JEREMAÏAH 38:2 - Khasi CL Bible (BSI)

² U Trai u la ong, “Uno uno uba shong ha ka nongbah un ïap ha ka thma lane ka jingïapthngan lane ka jingpang. Hynrei uno uno uba mihnoh bad uba pyndem ha ki nong Babilonia, yn ym pynïap; la kumno kumno un pyllait ïa la ka jingim.”

KA BAIBL

² “Kumne u ong U Trai, ‘Uta uba ïaishong ha kane ka shnong un ïap da ka waitlam, da ka 'nemsniew, bad da ka jingïapkhlam: hynrei, uta u ban leit mih noh sha ki Khaldi un im keiñ, bad ka jingim jong u kan long ha u kum ka jinglute, te un im keiñ.’ ”

JEREMAÏAH 38:2 ပူးပေါင်းရင်းမြစ်များ

JEREMAÏAH 21:4

“Ko Sedekaïah, ngan jop ïa ka kynhun shipai jong me kaba ïaleh pyrshah ïa u syiem ka Babilonia bad ki shipai jong u. Ngan kynton ïa ki tiar ïapom jong ki shipai jong me hamar pdeng jong ka nongbah.

JEREMAÏAH 24:8

“Te ïa u Sedekaïah u syiem ka Judah, ïa ki nongsaiñ hima sawdong jong u, ïa kiba sah na ki briew ka Jerusalem kiba dang sah ha kane ka ri, ne kynriah sha ri Ijipt — ma nga, U Trai ngan leh ïa ki baroh kum ïa kine ki soh Dumbur kiba da sniew shisha ki bym long bam shuh.

JEREMAÏAH 27:11

Hynrei lada kano kano ka jaitbynriew ka pyndem ha u syiem ka Babilonia bad shakri ïa u, te ngan shah ïa ka ba kan shong ha la ka ri, ban rep ïa ka bad shong hangta. Ma nga, U Trai, nga la kren.”

JEREMAÏAH 27:13

Balei ba ma phi bad ki briew jong phi phin ïap ha ka thma lane ha ka jingïapthngan lane ha ka jingpang? Kata ka dei kaei kaba U Trai u la ong ba kan jia ïa kano kano ka jaitbynriew ka bym pyndem ha u syiem ka Babilonia.

JEREMAÏAH 29:16

Pynshahshkor ïa kaei kaba U Trai u ong shaphang u syiem uba synshar ïa ka hima kaba u Dabid u la synshar bad shaphang ki briew jong kane ka nongbah, kata, ki ba-ha-ïing ha-sem jong phi ki bym shym la shah rah noh kum ki koidi lem bad phi.

JEREMAÏAH 29:18

Ngan beh kthong ïa ki da ka thma, ka jingïapthngan, bad ka jingpang, bad baroh ki jaitbynriew jong ka pyrthei kin sngewtriem ha kaei kaba ki ïohi. Kylleng kylleng nga pynsakma ïa ki, ki briew kin kyndit bad sngewshyrkhei ha kaei kaba la jia ha ki. Ki briew kin krenbeiñ ïa ki bad pyndonkam ïa ki kyrteng jong ki kum ka jingtim.

JEREMAÏAH 34:17

Te mynta, ma nga, U Trai, nga ong ba phim shym la kohnguh ïa nga: phim shym la ai ka jinglaitluid ïa la ki para Israel. Kumta te, ngan ai ha phi ïa ka jinglaitluid: ka jinglaitluid ban ïap da ka thma, ka jingpang, bad ka jingïapthngan. Ngan pynlong ïa kawei pa kawei ka jaitbynriew ha ka pyrthei ban sngewshyrkhei ïa kaei kaba nga leh ïa phi.

JEREMAÏAH 39:18

Ngan pyllait ïa me na ka jingma, bad yn ym pynïap ïa me. Men lait im namar me la buh ïa la ka jingshaniah ha nga. Ma nga, U Trai, nga la kren.”

JEREMAÏAH 42:17

Ki briew baroh kiba kut jingmut ban leit bad sah ha Ijipt kin ïap na ka thma ne na ka jingïapthngan ne na ka jingpang. Yn ym don uwei ruh na ki u ban lait im, yn ym don ban lait phet na ka jingjot ïa kaba ngan wallam ha ki.’

JEREMAÏAH 42:22

Te nangta, to kynmaw ïa kane: phin ïap ha ka thma ne na ka jingïapthngan ne ka jingpang ha ka ri sha kaba phi kwah ban leit bad ban shong.”

JEREMAÏAH 44:13

Ngan pynshitom ïa kito kiba shong ha Ijipt, kumba nga pynshitom ïa ka Jerusalem — da ka thma, ka jingïapthngan bad ka jingpang.

JEREMAÏAH 45:5

Hato me khmih lynti ïa ka jingleh bakyrpang na ka bynta ïa lade? Wat leh ïa kata. Nga wallam ïa ka jingjot ha u khunbynriew baroh, hynrei men pyllait ïa ka jingim kat shaba me leit. Ma nga, U Trai, nga la kren.”

ESEKIEL 14:21

Kane ka dei kaei kaba U Trai Nongsynshar u ong: “Ngan phah ïa ki saw tylli ki jingpynshitom basniew tam jong nga ha ka Jerusalem — ka thma, ka 'nemsniew, ki mradkhlaw, bad ka jingpang — ban pynjot ïa ki briew bad ki mrad kumjuh.

ESEKIEL 6:11

U Trai Nongsynshar u la ong, “Khyrwait ïa la ki kti! kyrdem ïa la ki kjat! kyang da ka jingsngewsih namar ki jingsniew baroh, kiei kiei kiba ijli kiba ki Israel ki la leh. Kin ïap ha ka thma, da ka 'nemsniew bad da ka jingpang.

ESEKIEL 7:15

Ka don ka jingïashoh ha ki lynti ïaid, bad ka jingpang bad ka jingthngan hapoh ki ïing. Uno uno uba don ha rudnong u ïap ha ka jingïaleh, uno uno uba don ha nongbah u ïap da ka jingpang ne jingthngan.