kit kano kano ka jingkit lyngba ki khyrdop jong ka Jerusalem ha kata ka sngi, namar lada ki leh kumta, ngan buh ïa ki khyrdop jong ka Jerusalem ha ka ding. Ka ding kan bam duh ïa ki ïingsyiem jong ka Jerusalem, bad yn ym don mano mano ba lah ban pynlip ïa ka.”

JEREMAÏAH 21:10

Nga la kut jingmut skhem ba ngan ym pynsah ïa kane ka nongbah, hynrei ban pynjot ïa ka. Yn ai ïa ka ha u syiem ka Babilonia, bad un thang lut khoit ïa ka. Ma nga, U Trai, nga la kren.”

JEREMAÏAH 32:29

Kin sa thang duh ïa ka, ryngkat bad ki ïing ki sem hangno hangno ha kiba ki briew ki la pynbitar ïa nga da kaba thang ki jingiwbih ha u Baal halor ki tnum ïing bad da kaba theh ïa ka waiñ jong ki jingainguh sha kiwei pat ki blei.

JEREMAÏAH 34:2

U Trai, U Blei ki Israel, u la ong ha nga ban leit bad ban ong ïa u Sedekaïah u syiem ka Judah, “Ma nga, U Trai, ngan ai ïa kane ka nongbah ha u syiem ka Babilonia, bad un thang duh ïa ka.

JEREMAÏAH 34:22

Ngan ai ka hukum, bad kin wan biang sha kane ka nongbah. Kin tur ïaleh ïa ka, kin kurup ïa ka, bad thang duh ïa ka. Ngan pynlong ïa ki shnong ka Judah ba kin long kum ka ri shyiap ha kaba yn ym don mano mano ban shong ban sah ha ka. Ma nga, U Trai, nga la kren.”

JEREMAÏAH 37:10

Wat la men jop ïa ka kynhun shipai Babilonia baroh kawei, ba tang ki rangbah ba la mynsaw kin sah, kiba thiah ha la ki ïingjaiñ, kito ki rangbah kin dang ïeng bad thang ïa kane ka nongbah ha ban da ing khoit.”

JEREMAÏAH 38:18

Hynrei lada phim pyndem, te ïa kane ka nongbah yn aiti noh sha ki nong Babilonia, ki ban sa thang duh ïa ka, bad phin ym lait im na ki.”

JEREMAÏAH 5:10

Ngan phah ïa ki nongshun ban khet ïa ki bri sohwaiñ jong ki briew jong nga, hynrei ym ban pynjot khoit ïa ki. Ngan ong ïa ki ban khet noh ïa ki tnat jong ki, namar kito ki tnat kim dei ki jong nga.

JEREMAÏAH 7:20

Bad kumta ma nga, U Trai Nongsynshar, ngan theh ïa ka jingbitar shla jong nga halor kane ka Templ. Ngan theh ïa ka halor ki briew bad ki mrad kumjuh, bad wat halor ki dieng bad ki jingthung. Ka jingbitar jong nga kan long kum ka ding kaba ym don mano mano ba lah ban pynlip.

SNGEWSYNEI 1:10

Ki nongshun jong ka ki la lute ïa ka jingkynshew jong ka baroh. Ka la ïohi ïa ki, ba ki rung sha ka Templ hi, ha kaba U Trai u la lah khang ïa ki Jentil ban leit.

SNGEWSYNEI 2:2

U Trai u la pynjot khlem ka jingisynei ïa kawei pa kawei ka nongrit ha Judah bad u la kad pynpra ïa ki kut kiba ïada ïa ka ri. U la wallam ka jingjahburom ha ka hima bad ki nongsynshar jong ka.

SNGEWSYNEI 2:7

U Trai u la kyntait ïa la ka duwan bad u la iehnoh ïa ka Templ bakhuid jong u; u la shah ïa u nongshun ban kad pynpra ïa ki kynroh jong ka. Ki la pyrta ha ka jingjop hangta ha kaba shisien ngi la ïamane da ka jingkmen.

ESEKIEL 16:41

Kin thang duh ïa ki ïing jong pha bad shah ïa ki paid kynthei ban ïohi ïa ka jingshah pynshitom jong pha. Ngan pynlong ïa pha ban sangeh ban long ka nuti bad pynlong ïa pha ban sangeh ban ai ki jingai sngewbha ïa ki nongleh-ieit jong pha.

ESEKIEL 23:47

To ai ba u paidbhur un lynthem maw ïa ki bad tur ïaleh ïa ki da ki waitlam, ban pynïap ïa ki khun jong ki, bad ban thang ïa ki ïing jong ki.

ESEKIEL 33:21

Ha ka sngi kaba san jong u bnai uba shiphew jong ka snem kaba khat-ar jong ka jinglongmraw jong ngi, uwei u briew uba la lait im na Jerusalem, u la wan sha nga bad u la ïathuh ha nga ba ka nongbah ka la kyllon.

AMOS 2:5

Kumta ngan phah ka ding ha Judah bad kan thang duh ïa ki kut ka Jerusalem.”

MIKAH 3:12

Bad kumta, namar jong phi, ïa ka Seïon yn lur kum ïa ka lyngkha, ka Jerusalem kan long kum ka kynton ñiut, bad u lum ka Templ un long kum ka khlaw.