JEREMAÏAH 36:9 - Khasi CL Bible (BSI)

⁹ Ha u bnai bakhyndai jong ka snem kaba san ba u Jehoïakim u la long u syiem ka Judah, ki briew ki la shahjingit ban ïoh ïa ka jingsngewbha U Trai. Ïa ka jingshahjingit la leh da baroh kiba shong basah ha Jerusalem bad da baroh kito kiba la wan hangta na ki shnong ka Judah.

KA BAIBL

⁹ Te ha ka snem ka basan jong u Jehoïakim u khun u Josaïah, u syiem ka Judah, ha u bnai u bakhyndai, ki briew baroh ha Jerusalem, bad ki briew baroh kiba la wan na ki shnong Judah sha Jerusalem, ki la pynbna ka jingshah jingit ha khmat U Trai.

JEREMAÏAH 36:9 ပူးပေါင်းရင်းမြစ်များ

2 KHRONIKL 20:3

U Jehoshaphat u la sheptieng bad duwai ha U Trai na ka bynta ka jingïalam. Hadien kata u ai hukum ban pynlong ka jingshah jingit ha ka ri baroh kawei.

NEHEMAÏAH 9:1

Ha ka sngi kaba arphew saw jong ujuh u bnai, ki Israel ki ïalumlang ban shahjingit ban pynpaw ka jingsngewsih na ka bynta ki pop jong ki. Ki la lah pynïakhlad ïa lade na ki nongwei baroh. Ki phong ki jaiñ khain bad sleh pui pui ha ki khlieh jong ki kum ka dak jong ka jingsngewsih. Nangta ki ïeng bad sdang ban phla ïa ki pop kiba ma ki bad ki kpa tymmen jong ki, ki la leh.

ESTHER 4:16

“To khie leit bad ïalumlang ïa baroh ki Jiw ha Susa; pynlong ka jingshah jingit bad duwai na ka bynta jong nga. Wat bam lane dih ei ei na ka bynta lai sngi bad lai miet. Ki shakri kynthei jong nga bad ma nga, ngin leh kumjuh. Hadien kata, ngan leit sha u syiem, wat la ka long pyrshah ïa ka aiñ. Lada ka dei ïa nga ban ïap na ka bynta kata, ai ngan ïap.”

JEREMAÏAH 36:1

Ha ka snem kaba saw ba u Jehoïakim, u khun jong u Josaïah, u long u syiem ka Judah, U Trai u la ong ha nga,

JEREMAÏAH 36:22

Ka la long ha ka por tlang bad u syiem u dang shong ha ka ïingsyiem tlang ha khmat ka ding.

JEREMAÏAH 36:6

Hynrei nga kwah ïa me ban rung hangta ha kawei pat ka sien ba ki briew kin ïashahjingit. Men pule jam na ka kot kli, khnang ba kin ïohsngew ïa kiei kiei baroh ba U Trai u la lah ong ha nga bad ba nga la dep phah thoh ha me. Leh ïa kane ha ka jaka ba baroh ki lah ban ïohsngew ïa me, kynthup ïa ki paid Judah kiba la wan rung shapoh na ki shnong jong ki.

JOEL 1:13

To phong ki jaiñ khain bad to ïam, phi ki lyngdoh kiba shakri ha ka duwan! To leit sha ka Templ bad to ïamkthang baroh shi miet! Ym don kew lane waiñ ban ainguh ha U Blei jong phi.

JOEL 1:14

To ai hukum na ka bynta ka jingshah jingit; to khot na ka bynta ka jingïaseng bah! To ïalumlang ïa ki nongïalam bad ki paid Judah baroh ha ka Templ jong U Trai U Blei jong phi bad to khot kyrpad ïa U.

LEBITIKOS 23:27

“Ka sngi kaba shiphew jong u bnai uba hynñiew ka long ka sngi ka jingpyndep ïa ka jinglehniam kaba man ka snem ban weng noh ïa ki pop ki briew. Wat bam ei ei ruh em ha kata ka sngi; ïalumlang ban mane Blei, bad kñia ïa ka jingainguh bam ha U Trai.

JONAH 3:5

Ki briew jong ka Ninebeh ki la ngeit ïa ka khubor U Blei. