JEREMAÏAH 39:18 - Khasi CL Bible (BSI)

¹⁸ Ngan pyllait ïa me na ka jingma, bad yn ym pynïap ïa me. Men lait im namar me la buh ïa la ka jingshaniah ha nga. Ma nga, U Trai, nga la kren.”

KA BAIBL

¹⁸ Namar da shisha ngan pynim ïa me, bad men ym kyllon da ka waitlam, hynrei, ka jingim jong me kan sa long kum ka jinglute ha me: namar me la buh la ka jingshaniah ha nga,” ’ ” ong U Trai.

JEREMAÏAH 39:18 ပူးပေါင်းရင်းမြစ်များ

1 KHRONIKL 5:20

Ki la buh ka jingshaniah ha U Blei bad ki la duwai ha u na ka bynta ka jingïarap, bad U Blei u la jubab ïa ki jingduwai jong ki bad u la pynlong ïa ki ban jop halor ki Hagrit bad ki paralok jong ki.

Ka Kitab U Job 5:20

haba ka 'nemsniew ka wan jia, un ri pynim ïa me, bad ha ka thma un ïada ïa me na ka jingïap.

SALM 147:11

hynrei u sngewbha ha kito kiba pyndonburom ïa u, ha kito kiba shaniah ha ka jingieit baneh jong u.

SALM 2:12

to khynñiuh bad to nguh dem ïa u, lym kumta ïa ka jingbitar jong u yn pynkhie kynsan, bad phin ïap kyndit. Suk kita baroh kiba leit sha u ban ïoh ka jingïada.

SALM 33:18

U Trai u khmih sumar ïa kito kiba kohnguh ïa u, ïa kito kiba shaniah ha ka jingieit baneh jong u,

SALM 34:22

U Trai un pyllait im ïa ki briew jong u; kito kiba phet sha u ban ïoh jingïada kin lait im.

SALM 37:3

Shaniah ha U Trai bad leh ïa kaba bha; shong ha ka ri, bad shongshngain.

SALM 84:12

A Trai Badonbor Baroh, katno suk kito kiba shaniah ha me!

SALM 91:7

Ha syndah jong me shihajar ngut ki lah ban kyllon, shiphew hajar ngut ha baroh sawdong jong me, hynrei men ym shah pynmynsaw.

ISAÏAH 26:3

Ma me, A Trai, me ai ka jingsuk bajanai ïa kito kiba batskhem ïa ka jingthmu jong ki bad kiba buh ïa la ka jingshaniah ha me.

JEREMAÏAH 21:9

Uno uno uba sah ha ka nongbah un shah pynïap ha ka thma, ne da ka 'nemsniew, ne da ka jingïapthngan. Hynrei uno uno uba mih shabar bad uba pyndem ha ki Babilonia, kiba dang tur ïaleh mynta ïa ka nongbah, un ym shah pynïap; la kumno kumno un pyllait ïa la ka jingim.

JEREMAÏAH 38:2

U Trai u la ong, “Uno uno uba shong ha ka nongbah un ïap ha ka thma lane ka jingïapthngan lane ka jingpang. Hynrei uno uno uba mihnoh bad uba pyndem ha ki nong Babilonia, yn ym pynïap; la kumno kumno un pyllait ïa la ka jingim.”

Ka Shithi U Paul Sha Ki Nong Rom 2:12

Ki Jentil kim don ka Hukum u Moses; ki leh pop bad bakla lynti khlem ka Hukum. Ki Jiw ki don ka Hukum; ki leh pop bad shah bishar da ka Hukum.

EPHESOS 1:12

Te ma ngi, kiba long kiba nyngkong ban kyrmen ha U Khrist, ngin ïaroh ïa ka burom U Blei!

1 PETROS 1:21

Da u, phi ngeit ha U Blei, uba la pynmihpat ïa u na ka jingïap bad la ai ha u ïa ka burom; bad kumta ïa ka jingngeit bad ka jingkyrmen jong phi la pynskhem ha U Blei.