JEREMAÏAH 39:5 - Khasi CL Bible (BSI)

⁵ Hynrei ka kynhun shipai Babilonia ka la beh nadien jong ki bad kem ïa u Sedekaïah ha ki pyntha hajan ka Jerikho. Te ki la leit ïalam ïa u sha u syiem Nebukhadnessar, uba don ha ka nongbah Riblah ha ka ri Hamath, bad hangta u Nebukhadnessar u la ai ïa ka jingrai halor jong u.

KA BAIBL

⁵ Hynrei, ki paidïapom ki Khaldi ki la beh nadien jong ki, bad ki la lap ïa u Sedekaïah ha ka madan ka Jerikho: bad haba ki la kem ïa u, ki la leit lam ïa u sha u Nebukhadressar u syiem ka Babilon ha Riblah ha ka ri Hamath, bad u la bishar ïa u.

JEREMAÏAH 39:5 ပူးပေါင်းရင်းမြစ်များ

2 SAMUEL 8:9

U Toi u syiem Hamath u ïohsngew ba u Dabid u la jop ïa baroh ka kynhun ïapom jong u Hadadeser.

2 SYIEM 17:24

U patsha ka Assyria u wallam ïa ki briew na ki nongbah Babilon, Kuth, Ibbah, Hamath, bad Sepharbaim, bad pynshongduh ïa ki ha ki nongbah ka Samaria, ha ka jaka jong ki Israel ba la shah ringmraw. Ki shimti ha lade ïa kine ki nongbah bad ki sah hangta.

2 SYIEM 23:33

Ka jingsynshar jong u ka la kut haba u Neko u syiem Ijipt u kem koidi ïa u ha Riblah, ha ri ki Hamath, bad pynlong ïa ka Judah ban siew lai hajar sawspah kilo ka rupa bad laiphew saw kilo ka ksiar kum ka bai nguh syiem.

2 SYIEM 25:6

La ïalam ïa u Sedekaïah sha u syiem Nebukhadnessar uba don ha ka nongbah Riblah, bad hangta u Nebukhadnessar u la rai pynrem ïa u.

2 KHRONIKL 33:11

Kumta U Trai u shah ïa ki rangbah shipai jong ka kynhun shipai Assyria ban tur ïaleh ïa ka Judah. Ki la kem ïa u Manasseh, ki pyndait jingbnoh ha u, ki teh ki kynjri ïa u, bad ïalam ïa u sha Babilon.

ISAÏAH 22:3

Ki nongïalam jong phi baroh ki la phet krad bad ki la shah kem ha shuwa ba kin ïoh siat uwei u khnam.

JEREMAÏAH 21:7

Hynrei na ka bynta jong phi, ki rangbah synshar jong phi bad ki briew kiba lait im na ka thma, ka khlam bad ka 'nemsniew — ngan ai ïa baroh na phi ban shahjop ha u syiem Nebukhadnessar bad da ki nongshun jong phi, kiba kwah ban pynïap ïa phi. U Nebukhadnessar un phah pynïap ïa phi. Un ym pynsah ïano ïano na phi lane un ym isynei lane sngewlem ïano ïano na phi. Ma nga, U Trai, nga la kren.”

JEREMAÏAH 24:8

“Te ïa u Sedekaïah u syiem ka Judah, ïa ki nongsaiñ hima sawdong jong u, ïa kiba sah na ki briew ka Jerusalem kiba dang sah ha kane ka ri, ne kynriah sha ri Ijipt — ma nga, U Trai ngan leh ïa ki baroh kum ïa kine ki soh Dumbur kiba da sniew shisha ki bym long bam shuh.

JEREMAÏAH 38:18

Hynrei lada phim pyndem, te ïa kane ka nongbah yn aiti noh sha ki nong Babilonia, ki ban sa thang duh ïa ka, bad phin ym lait im na ki.”

