JEREMAÏAH 39:14 - Khasi CL Bible (BSI)

¹⁴ Ki la buh ïa nga hapoh ka jingsumar u Gedalaïah, u khun jong u Ahikam bad u ksiew jong u Shaphan, u ban peit ba nga poi suk sha ïing. Bad kumta nga la sah hangta hapdeng ki briew.

KA BAIBL

¹⁴ ki la phah, bad ki la pynmih ïa u Jeremaïah na ka phyllaw jong ka karod, bad ki la ai ïa u ha u Gedalaïah u khun u Ahikam, u khun u Shaphan, ba un leit lam ïa u sha ïing: kumta u la shong hapdeng u paidbah.

JEREMAÏAH 39:14 ပူးပေါင်းရင်းမြစ်များ

2 SYIEM 22:12

bad ai ïa kane ka hukum ha u Hilkaïah u lyngdoh, ha u Ahikam u khun jong u Shaphan, ha u Akhbor u khun jong u Mikaïah, ha u Shaphan, u sekretari ka ïingbishar, bad ha u Asaïah, u nongbud jong u syiem:

2 SYIEM 22:14

U Hilkaïah, u Ahikam, u Akhbor, u Shaphan, bad u Asaïah, ki leit ban kylli na ka briew kaba kyrteng ka Huldah, ka nongïathuhlypa, kaba shong ba sah ha ka jaka ba kham thymmai jong ka Jerusalem. (U Shallum u tnga jong ka, u khun jong u Tikbah bad u ksiew jong u Harhas, uba dei khmih ïa ki barandi ka Templ.) Ki batai ha ka, ïa kaei kaba la jia,

2 KHRONIKL 34:20

bad u ai ïa kane ka hukum harum ha u Hilkaïah, u Ahikam u khun jong u Shaphan, u Abdon u khun jong u Mikaïah, u Shaphan, u sekretari ka ïingbishar, bad u Asaïah, u nongbud jong u syiem:

SALM 105:19

haduh ka por ba ïa kaei kaba u la ïathuh lypa, ka la urlong shisha. Ka ktien U Trai ka la pynshisha ba um shym bakla.

JEREMAÏAH 26:22

U syiem Jehoïakim, pynban, u la phah ïa u Elnathan u khun jong u Akhbor bad katto katne ngut kiwei pat ki rangbah sha Ijipt ban wallam ïa u Uriah.

JEREMAÏAH 26:24

Hynrei namar ba nga la ïoh ïa ka jingkyrshan jong u Ahikam u khun jong u Shaphan, ym shym la aiti ïa nga ha ki briew bad shah pynïap.

JEREMAÏAH 32:2

Ha kata ka por ka kynhun shipai jong u syiem ka Babilonia ka dang tur ïaleh ïa ka Jerusalem, bad ïa nga la set ha ka phyllaw ba la kerkut jong ka ïingsyiem.

JEREMAÏAH 37:21

Kumta u syiem Sedekaïah u la hukum ba yn set ïa nga ha ka phyllaw ka ïingsyiem. Nga la sah hangta, bad man ka sngi ïa nga la ai uwei u kpu na ka jaka shet kpu haduh ba baroh u kpu ha ka nongbah u la lut.

JEREMAÏAH 38:13

Nga la leh ïa kane, bad ki la tan ïa nga shalor shabar ka pung. Hadien kata ïa nga la buh ha ka phyllaw ïingsyiem.

JEREMAÏAH 38:28

Bad ïa nga la buh ha ka phyllaw jong ka ïingsyiem haduh ka sngi ba la kurup ïa ka Jerusalem.

JEREMAÏAH 39:13

Kumta u Nebusaradan, ryngkat bad ki rangbah synshar baheh kyrdan u Nebushasban bad u Nergal Sareser bad baroh kiwei ki rangbah nongpynïaidkam jong u syiem ka Babilonia ki la wallam sha nga na ka phyllaw ka ïingsyiem.

JEREMAÏAH 39:15

Katba ïa nga la dang set byndi ha ka phyllaw ka ïingsyiem, U Trai u la ong ïa nga

JEREMAÏAH 40:1

U Trai u la kren ha nga hadien ba u Nebusaradan, u rangbah shipai, u la lah pyllait ïa nga ha Ramah. Ïa nga la leit ïalam shata ha ki kynjri, ryngkat bad baroh kiwei pat ki briew na Jerusalem bad Judah ïa kiba la leit ïalam kum ki koidi sha Babilonia.

JEREMAÏAH 40:5

Haba ngam shym la jubab, u Nebusaradan u la ong, “Khie leit phai pat sha u Gedalaïah, u khun jong u Ahikam bad u ksiew jong u Shaphan, ïa uba u syiem ka Babilonia u la pynlong ïa u, u lat jong ki shnong ka Judah. Phi lah ban sah bad u bad im hapdeng ki briew, lane phi lah ban leit shano shano ba phi pyrkhat ba phi dei ban leit.” Kumta u la ai ïa nga ka jingai sngewbha bad katto katne ka jingbam ban rah bad nga, bad u la shah ïa nga ba ngan leit noh ha la ka lynti.

JEREMAÏAH 40:6

Nga la leit ban sah bad u Gedalaïah ha Mispah bad shong hapdeng ki briew ïa kiba la iehnoh ha ka ri.

JEREMAÏAH 40:7

Katto katne na ki rangbah nongpynïaidkam ka Judah bad ki shipai kim shym la pyndem. Ki la ïohsngew ba u syiem ka Babilonia u la lah pynlong ïa u Gedalaïah u lat ka ri bad ba la buh ïa u ban khmih ïa kito baroh ki bym shym la ïalam noh sha Babilonia — ki briew kiba duk tam ha ka ri.

JEREMAÏAH 41:1

Ha u bnai uba hynñiew jong kata ka snem, u Ishmael, u khun jong u Nethanaïah bad u ksiew jong u Elishama, u dkhot ka longïing syiem bad uwei na ki rangbah pynïaidkam kiba hakhlieh duh jong u syiem, u la leit sha Mispah lem bad shiphew ngut ki rangbah ban peit ïa u Gedalaïah.