JEREMAÏAH 37:1 - Khasi CL Bible (BSI)

¹ U Nebukhadnessar u syiem ka Babilonia u la pynlong syiem ïa u Sedekaïah, u khun jong u Josaïah u syiem ka Judah, ha ka jaka u Jehoïakhin u khun jong u Jehoïakim.

KA BAIBL

¹ Te u Sedekaïah u khun u Josaïah u la synshar kum u syiem, ha ka jaka u Konaïah u khun u Jehoïakim ïa uba u Nebukhadressar u syiem ka Babilon u la thung syiem ha ka ri Judah.

JEREMAÏAH 37:1 ပူးပေါင်းရင်းမြစ်များ

2 SYIEM 24:12

bad u syiem Jehoïakhin lem bad ka kmie jong u, ki khun shynrang jong u, ki rangbah pynïaidkam jong u, bad ki rangbah synshar ha ka ïingsyiem, ki la pyndem ha ki nong Babilonia. Ha ka snem kaba phra jong ka jingsynshar u Nebukhadnessar u la shim koidi ïa u Jehoïakhin

2 SYIEM 24:17

U Nebukhadnessar u la pynlong ïa u Mattanaïah u kñi jong u Jehoïakhin kum u syiem ka Judah bad u la pynkylla ïa ka kyrteng jong u sha u Sedekaïah.

JEREMAÏAH 21:1

U Sedekaïah u syiem ka Judah u la phah ïa u Pashhur, u khun jong u Malkhaïah, bad ïa u Sephanaïah u lyngdoh, u khun jong u Maaseïah, sha nga lem bad kane ka jingkyrpad:

JEREMAÏAH 22:24

U Trai u la ong ha u syiem Jehoïakhin, u khun jong u Jehoïakim u syiem ka Judah, “Kumba da shisha nga long U Blei Uba im. Wat la me long kum ka sati muhor ha ka kti kamon jong nga, ngan weng noh ïa me,

JEREMAÏAH 22:28

Nga la ong, “Hato u syiem Jehoïakhin u la kylla long kum u khra uba la pait uba la bret noh bad u bym don ba kwah shuh mano mano? Hato ka long kata balei ba ma u bad ïa ki khun jong u la ringmraw sha ka ri kaba kim tip ei ei?”

JEREMAÏAH 24:1

U Trai u pyn-i ha nga ar shang ki soh Dumbur ba la buh ha khmat ka Templ. (Kane ka long hadien ba u Nebukhadnessar u syiem ka Babilonia u la ringmraw ïa u Jehoïakhin, u syiem ka Judah, u khun jong u Jehoïakim, kum u koidi na Jerusalem, lem bad ki nongïalam ka Judah, ki nongtrei dieng, bad ki nongtrei batbit.)

JEREMAÏAH 34:2

U Trai, U Blei ki Israel, u la ong ha nga ban leit bad ban ong ïa u Sedekaïah u syiem ka Judah, “Ma nga, U Trai, ngan ai ïa kane ka nongbah ha u syiem ka Babilonia, bad un thang duh ïa ka.

JEREMAÏAH 52:31

Ha ka snem kaba u Ebilmerodakh u la long u syiem ka Babilonia, u la pyn-i jinglehisynei ïa u Jehoïakhin u syiem ka Judah da kaba pyllait ïa u na ka byndi. Kane ka la jia ha ka sngi kaba arphew san jong u bnai uba khat-ar ha ka snem kaba laiphew hynñiew hadien ba la rah noh ïa u Jehoïakhin kum u koidi.