JEREMAÏAH 38:23 - Khasi CL Bible (BSI)

²³ Te nga la ong shuh shuh, “Ïa baroh ki kynthei bad ki khun jong phi, yn rah noh sha ki nong Babilonia, bad ma phi ruh ïa lade phin ym lait na ki. Yn sa ïalam ïa phi kum u koidi da u syiem ka Babilonia, bad ïa kane ka nongbah yn sa thang lut khoit.”

KA BAIBL

²³ “Bad kin wallam noh ïa ki tnga jong me baroh bad ïa ki khun jong me ha ki Khaldi: bad men ym lait na ka kti jong ki, hynrei, yn kem ïa me da ka kti u syiem ka Babilon: bad men pynlong ïa kane ka shnong ka ban thang da ka ding.”

JEREMAÏAH 38:23 ပူးပေါင်းရင်းမြစ်များ

2 SYIEM 25:7

Katba u Sedekaïah u dang peit, la pynïap ïa ki khun shynrang jong u; nangta u Nebukhadnessar u la phah khlaw noh ïa ki khmat jong u Sedekaïah, u la buh ïa u ha ki kynjri, bad ïalam ïa u sha Babilon.

JEREMAÏAH 21:10

Nga la kut jingmut skhem ba ngan ym pynsah ïa kane ka nongbah, hynrei ban pynjot ïa ka. Yn ai ïa ka ha u syiem ka Babilonia, bad un thang lut khoit ïa ka. Ma nga, U Trai, nga la kren.”

JEREMAÏAH 32:4

Yn aiti noh ïa u ha u syiem ka Babilonia; un peit ïa u markhmat bad un kren ïa u hi da lade.

JEREMAÏAH 34:3

Phin ym lait im; yn kem ïa phi bad yn ai noh ïa phi sha u. Phin ïohi ïa u markhmat bad kren ïa u da lade hi; te nangta phin leit sha Babilonia.

JEREMAÏAH 37:8

Te ki nong Babilonia kin wan biang, kin tur ïaleh ïa ka nongbah, kin kurup ïa ka, bad kin thang duh ïa ka.

JEREMAÏAH 38:18

Hynrei lada phim pyndem, te ïa kane ka nongbah yn aiti noh sha ki nong Babilonia, ki ban sa thang duh ïa ka, bad phin ym lait im na ki.”

JEREMAÏAH 38:24

U Sedekaïah u la jubab, “Wat ai ba uno uno ruh un tip ïa kane ka jingïakren, bad ka jingim jong me kan ym don ha ka jingma.

JEREMAÏAH 39:5

Hynrei ka kynhun shipai Babilonia ka la beh nadien jong ki bad kem ïa u Sedekaïah ha ki pyntha hajan ka Jerikho. Te ki la leit ïalam ïa u sha u syiem Nebukhadnessar, uba don ha ka nongbah Riblah ha ka ri Hamath, bad hangta u Nebukhadnessar u la ai ïa ka jingrai halor jong u.

JEREMAÏAH 39:6

Ha Riblah u la pynïap ïa ki khun shynrang jong u Sedekaïah katba u Sedekaïah u dang peit, bad u la pynïap ruh ïa ki rangbah synshar jong ka Judah.

JEREMAÏAH 41:10

Nangta u la pynlong koidi ïa ki khun kynthei u syiem bad ïa ki briew baroh ha Mispah kiba dang sah ïa kiba u Nebusaradan u rangbah shipai u la iehnoh ha ka jingpeit u Gedalaïah. U Ishmael u la shim ïa ki kum ki koidi bad u la leit ha ka phang jong ka ri ki Ammon.

JEREMAÏAH 6:12

Ïa ki ïing jong ki yn ai noh ha kiwei, bad kumta kan long ïa ki lyngkha jong ki bad ki tnga jong ki. Ngan sa pynshitom ïa ki briew jong kane ka ri.

ESEKIEL 14:9

“Lada u nongïathuhlypa u shah shukor ban ai ki jubab kiba bakla, ka dei namar ma nga, U Trai Nongsynshar, nga la shukor ïa u. Ngan weng ïa u na ki paid Israel.

ESEKIEL 17:15

Hynrei u syiem ka Judah u la ïeng ïaleh pyrshah bad u la phah briew sha Ijipt ban ïoh ki kulai bad ka kynhun shipai bakhraw. Hato un jop? Hato u lah ban leh ei ei da kata? Um lah ban pynkheiñ ïa ka jingïateh lok bad leit khlem shah pynshitom!

ESEKIEL 43:3

Kane ka jingïohipaw ka la long kum kaba nga la ïohi mynba U Blei u la wan ban pynjot ïa ka Jerusalem, bad kum kaba nga la ïohi harud ka wah Khebar. Nangta nga la dem pyllup ïa lade ha ka khyndew.

JINGKHEIÑ 4:18

“Wat ai ba kita kiba na ka kur u Kohath