JEREMAÏAH 38:9 - Khasi CL Bible (BSI)

⁹ “Ko Syiem, kaei kaba kine ki briew ki la leh ka long ka bym dei. Ki la thep ïa u Jeremaïah ha ka pung, ha kaba, da shisha, un sa ïap ha ka jingïapthngan, namar ym don jingbam shuh ha ka nongbah.”

KA BAIBL

⁹ “Ko kynrad syiem, kine ki briew ki la leh sniew ha baroh kaba ki la leh ïa u Jeremaïah u nongïathuhlypa ïa uba ki la thep shapoh ka byndi khrum; bad sa ba un sa ïap ha ka jaka kaba u don na ka bynta ka 'nemsniew: naba ym don kpu shuh ha ka shnong.”

JEREMAÏAH 38:9 ပူးပေါင်းရင်းမြစ်များ

Ka Kitab U Job 31:34

Ngam pat ju sheptieng ïa kaei kaba ki briew kin ong; ngam ju sngap jar ne shong hapoh ïing namar ba sheptieng ïa ka jingkrenbeiñ jong ki.

JEREMAÏAH 19:9

U nongshun un kerkut ïa ka nongbah bad pyrshang ban pynïap ïa ki briew. Ka jingkerkut kaba shyrkhei katta katta ba ki briew hapoh ka nongbah kin ïabam iwei ïa iwei pat bad wat ïa la ki khun.”

JEREMAÏAH 37:21

Kumta u syiem Sedekaïah u la hukum ba yn set ïa nga ha ka phyllaw ka ïingsyiem. Nga la sah hangta, bad man ka sngi ïa nga la ai uwei u kpu na ka jaka shet kpu haduh ba baroh u kpu ha ka nongbah u la lut.

JEREMAÏAH 38:10

Kumta u syiem u la hukum ïa u Ebedmelekh ban shim bad u lai ngut ki rangbah bad ban tan noh ïa nga na ka pung shuwa ba ngan ïap.

JEREMAÏAH 38:8

Kumta u Ebedmelekh u la leit shata bad ong ïa u syiem.

JEREMAÏAH 39:17

Hynrei ma nga, U Trai, ngan ïada, bad ngan ym aiti noh ïa me sha ki briew kiba me sheptieng.

JEREMAÏAH 52:6

Ha ka sngi kaba khyndai jong u bnai uba saw jong kata kajuh ka snem, haba ka 'nemsniew ka la jur palat kat haduh ba ki briew kim don ei ei shuh ban bam, ïa ki kynroh ka nongbah la pynpei lyngba.

SNGEWSYNEI 1:11

Ki briew jong ka ki ud katba ki wad ei ei ban bam; ki ïa-bujli ïa la ki jingkynshew na ka bynta ka jingbam ban pynsah im ïa lade. “To khmih sha nga, A Trai,” ka nongbah ka kyang; “to peit ïa nga ha ka jinglong rangli jong nga.”

SNGEWSYNEI 3:53

Ki la bret im ïa nga shapoh ka thliew bad ki la khang ïa ka da u maw.