JEREMAÏAH 38:20 - Khasi CL Bible (BSI)

²⁰ Nga la ong, “Yn ym aiti noh ïa phi sha ki. Nga kyrpad ïa phi ban kohnguh ïa ka khubor U Trai; te baroh kan bha ïa phi, bad ïa ka jingim jong phi yn pynsah.

KA BAIBL

²⁰ Hynrei, u Jeremaïah u la ong, “Kin ym aiti noh ïa me. To kohnguh, nga kyrpad ïa me, ïa ka ktien U Trai, ha kata kaba nga kren ha me: kumta kan long bha bad me, bad ka mynsiem jong me kan im.

JEREMAÏAH 38:20 ပူးပေါင်းရင်းမြစ်များ

JENESIS 12:13

Ïathuh ïa ki ba pha dei ka para jong nga; khnang ba na ka bynta jong pha kin shah ïa nga ban im bad lehbha ïa nga.”

JENESIS 19:20

Phi ïohi ïa katai ka nongrit? Katai te ka kham jan. Shah ngan leit shata — phi ïohi ïa ka ba ka long tang ka nongrit — bad ngan ïohlait im.”

2 KHRONIKL 20:20

Dang step eh, ha ka sngi kaba bud, u paidbah u mih ban leit sha ka ri khlaw hajan Tekoa. Katba ki dang sdang leit, u Jehoshaphat u kren ïa ki da kine ki ktien: “Ko ki briew ka Judah bad Jerusalem! Buh ïa ka jingngeit jong phi ha U Trai U Blei jong phi, bad phin long skhem. Ngeit ïa kaei kaba ki nongïathuhlypa ki ong ïa phi bad phin jop.”

PROBERB 4:4

I ju ong, “Kynmaw bha ïa kaba nga ong bad wat klet ïa ka lano lano ruh. Leh kumba nga ong ïa phi, bad phin im.

PROBERB 7:2

Leh ïa kaei kaba nga ong, bad phin ïoh im. Da sumar bha ban bud ïa ki jinghikai jong nga kumba phi sumar ïa la ki khmat;

ISAÏAH 55:3

“To shahshkor mynta, ko ki briew jong nga, bad to wan sha nga; to wan sha nga, bad phin ïoh jingim! Ngan pynlong ka jutang baneh bad phi bad ngan ai ha phi ïa ki jingkyrkhu kiba nga la kular ha u Dabid.

JEREMAÏAH 11:4

Ka dei ka jutang kaba nga la pynlong bad ki kpa tymmen jong ki mynba nga la wallam noh ïa ki na Ijipt, ka ri kaba long kum ka lawar ding baklang ïa ki. Nga la ong ïa ki ban kohnguh ïa nga bad ban leh ïa kiei kiei baroh kiba nga la lah hukum. Nga la ong ïa ki ba lada ki kohnguh, kin ïoh long ki briew jong nga bad ngan ïoh long U Blei jong ki.

JEREMAÏAH 11:8

Hynrei kim shym la shahshkor lane kohnguh. Pynban, uwei uwei baroh u ïai bteng ban long uba mutlop bad uba sniew kumba u ju long. Nga la hukum ïa ki ban bat ïa ka jutang, hynrei ki la kyntait. Kumta nga la wallam halor jong ki baroh ïa ki jingpynshitom kiba la batai ha ka.”

JEREMAÏAH 26:13

Phi dei ban pynkylla ïa ka rukom kaba phi im bad ïa kiei kiei baroh kiba phi leh, bad phi dei ban kohnguh ïa U Trai U Blei jong phi. Lada phi leh kumta, un kylla ïa la ka jingmut na ka jingpynjot kaba u la ong ba un wallam halor jong phi.

JEREMAÏAH 38:21

Hynrei U Trai u la pyn-i ha nga ha ka jingïohipaw ïa kaei ka ban jia lada phi kyntait ban pyndem.

JEREMAÏAH 7:23

Hynrei nga la hukum ïa ki ban kohnguh ïa nga, khnang ba ngan ïoh long U Blei jong ki bad ki kin ïoh long ki briew jong nga. Bad nga la ong ha ki ban im kumba nga la lah hukum ïa ki, khnang ba kiei kiei kin bit kin biang ïa ki.

DANIEL 4:27

Kumta te, ko Syiem Kynrad, to bud ïa ka jingai jingmut jong nga. Sangeh ban leh pop, to leh ïa kaba dei, bad to sngewsynei ïa kiba duk. Te phin ïailong uba manbha.”

AMOS 5:4

U Trai u ong kumne ha ki paid Israel, “Wan sha nga, bad phin ïoh im.

AMOS 5:6

Phet sha U Trai, bad phin ïoh im. Lada phim leit, un bam duh kum ka ding ha ki paid Israel. Ka ding kan thang duh ïa ki briew ka Bethel, bad yn ym don mano mano ban pynlip ïa ka.

KI KAM 26:29

“La ka long ha ka por balyngkot lane ha ka por bajlan,” u Paul u la jubab, “ka jingduwai jong nga ha U Blei ka long ba ma me bad baroh kiwei pat kiba sngap ïa nga ha kane ka sngi ki lah ban long kum ma nga — lait noh, da shisha, ïa kine ki kynjri!”

2 KORINTH 5:11

Ngi tip ka mut aïu ban sheptieng ïa U Trai, bad kumta ngi pyrshang ban pynkohnguh ïa kiwei. U Blei u tip lut shaphang jong ngi, bad nga kyrmen ba ha ki dohnud jong phi, phi tip ïa nga kumjuh.

2 KORINTH 5:20

Hangne ngi don, namarkata, da kaba kren na ka bynta U Khrist, la kumba U Blei hi da lade u kyrpad lyngba jong ngi. Ngi kyrpad na ka bynta U Khrist: To ai ba U Blei un pynkylla ïa phi na ki nongshun sha ki paralok jong u!

2 KORINTH 6:1

Ha ka jingtrei jong ngi lem bad U Blei, namarkata, ngi kyrpad ïa phi kiba la ïohpdiang ïa ka jingaiei U Blei ban ym pynlehnoh-ei ïa ka.

JAKOB 1:22

Wat shukor ïa lade tang da kaba sngap ïa ka ktien jong u; pynban, to pyntreikam ïa ka.