JEREMAÏAH 38:23

Te nga la ong shuh shuh, “Ïa baroh ki kynthei bad ki khun jong phi, yn rah noh sha ki nong Babilonia, bad ma phi ruh ïa lade phin ym lait na ki. Yn sa ïalam ïa phi kum u koidi da u syiem ka Babilonia, bad ïa kane ka nongbah yn sa thang lut khoit.”

JEREMAÏAH 4:12

ka lyer kaba wan ha ka hukum jong U Trai kan long kaba kham khlaiñ ban ïa kata! U dei U Trai hi uba pynbna ïa ka jingbishar halor ki briew jong u.

JEREMAÏAH 44:30

Ngan aiti noh ïa u Hophra u syiem ka Ijipt ha ki nongshun jong u kiba kwah ban pynïap ïa u, kumba nga la aiti ïa u Sedekaïah u syiem ka Judah ha u Nebukhadnessar u syiem ka Babilonia, uba la long u nongshun jong u bad uba kwah ban pynïap ïa u.”

JEREMAÏAH 49:23

Kane ka dei kaei kaba U Trai u ong shaphang ka Damaskos: “Ki briew ha ki nongbah jong ka Hamath bad ka Arpad ki khuslai bad ki sngew jynjar namar ki la ïohsngew ïa ki khubor basniew. Ka jinglyng-a ka tyllun halor jong ki kum ka duriaw, bad kim ïoh jahthait.

SNGEWSYNEI 1:3

Ki briew jong ka Judah ki long ki mraw ki bym lah leh ei ei, kiba la shah pynmih da ka bor na la ka ïing. Ki la shong la sah ha kiwei pat ki ri, khlem kano kano ka jaka ban khot ka jong ki hi — La kerkut da ki nongshun, khlem kano kano ka lad ban lait im.

SNGEWSYNEI 4:20

Ki la kurup ïa ka tynrai jong ka jingim jong ngi, ïa u syiem uba U Trai u la jied, uta uba ngi la shaniah ban ïada ïa ngi na uno uno u nonghiarthma.

ESEKIEL 23:24

Kin tur ïaleh ïa pha naphang shatei, da kaba wanrah ïa ka kynhun shipai babun lem bad ki kali ïapom bad ki, ki kali ba-dap kyrhai ka jingbam. Da kaba kieng da ki stieh bad ki jingïada khlieh, kin ker sawdong ïa pha. Ngan aiti ïa pha ha ki, bad kin bishar ïa pha da la ki jong ki aiñ.

HABAKKUK 1:7

Ki wallam ïa ka jingtieng bad jingpyntriem, bad ha ka jingsarong jong ki, ki shim ïa ka aiñ ha lade.

JINGKHEIÑ 13:21

Kumta kita ki rangbah ki leit shaphang shatei bad ki la swar ïa kata ka ri naduh ri khlaw Sin kaba shaphang shathie haduh Rehob, hajan ka lynti khim Hamath ha ka phang bashatei.

JOSHUA 13:5

ka ri jong ki Gebal, ka Lebanon baroh shaphang mihngi, naduh Baalgad, kaba don shaphang shathie jong u Lum Hermon, haduh ka Khim Hamath.

JOSHUA 4:13

Ha ka jingdon ryngkat U Trai kumba sawphew hajar ngut ki rangbah kiba la khreh ïa ka thma ki la jam sha shiliang sha ka pyntha kaba hajan ka Jerikho.

JOSHUA 5:10

Katba ki Israel ki dang shong dara ha Gilgal ha ka pyntha hajan ka Jerikho, ki la rakhe ïa ka Jingkhawai Niam Ka Jinglait ha ka janmiet jong ka sngi kaba khatsaw jong u bnai.

NONGBISHAR 3:3

Kito kiba dang sah ha kata ka ri ki long ki san ngut ki syiem Philistia, ki Kanaan baroh, ki Sidon, bad ki Hib kiba shong ha ki Lum Lebanon naduh u Lum Baal Hermon haduh ka Khim Hamath.