JEREMAÏAH 38:6 - Khasi CL Bible (BSI)

⁶ Kumta ki la shim ïa nga bad ki la pynhiar ïa nga da ki tyllai shapoh ka pung u khun syiem Malkhaïah, kaba don hapoh ka phyllaw ïingsyiem. Ym don um ha kata ka pung, tang ka ktieh, bad nga la ngam shapoh ha ka.

KA BAIBL

⁶ Ynda kumta, ki la shim ïa u Jeremaïah, bad ki la set ïa u ha ka byndi khrum jong u Malkhiah u khun u syiem, kaba la don hapoh phyllaw ka karod: bad ki la pynhiar shapoh ïa u Jeremaïah da ki 'sai tyllai. Bad hapoh kata ka byndi khrum ym shym la don um, hynrei, tang ka ktieh: bad u Jeremaïah u la ngam hapoh ktieh.

JEREMAÏAH 38:6 ပူးပေါင်းရင်းမြစ်များ

JENESIS 37:24

Nangta ki la shim ïa u bad bret ïa u sha ka pukri, kaba la tyrkhong.

SALM 109:5

Ki siew kylliang ïa nga da kaba sniew na ka bynta kaba bha bad da ka jingisih na ka bynta ka jingieit.

SALM 40:2

U la sei ïa nga na ka thliew ba-ishyrkhei, na ka ahor ktieh bapynïap, bad u la buh ïa nga halor u mawsiang, bad u la pynlong skhem ïa nga.

SALM 69:2

nga ngam ha ka ahor ktieh bajylliew bad ym don kano kano ka 'dew eh; nga la don ha ki um bajylliew, bad ki jingat phyllung ki la jan pynjyllop ïa nga.

JEREMAÏAH 32:2

Ha kata ka por ka kynhun shipai jong u syiem ka Babilonia ka dang tur ïaleh ïa ka Jerusalem, bad ïa nga la set ha ka phyllaw ba la kerkut jong ka ïingsyiem.

JEREMAÏAH 36:26

Nangta u la hukum ïa u khun syiem Jerahmeel, ryngkat bad u Seraïah u khun jong u Asriel bad u Shelemaïah u khun jong u Abdeel, ban kem ïa nga bad ïa u sekretari jong nga u Barukh. Hynrei U Trai u la buhrieh ïa ngi.

JEREMAÏAH 37:16

Ïa nga la set ha ka kamra kaba shapoh khyndew bad la set slem ïa nga hangta.

JEREMAÏAH 37:21

Kumta u syiem Sedekaïah u la hukum ba yn set ïa nga ha ka phyllaw ka ïingsyiem. Nga la sah hangta, bad man ka sngi ïa nga la ai uwei u kpu na ka jaka shet kpu haduh ba baroh u kpu ha ka nongbah u la lut.

JEREMAÏAH 38:13

Nga la leh ïa kane, bad ki la tan ïa nga shalor shabar ka pung. Hadien kata ïa nga la buh ha ka phyllaw ïingsyiem.

JEREMAÏAH 38:22

Ha ka, nga la ïohi ba ïa baroh ki kynthei kiba dang sah ha ka ïingsyiem ha Judah ba la ïalam ïa ki shabar sha ki rangbah pynïaidkam jong u syiem ka Babilonia. Ha sngap ïa kaei kaba ki ïakren katba ki dang ïaleit: “ ‘Ki paralok bajan tam u syiem ki la ïalam bakla ïa u, ki la ïaid lait ïa u. Bad mynta ba ki kjat jong u ki la ngam ha ka ktieh, ki paralok jong u ki la iehnoh ïa u.’ ”

DANIEL 6:16

Kumta u syiem u la ai ki hukum ban kem ïa u Daniel bad ban bret ïa u shapoh ka thliew kaba dap da ki sing. U la ong ha u Daniel, “Ai ba U Blei jong me, ïa uba me shakri hok katta katta, un pyllait im ïa me.”

SEKHARAÏAH 9:11

U Trai u ong, “Namar ka jutang jong nga bad phi kaba la shonshab da ka snam jong ki jingkñia, ngan pyllaitluid ïa ki briew jong phi — kaba laitluid na ki thliew bym don um jong ka jingshah ringmraw.

KI KAM 16:24

Haba u nongpeit phatok u la ïoh ïa kane ka hukum, u la buh ïa ki sha ka kamra set kaba shapoh duh bad u la teh ïa ki kjat jong ki hapdeng ki dieng song kiba khia.

HEBRU 10:36

Phi donkam ban long kiba ïaishah, khnang ba phi lah ban leh ïa ka mon U Blei bad ïohpdiang ïa kata kaba u kular.