JEREMAÏAH 39:1 - Khasi CL Bible (BSI)

¹ Ha u bnai ba-shiphew jong ka snem bakhyndai ba u Sedekaïah u long u syiem ka Judah, u Nebukhadnessar u syiem ka Babilonia u la wan bad ka kynhun shipai jong u baroh bad u la tur ïaleh ïa ka Jerusalem.

KA BAIBL

¹ Bad haba la jop noh ïa ka Jerusalem, (ha ka snem ka bakhyndai jong u Sedekaïah u syiem ka Judah, ha u bnai u bashiphew, u Nebukhadressar u syiem ka Babilon u la wan lem bad ki paidïapom jong u baroh ban ïaleh ïa ka Jerusalem, bad u la ker kut ïa ka;

JEREMAÏAH 39:1 ပူးပေါင်းရင်းမြစ်များ

2 KHRONIKL 36:17

Kumta U Trai u wallam ïa u syiem ka Babilonia bad tur ïaleh ïa ki. U syiem u pynïap ïa ki samla shynrang ka Judah, wat hapoh ka Templ hi. Um don jingsngewsynei ïano ïano, samla ne tymmen, shynrang ne kynthei, uba pang ne uba koit. U Blei u aiti ïa ki baroh ha u.

JEREMAÏAH 32:1

U Trai u la kren ha nga ha ka snem kaba shiphew ba u Sedekaïah u long u syiem ka Judah, kaba long ruh ka snem kaba khatphra jong u Nebukhadnessar u syiem ka Babilonia.

JEREMAÏAH 34:1

U Trai u la kren ha nga mynba u Nebukhadnessar u syiem ka Babilonia bad ka kynhun shipai jong u, ba la kyrshan da ki shipai na baroh ki hima bad ki jaitbynriew kiba la hap hapoh ka jingsynshar jong u, ki la tur ïaleh ïa ka Jerusalem bad ki shnong ba-marjan.

JEREMAÏAH 34:22

Ngan ai ka hukum, bad kin wan biang sha kane ka nongbah. Kin tur ïaleh ïa ka, kin kurup ïa ka, bad thang duh ïa ka. Ngan pynlong ïa ki shnong ka Judah ba kin long kum ka ri shyiap ha kaba yn ym don mano mano ban shong ban sah ha ka. Ma nga, U Trai, nga la kren.”

JEREMAÏAH 42:18

“U Trai, U Blei ki Israel, u ong, ‘Kumba ka jingbitar bad jingbitar shla jong nga ka mihnoh na nga ha ki briew jong ka Jerusalem, kumta ruh ka jingbitar shla jong nga kan mihnoh ha phi lada phi leit sha Ijipt. Phin long ka jingïohi ba-itriem; ki briew kin ñiewbeiñ ïa phi bad kin pyndonkam ïa ka kyrteng jong phi kum ka jingtim. Phin ym ïohi shuh ïa kane ka ri.’ ”

JEREMAÏAH 52:1

U Sedekaïah u la don arphew wei snem ka rta mynba u la long u syiem ka Judah, bad u la synshar ha Jerusalem khatwei snem. Ka kyrteng jong ka kmie jong u ka dei ka Hamutal, ka khun jong u Jeremaïah uba sah ha ka nongbah Libnah.

JEREMAÏAH 6:6

U Trai Badonbor Baroh u la hukum ïa kine ki syiem ban khet ïa ki dieng bad ban shna ki kynton khnang ban kerkut ïa ka Jerusalem. U la ong, “Ngan pynshitom ïa kane ka nongbah namar ka la dap da ka jingbanbeiñ.

ESEKIEL 33:21

Ha ka sngi kaba san jong u bnai uba shiphew jong ka snem kaba khat-ar jong ka jinglongmraw jong ngi, uwei u briew uba la lait im na Jerusalem, u la wan sha nga bad u la ïathuh ha nga ba ka nongbah ka la kyllon.

ESEKIEL 4:3

Shim uwei u khiew nar bad pynïeng ïa u kum ka kynroh hapdeng jong me bad ka nongbah. Phai khmat sha ka nongbah. Ka don ha ka jingshah kerkut, bad dei ma me uba kerkut ïa ka. Kane kan long ka dak ïa ka jaitbynriew Israel.

ESEKIEL 40:1

Ka la long ka sngi kaba shiphew jong ka snem thymmai, kaba long ka snem kaba arphew san hadien ba la ringmraw ïa ngi bad khatsaw snem hadien ba la jop ïa ka Jerusalem. Ha kata ka sngi nga la sngew ïa ka jingdon ryngkat badonbor jong U Trai, bad u la rah noh ïa nga.

ESEKIEL 5:2

Ïa ka shi bynta na ka lai bynta jong uta u shñiuh men thang hapoh ka nongbah, ynda la dep ka jingkerkut. Shim ïa ka bynta kaba ar bad shaiñ ïa ka da ka waitlam jong me haba me ïaid baroh sawdong ka nongbah. Ïa ka bynta kaba dang sah men pynher ha ka lyer, bad ngan sa pynbud da ka waitlam jong nga nadien jong ki.

SEKHARAÏAH 8:19

“Ki jingshah jingit kiba la long ha u bnai basaw, uba san, uba hynñiew, bad uba shiphew kin kylla long ki Jingkhawai Niam ka jingkmen bad ka jingshadkmen ïa ki paid Judah. Phi dei ban ieit ïa ka jingshisha bad ka jingsuk.”

DEUTERONOMI 28:36

“U Trai un leit rah ïa phi bad ïa u syiem jong phi sha ka ri nongwei, ha kaba ma phi lane ki kpa tymmen jong phi kim pat ju poi; hangta phin shakri ïa ki blei kiba da u dieng bad da u maw.