JEREMAÏAH 38:17 - Khasi CL Bible (BSI)

¹⁷ Te nga la ong ha u Sedekaïah ba U Trai Badonbor Baroh, U Blei ki Israel, u la ong, “Lada phi pyndem ha ki rangbah pynïaidkam jong u syiem ka Babilonia, ïa ka jingim jong phi yn tyngkai, bad ïa kane ka nongbah yn ym thang noh. Ïa phi bad ïa ka longïing jong phi yn pyllait im.

KA BAIBL

¹⁷ Ynda kumta, u Jeremaïah u la ong ha u Sedekaïah, “Kumne u ong U Trai, U Blei ki paid, U Blei ki Israel: ‘Lada men leit mih noh sha ki rangbah u syiem ka Babilon, te ka mynsiem jong me kan im, bad yn ym thang shuh da ka ding ïa kane ka shnong; bad me men im, bad ka ïing jong me:

JEREMAÏAH 38:17 ပူးပေါင်းရင်းမြစ်များ

JENESIS 12:13

Ïathuh ïa ki ba pha dei ka para jong nga; khnang ba na ka bynta jong pha kin shah ïa nga ban im bad lehbha ïa nga.”

2 SYIEM 24:12

bad u syiem Jehoïakhin lem bad ka kmie jong u, ki khun shynrang jong u, ki rangbah pynïaidkam jong u, bad ki rangbah synshar ha ka ïingsyiem, ki la pyndem ha ki nong Babilonia. Ha ka snem kaba phra jong ka jingsynshar u Nebukhadnessar u la shim koidi ïa u Jehoïakhin

2 SYIEM 25:27

Ha ka snem ba u Ebilmerodakh u long u syiem ka Babilonia, u la lehsbun ïa u Jehoïakhin u syiem ka Judah da kaba pyllait noh ïa u na ka ïingbyndi. Kane ka la jia ha ka sngi kaba arphew hynñiew jong u bnai uba khat-ar jong ka snem kaba laiphew hynñiew hadien ba la kem koidi ïa u Jehoïakhin.

1 KHRONIKL 17:24

Ka nam jong me kan khraw, bad ki briew kin ong junom, ‘U Trai Bakhrawbor baroh u long U Blei ha Israel.’ Bad men pynneh ïa ka longïing syiem jong nga ha ki por baroh.

ESRA 9:4

Nga shong hangta ha ka jingsngewsih haduh ynda la janmiet, ka por ban ai ïa ki jingkñia, bad ki briew ki sdang ban ïalum sawdong ïa nga — baroh kito kiba la sheptieng ïa kaei kaba U Blei ki Israel u la lah ong shaphang ki pop jong kito kiba la wan phai na ka jingshah ringmraw.

Ka Kitab U Job 23:13

U long u bym ju kylla. Ym don ba lah ban ïeng pyrshah ïa u lane pynsangeh ïa u na kaba leh ïa kaei kaba u kwah ban leh.

SALM 80:14

To phai sha ngi, A Blei Badonbor Baroh! To khmih na bneng sha ngi; to wan bad pynim ïa ki briew jong me!

SALM 80:7

To wallam pat ïa ngi, A Blei Badonbor Baroh! A pyn-i ha ngi ïa ka jingisynei jong me, bad ïa ngi yn pynim!

JEREMAÏAH 27:12

Nga la ong ïa kajuh ha u syiem Sedekaïah jong ka Judah. “Pyndem ha u syiem jong ka Babilonia. Shakri ïa u bad ïa ki briew jong u, bad phin im.

JEREMAÏAH 27:17

Wat shahshkor ïa ki! Pyndem ha u syiem ka Babilonia bad phin im! Balei ba kane ka nongbah kan kylla ka kynton ki jingpra?

JEREMAÏAH 27:8

“Hynrei lada kano kano ka jaitbynriew lane ka hima kam pyndem ha ka jingsynshar jong u, te ngan pynshitom ïa kata ka jaitbynriew da ka thma, ka jingïapthngan bad da ka jingpang tad haduh ba ngan da shah ïa u Nebukhadnessar ban pynjot khoit ïa ka.

JEREMAÏAH 38:2

U Trai u la ong, “Uno uno uba shong ha ka nongbah un ïap ha ka thma lane ka jingïapthngan lane ka jingpang. Hynrei uno uno uba mihnoh bad uba pyndem ha ki nong Babilonia, yn ym pynïap; la kumno kumno un pyllait ïa la ka jingim.”

JEREMAÏAH 39:3

(Haba la kurup ïa ka Jerusalem, baroh ki rangbah synshar baheh kyrdan jong u syiem ka Babilonia ki la wan bad ki la ïeng ha la ki jaka ha ka Khyrdop Pdeng, kaba kynthup ïa ka Nergal Sareser, ka Samgar Nebo, ka Sarsekhim, bad kawei pat ka Nergal Sareser.)

JEREMAÏAH 40:9

U Gedalaïah u la ong ïa ki, “Nga ai ïa phi ïa la ka ktien ba kam donkam ïa phi ban sheptieng ban pyndem ha ki nong Babilonia, to shongduh ha kane ka ri, to shakri ïa u syiem ka Babilonia, bad baroh kan bha ïa phi.

JEREMAÏAH 44:7

“Bad kumta ma nga, U Trai Badonbor Baroh, U Blei ki Israel, mynta nga kylli ba balei phi leh kum kata ka kam kaba sniew ïa lade. Hato phi kwah ban wallam ïa ka jingpynjot ha ki rangbah bad ki kynthei, ki khynnah bad ki khunlung, khnang ba yn ym don na ki briew jong phi ban dang sah?

ESEKIEL 8:4

Hangta nga la ïohi ïa ka jingshai kaba tyngshaiñ kaba pyn-i ïa ka jingdon ryngkat jong U Blei ki Israel, kumba nga la ïohi ïa ka haba nga don harud ka wah Khebar.

AMOS 5:27

haba ngan ïalam ïa phi sha ka jinglongmraw sha ka ri sha lyndet ka Damaskos,” ong U Trai, uba ka kyrteng jong u ka long U Blei Badonbor Baroh.