JEREMAÏAH 39:17 - Khasi CL Bible (BSI)

¹⁷ Hynrei ma nga, U Trai, ngan ïada, bad ngan ym aiti noh ïa me sha ki briew kiba me sheptieng.

KA BAIBL

¹⁷ Hynrei, ngan pyllait ïa me ha kata ka sngi,” ong U Trai: “bad yn ym ai ïa me ha ka kti kita ki briew kiba me sheptieng.

JEREMAÏAH 39:17 ပူးပေါင်းရင်းမြစ်များ

JENESIS 15:1

Hadien kane, u Abram u la ïoh ka jingïohipaw bad ïohsngew ïa U Trai ba u ong ha u, “Wat sheptieng, ko Abram. Ngan ïada ïa me na ka jingma, bad ngan ai ha me ka bainong kaba khraw.”

2 SAMUEL 24:14

U Dabid u jubab, “Nga don ha ka khim khait! Hynrei ngam kwah ba ngan shah pynshitom ha ki briew. Ai ba U Trai da lade hi un dei uta u ban pynshitom ïa ngi, namar u long uba dap da ka jingisynei.”

1 SYIEM 18:15

U Elijah u jubab, “Da u Trai uba im, ïa uba nga shakri, nga kular ba ngan ïeng ha khmat u syiem mynta ka sngi.”

1 SYIEM 18:16

Kumta u Obadaïah u leit sha u syiem Ahab bad ïathuh ha u, bad u Ahab u la leit ban ïakynduh ïa u Elijah.

2 SYIEM 6:16

“Wat sheptieng,” u Elisha u jubab. “Ngi don kham bun ha ka liang jong ngi ban ïa kaba ki don ma ki.”

SALM 50:15

Khot kyrpad ïa nga haba ka jingeh ka wan; ngan pyllait ïa phi, bad phin ïaroh ïa nga.”

JEREMAÏAH 38:1

U Shephataïah u khun jong u Mattan, u Gedalaïah u khun jong u Pashhur, u Jehukal u khun jong u Shelemaïah, bad u Pashhur u khun jong u Malkhaïah ki la ïohsngew ba nga la ong ïa ki paidbah ba

JEREMAÏAH 38:9

“Ko Syiem, kaei kaba kine ki briew ki la leh ka long ka bym dei. Ki la thep ïa u Jeremaïah ha ka pung, ha kaba, da shisha, un sa ïap ha ka jingïapthngan, namar ym don jingbam shuh ha ka nongbah.”

DANIEL 6:16

Kumta u syiem u la ai ki hukum ban kem ïa u Daniel bad ban bret ïa u shapoh ka thliew kaba dap da ki sing. U la ong ha u Daniel, “Ai ba U Blei jong me, ïa uba me shakri hok katta katta, un pyllait im ïa me.”

MATHAÏOS 25:40

U Syiem un jubab, ‘Nga ong ha phi, ba man ba phi leh ïa kane na ka bynta uno uno uba rit tam na kine ki dkhot jong ka longïing jong nga, phi la leh ïa kane na ka bynta jong nga!’