JEREMAÏAH 37:7 - Khasi CL Bible (BSI)

⁷ “Ka kynhun shipai Ijipt ka don ha ka lynti ban ïarap ïa me, hynrei kan leit phai noh sha la ka ri.

KA BAIBL

⁷ “Kumne u ong U Trai, U Blei ki Israel: ‘Kumne phin ong ha u syiem ka Judah, uba la phah ïa phi ha nga ban ïakylli ïa nga, “Ha khmih, ki shipai u Pharaoh, kiba la wan ban ïarap ïa phi, kin leit phai noh sha Ijipt sha ka ri jong ki hi.

JEREMAÏAH 37:7 ပူးပေါင်းရင်းမြစ်များ

2 SYIEM 22:18

Na ka bynta u syiem hi, kane ka dei kaei kaba nga, U Trai U Blei ki Israel, nga ong: pynshahshkor ïa kaei kaba la thoh ha ka Kitab,

2 SYIEM 24:7

U syiem Ijipt bad ka kynhun shipai jong u kim ju mih shuh shabar ka Ijipt, namar u syiem Babilonia mynta u synshar ïa baroh ka ri kaba dei jong ka Ijipt, naduh ka wah Ïuphratis shaduh ka pud bashatei jong ka Ijipt.

PROBERB 21:30

Ka jingstad briew, ka jingproh jabieng, ka jingsngewthuh — kim lah ïarap ei ei lada U Trai u long pyrshah ïa phi.

ISAÏAH 30:7

Ka jingïarap kaba ka Ijipt ka ai ka long ka bymmyntoi. Kumta nga la khot-sin ïa ka Ijipt, ‘U Ïakjakor bym lah pynmynsaw.’”

ISAÏAH 36:6

Phi khmih lynti ba ka Ijipt kan ïarap ïa phi, hynrei kata kan long kumba pyndonkam ïa u khah kum u diengduh ban ïaid — un kdiah bad un dung ïa ka kti jong phi. Kata kan long kaei kaba u syiem Ijipt u long haba uno uno u shaniah ha u.”

JEREMAÏAH 2:18

Kaei me pyrkhat ba men ïoh da kaba leit sha Ijipt ban dih um na ka Nile? Kaei me pyrkhat ba men ïoh da kaba leit sha Assyria ban dih um na ka Ïuphratis?

JEREMAÏAH 2:36

Phi la pyntat-dor ïa lade da kaba phai sha ki blei jong kiwei pat ki jaitbynriew. Yn pynnoh mynsiem ïa phi da ka Ijipt, kumba phi la long da ka Assyria.

JEREMAÏAH 2:37

Phin phai noh na ka Ijipt, da kaba sdien ïa ka khlieh jong phi ha ka jinglehrain. Ma nga, U Trai nga la kyntait ïa kito kiba phi la shaniah; phin ym ïoh kano kano ka jingmyntoi na ki.”

JEREMAÏAH 21:1

U Sedekaïah u syiem ka Judah u la phah ïa u Pashhur, u khun jong u Malkhaïah, bad ïa u Sephanaïah u lyngdoh, u khun jong u Maaseïah, sha nga lem bad kane ka jingkyrpad:

JEREMAÏAH 21:2

“Sngewbha ban kren ha U Trai na ka bynta jong ngi, namar u Nebukhadnessar u syiem ka Babilonia bad ka kynhun shipai jong u ki la wan kerkut ïa ka nongbah. Lehse U Trai un leh kawei na ki kambah jong u na ka bynta jong ngi, bad un pynbor ïa u Nebukhadnessar ba un kynran dien noh.”

JEREMAÏAH 37:3

U syiem Sedekaïah u la phah ïa u Jehukal u khun jong u Shelemaïah bad u Sephanaïah u lyngdoh u khun jong u Maaseïah ban ong ïa nga ban duwai ha U Trai U Blei jong ngi na ka bynta ka jaitbynriew jong ngi.

JEREMAÏAH 37:5

Ka kynhun shipai Babilonia ka dang kerkut ïa ka Jerusalem, hynrei haba ki la ïohsngew ba ka kynhun shipai Ijipt ka la jam sha shiliang u pud ka Ijipt, ki la phai dien noh.

JEREMAÏAH 37:6

Te U Trai, U Blei ki Israel, u la ong ïa nga ban ong ha u Sedekaïah,

SNGEWSYNEI 1:7

Ka long ka jingjot bakynjah mynta, ka Jerusalem ka kynmaw ïa la ka burom ba-itynnat kaba mynbarim. Haba ka hap ha ki nongshun, ym don mano mano ba wan ïarap ïa ka; ki nongjop ïa ka ki la rkhie ha ka jingkyllon jong ka.

SNGEWSYNEI 4:17

Ngi la khmih tad haduh ba ngim lah shuh ban khmih ïa ka jingïarap ka bym ju wan. Ngi la ïai ap ïa ka jingïarap na ka hima ka bym don ei ei ban ai.

ESEKIEL 17:17

Wat ka kynhun shipai kaba khlaiñ tam jong u syiem ka Ijipt kam lah ban ïarap ïa u ban ïaleh haba ki nong Ijipt ki tei ki jingtei khyndew bad tih ki kharai khnang ban pynïap bun ngut ki briew.

ESEKIEL 29:16

Ki Israel kin nym shaniah shuh ha ki ban ïoh jingïarap. Ka kupar ki nong Ijipt kan pynkynmaw ïa ki Israel kumno ka la long kaba bakla ban shaniah ha ki. Te ki Israel kin tip ba nga long U Trai Nongsynshar.”

ESEKIEL 30:22

Mynta te, kane ka long kaei kaba ma nga, U Trai Nongsynshar, nga ong: Nga long u nongshun jong u syiem ka Ijipt. Ngan pynkheiñ ïa ki ksang'ti jong u baroh ar tylli — kaba dang bha bad kaba la kheiñ lypa — bad ka waitlam kan hap na ka kti jong u.