JEREMAÏAH 37:17 - Khasi CL Bible (BSI)

¹⁷ Hadien kata u syiem Sedekaïah u la phah khot ïa nga, bad hangta ha ka ïingsyiem u la kylli ïa nga ha kaba jar jar, “Hato don khubor ei ei na U Trai?” “Ka don,” nga la jubab, bad nga ong shuh shuh, “Ïa phi yn sa aiti noh ha u syiem ka Babilonia.”

KA BAIBL

¹⁷ ynda kumta, u Sedekaïah syiem u la phah wallam ïa u: te u syiem u la kylli ïa u jar jar ha la ïing, bad u la ong, “Don ktien ei ei na U Trai?” Te u Jeremaïah u la ong, “Don.” U la ong ruh, “Yn sa ai noh ïa me ha ka kti u syiem ka Babilon.”

JEREMAÏAH 37:17 ပူးပေါင်းရင်းမြစ်များ

1 SYIEM 22:15

Haba u wan mih ha khmat u syiem Ahab, u syiem u kylli ïa u, “Mikaïah, hato u syiem Jehoshaphat bad nga ngin leit ne em ban tur ïaleh ïa ka Ramoth?” “Khie tur ïaleh!” u Mikaïah u jubab. “Da shisha phin jop. U Trai un ai ha phi ka jingjop.”

1 SYIEM 22:16

Hynrei u Ahab u jubab, “Haba phi kren ha nga ha ka kyrteng U Trai, ïathuh ïa ka jingshisha! Katno sien ba nga hap ban ong ha phi ïa kata?”

2 SYIEM 25:7

Katba u Sedekaïah u dang peit, la pynïap ïa ki khun shynrang jong u; nangta u Nebukhadnessar u la phah khlaw noh ïa ki khmat jong u Sedekaïah, u la buh ïa u ha ki kynjri, bad ïalam ïa u sha Babilon.

JEREMAÏAH 15:11

A Trai, ai ba ki jingtim jong ki baroh kin urlong shisha lada ngam shym la shakri bha ïa me, lada ngam shym la ïasaid bad me na ka bynta ki nongshun jong nga mynba ki don ha ka jingjynjar bad jingeh bajur.

JEREMAÏAH 21:7

Hynrei na ka bynta jong phi, ki rangbah synshar jong phi bad ki briew kiba lait im na ka thma, ka khlam bad ka 'nemsniew — ngan ai ïa baroh na phi ban shahjop ha u syiem Nebukhadnessar bad da ki nongshun jong phi, kiba kwah ban pynïap ïa phi. U Nebukhadnessar un phah pynïap ïa phi. Un ym pynsah ïano ïano na phi lane un ym isynei lane sngewlem ïano ïano na phi. Ma nga, U Trai, nga la kren.”

JEREMAÏAH 24:8

“Te ïa u Sedekaïah u syiem ka Judah, ïa ki nongsaiñ hima sawdong jong u, ïa kiba sah na ki briew ka Jerusalem kiba dang sah ha kane ka ri, ne kynriah sha ri Ijipt — ma nga, U Trai ngan leh ïa ki baroh kum ïa kine ki soh Dumbur kiba da sniew shisha ki bym long bam shuh.

JEREMAÏAH 25:35

Yn ym don lad ïa phi ban lait im.

JEREMAÏAH 37:3

U syiem Sedekaïah u la phah ïa u Jehukal u khun jong u Shelemaïah bad u Sephanaïah u lyngdoh u khun jong u Maaseïah ban ong ïa nga ban duwai ha U Trai U Blei jong ngi na ka bynta ka jaitbynriew jong ngi.

JEREMAÏAH 38:5

U syiem Sedekaïah u la jubab, “To leh te ïa kaei kaba phi kwah ban leh ïa u; ngam lah ban khang ïa phi.”

JEREMAÏAH 52:8

Hynrei ka kynhun shipai Babilonia ka beh kthong ïa u syiem Sedekaïah, la kem ïa u ha ki them ba don hajan Jerikho, bad baroh ki shipai jong u ki iehnoh noh ïa u.

ESEKIEL 7:26

Ka jingjynjar kan bud kawei hadien kawei pat, ka khubor basniew kan ïai tuid. Phin kyrpad ïa ki nongïathuhlypa ban ïathuh ïa kaei kaba ki ïohi lypa. Ki lyngdoh kin ym don ei ei shuh ban hikai ïa ki briew, bad ki tymmen ki san kin ym don jingsneng jingkraw shuh ban ai.

JINGKHEIÑ 23:17

Kumta u la leit phai pat bad u la lap ïa u Balak ba u dang ïeng harud ka jingainguh thang jong u lem bad ki nongïalam ka Moab. U Balak u la kylli aïu U Trai u la ong,

MARKOS 6:20

U Herod u la sheptieng ïa u Ïoannis namar u la tip ba u Ïoannis u long u briew uba bha bad uba khuid, bad kumta u ju da ïa u. U ju sngewbha ban sngap ïa u, wat la u shitom jingmut shikatdei eh man ka por ba u ïohsngew ïa u.