JEREMAÏAH 38:4 - Khasi CL Bible (BSI)

⁴ Te ki rangbah synshar ki la leit sha u syiem bad ki ong, “Ïa une u briew dei ban pynïap. Da kaba u kren kumne, u pynlong ïa ki shipai ha ka nongbah ban duh noh ïa ka jingshlur, bad u leh kumjuh ïa uwei pa uwei baroh ba dang sah ha ka nongbah. Um shym pyrshang ban ïarap ïa ki paidbah; u kwah tang ban pynmong ïa ki.”

KA BAIBL

⁴ Ynda kumta, ki rangbah ki la ong ha u syiem, “To pynïap noh ïa une u briew, ngi kyrpad ïa me; namar u pyntlot ïa ki kti jong ki riewïapom kiba sah hapoh kane ka shnong, bad ïa ki kti jong u paidlang baroh, ha kaba u kren kum kita ki ktien ha ki: naba une u briew um wad ïa ka jingbha jong une u paidlang, hynrei, ïa ka jingsniew keiñ.”

JEREMAÏAH 38:4 ပူးပေါင်းရင်းမြစ်များ

1 SYIEM 21:20

Haba u Ahab u ïohi ïa u Elijah, u ong “Me u nongshun jong nga, me la lap mo ïa nga?” “Ho-oid, nga la lap,” u Elijah u jubab, “Me la aiti lut ïa lade ban leh ïa kaei ka bymdei ha khmat U Trai.

2 KHRONIKL 24:21

U syiem Joash u la ïasnohkti ha ka jingïasylla pyrshah ïa u Sekharaïah, bad ha ka hukum jong u syiem, ki paidbah ki la lynthem maw ïa u Sekharaïah ha ka phyllaw ka Templ.

ESRA 4:12

“Ngi kwah ba u syiem un tip ba ki Jiw kiba la wan hangne na kiwei ki ri, ki la shong la sah ha Jerusalem bad ki dang tei pat ïa kato ka nongbah kaba sniew bad kaba ïaleh pyrshah. Ki la sdang ban tei pat ïa ki kynroh bad shen kin sa pyndep ïa ki.

NEHEMAÏAH 6:9

Ki pyrshang ban pyntieng ïa ngi ban pynsangeh ïa ka kam. Nga la duwai, “Hynrei mynta, A Blei, pynlong khlaiñ ïa nga!”

EKSODOS 5:4

Hynrei u Pharaoh u la ong ha u Moses bad u Aaron, “Phi mut kumno da kaba pynlong ïa ki briew ban leh klet ïa la ki kam? Ong ïa ki ban leit sha la ki kam ki kam!

JEREMAÏAH 11:21

Ki rangbah jong ka Anathoth ki la kwah ïa nga ban shah pynïap, bad ki la ong ïa nga ba kin pynïap ïa nga lada nga dang ïai pynbna ïa ka khubor jong U Trai.

JEREMAÏAH 18:23

Hynrei, A Trai, me tip ïa baroh ki jingthmu sniew jong ki ban pynïap ïa nga. Wat ym map ïa ka jingsniew jong ki lane map ïa ka pop jong ki. Bret ïa ki sha tbian ha ka jingshahjop bad leh ïa ki katba me dang bitar.”

JEREMAÏAH 26:11

Nangta ki lyngdoh bad ki nongïathuhlypa ki la ong ha ki nongïalam bad ha ki briew, “Une u briew u dei hok ban shah pynrem ban ïap namar ba u kren pyrshah ïa ka nongbah jong ngi. Phi la ïohsngew ïa u da la ki jong ki shkor.”

JEREMAÏAH 29:7

Trei na ka bynta ka jingbha jong ki nongbah sha kaba nga la pynlong ïa phi ban leit kum ki koidi. Duwai sha nga na ka bynta jong ki, namar lada ki manbha, phi ruh phin manbha.

JEREMAÏAH 38:16

Kumta u syiem Sedekaïah u la kular ïa nga ha kaba rieh, “Nga smai da U Blei uba im, U Blei uba ai jingim ïa ngi, ba ngan ym pynïap ïa phi lane ai noh ïa phi sha ki briew kiba kwah ban pynïap ïa phi.”

JEREMAÏAH 38:25

Lada ki rangbah synshar ki ïohsngew ba nga la ïakren bad me, kin sa wan bad kylli ïa me kaei kaba ngi la ïakren. Kin sa kular ban ym pynïap ïa me lada me ïathuh ïa ki ïa baroh kiei kiei.

JEREMAÏAH 43:3

U Barukh u khun jong u Neraïah u la pynkhih ïa phi pyrshah ïa ngi, kumta ki nong Babilonia kin ïa-ïohbor halor jong ngi bad ki lah ban pynïap ïa ngi ne ïalam noh ïa ngi sha Babilonia.”

ESEKIEL 22:27

Ki rangbah sorkar ki long kum ki suri kiba patar lyngkhot ïa ki mrad ba ki la pynïap. Ki pynïap briew ba kin ïoh riewspah.

AMOS 7:10

Amasaïah, u lyngdoh ka Bethel, u la phah ka khubor sha u Jeroboam u syiem ka Israel: “U Amos u la ïasylla pyrshah ïa phi hapdeng ki briew. Ki jingkren jong u kin pynjot ïa ka ri.

LOUKAS 23:2

“Ngi la kem ïa une u briew uba ïalam bakla ïa ki briew jong ngi, da kaba ong ïa ki ban ym siew khajna sha u Patsha bad u kam ba ma u hi u long U Messaïah, u syiem.”

KI KAM 16:20

Ki la ïalam ïa ki sha ki rangbah synshar ka Hima Rom bad ki la ong, “Kine ki briew ki dei ki Jiw, bad ki la thaw jingkulmar ha ka nongbah jong ngi.

KI KAM 17:6

Hynrei haba kim shym lap ïa ki, ki la paring ïa u Jason bad ïa ki katto katne ngut kiwei pat ki parabangeit ha khmat ki bor synshar jong ka nongbah bad ki la pyrta, “Kine ki briew ki la thaw jingkulmar kylleng kylleng! Mynta ki la wan sha ka nongbah jong ngi, bad u Jason u la pynsah ïa ki ha ka ïing jong u.

KI KAM 24:5

Ngi la shem ïa une u briew ba u long ka jingpynwit kaba shyrkhei; u sdang ïa ka jingkhihwin hapdeng ki Jiw ha kylleng jong ka pyrthei bad u long u nongïalam jong ka kynhun kaba na Nasareth.

KI KAM 28:22

Hynrei ngi kwah ban ïohsngew ïa ki jingpyrkhat jong me, namar ngi tip ba kylleng sawdong ki briew ki kren pyrshah ïa kane ka kynhun ha kaba me, me don.”