JEREMAÏAH 37:10 - Khasi CL Bible (BSI)

¹⁰ Wat la men jop ïa ka kynhun shipai Babilonia baroh kawei, ba tang ki rangbah ba la mynsaw kin sah, kiba thiah ha la ki ïingjaiñ, kito ki rangbah kin dang ïeng bad thang ïa kane ka nongbah ha ban da ing khoit.”

KA BAIBL

¹⁰ Naba la phi la pom ïa ki shipai baroh jong ki Khaldi kiba ïaleh thma ïa phi, bad ba la sah sa tang kiba la mynsaw hapdeng jong ki, pynban, kin da ïaïeng man la u briew baroh ha la ka ïingjaiñ, bad kin da ïathang ïa kane ka shnong da ka ding.”

JEREMAÏAH 37:10 ပူးပေါင်းရင်းမြစ်များ

ISAÏAH 10:4

Phin shah pynïap ha ka thma lane phin shah paring kum ki koidi. Pynban wat la katta ruh, ïa ka jingbitar jong U Trai yn ym pynkut; ka kti jong u kan dang ïai kner ban pynshitom.

ISAÏAH 13:15

Ïa uno uno uba shah kem yn dung pynïap.

ISAÏAH 14:19

hynrei mem don kano kano ka jingtep, bad ïa ka metïap jong me la bret shabar ba kan pyut. La tap ïa ka da ki met jong ki shipai ba la shah pynïap ha ka thma, la kynting ïa ka lem bad ki ha ka thliew mawsiang, bad la ïuh ïa ka.

ISAÏAH 30:17

Shihajar ngut na phi kin ïaphet krad haba phi ïohi ïa uwei u shipai nongshun, bad san ngut ki shipai ki la biang ban pynlong ïa phi baroh ban phet krad. Yn ym don shuh ka kynhun shipai jong phi ka ban dang sah, lait noh sa tang u dieng lama ba sah marwei ha kliar jong u lum!

JEREMAÏAH 21:10

Nga la kut jingmut skhem ba ngan ym pynsah ïa kane ka nongbah, hynrei ban pynjot ïa ka. Yn ai ïa ka ha u syiem ka Babilonia, bad un thang lut khoit ïa ka. Ma nga, U Trai, nga la kren.”

JEREMAÏAH 32:29

Kin sa thang duh ïa ka, ryngkat bad ki ïing ki sem hangno hangno ha kiba ki briew ki la pynbitar ïa nga da kaba thang ki jingiwbih ha u Baal halor ki tnum ïing bad da kaba theh ïa ka waiñ jong ki jingainguh sha kiwei pat ki blei.

JEREMAÏAH 37:11

Ka kynhun shipai Babilonia ka la kynran dien noh na Jerusalem namar ka kynhun shipai Ijipt ka la wan.

JEREMAÏAH 37:8

Te ki nong Babilonia kin wan biang, kin tur ïaleh ïa ka nongbah, kin kurup ïa ka, bad kin thang duh ïa ka.

JEREMAÏAH 49:20

Kumta to shahshkor ïa ka jingthmu kaba nga don pyrshah ïa ki briew ka Edom, bad ïa kaei kaba nga thmu ban leh ïa ki briew jong ka nongbah Teman. Wat ïa ki khynnah yn paring ïa ki, bad uwei pa uwei un sngewtriem.

JEREMAÏAH 50:45

Kumta to shahshkor ïa ka jingthmu kaba nga la don pyrshah ïa ka nongbah Babilon bad ïa kaei kaba nga thmu ban leh ïa ki briew jong ka. Wat ïa ki khynnah yn paring ïa ki, bad baroh kin sngewtriem.

JEREMAÏAH 51:4

Kin mynsaw bad kin ïap ha ki lynti bah jong ki nongbah jong ki.

SNGEWSYNEI 1:15

“U Trai u rkhiebeiñ ïa baroh ki shipai bakhlaiñ tam jong nga; u la phah ka kynhun shipai ban pynjot ïa ki samla shynrang jong nga. U la pynlwet ïa ki briew jong nga kum ïa ki sohwaiñ ha ka jaka khñiot sohwaiñ.

JOEL 2:11

U Trai u kyrhuh ïa ki hukum sha ka kynhun shipai jong u. Ki shipai kiba kohnguh ïa u ki long shibun bad kiba khlaiñbor. Haduh katno ka long kaba shyrkhei ka sngi jong U Trai! Uei u ban lait im na ka?