JEREMAÏAH 37:9 - Khasi CL Bible (BSI)

⁹ Ma nga U Trai, nga maham ïa me ban ym shukor ïa lade da kaba pyrkhat ba ki nong Babilonia kin ym wan shuh, namar kin sa wan biang.

KA BAIBL

⁹ Kumne u ong U Trai: “Wat shukor ïa lade, da kaba ong, ‘Da shisha, ki Khaldi kin kynriah noh na ngi:’ naba kin ym kynriah noh.

JEREMAÏAH 37:9 ပူးပေါင်းရင်းမြစ်များ

Ka Kitab U Job 15:31

Lada u bieit katta katta ban shaniah ha ka jingsniew, te ka jingsniew kan long ka bainong jong u.

JEREMAÏAH 29:8

Ma nga, U Trai, U Blei ki Israel, nga maham ïa phi ban ym shah ïa lade ban shah shukor ha ki nongïathuhlypa kiba im hapdeng jong phi lane da kino kino kiwei pat kiba kam ba ki lah ban ïathuh lypa ïa ka lawei. Wat ym pynleit jingmut satia ïa ki jingphohsniew jong ki.

OBADAÏAH 1:3

Ka jingsarong jong pha ka la shukor ïa pha. Ka nongbah jong pha ka long ka kut mawsiang baskhem; ka ïing jong pha ka don ha kliar ki lumbah, bad kumta phi ong ha lade, ‘Uei uba lah ban pynhiar ïa nga sha tbian?’

GALATIA 6:3

Lada uno uno u mut ba u long ei ei haba da shisha um long ei ei, u long tang u nongshukor ïa lade.

GALATIA 6:7

Wat ym shukor phi ïa lade hi, ym don mano mano uba ñiew bieit ïa U Blei. U briew un ot ïa kaei kaba u bet.

EPHESOS 5:6

Wat shah ïano ïano ban shukor ïa phi da ki ktien bieit, namar dei na kine kiei kiei ba ka jingbitar U Blei kan wan ha kito ki bymkohnguh ïa u.

2 THESSALONI 2:3

Wat shah ïano ïano ban shukor ïa phi ha kano kano ka rukom. Naba ka Sngi kan ym wan tad ynda ka Jingïaleh pyrshah ka jia bad ba uta Uba Sniew u mihpaw ïa uba la buh lypa na ka bynta ka dujok.

JAKOB 1:22

Wat shukor ïa lade tang da kaba sngap ïa ka ktien jong u; pynban, to pyntreikam ïa ka.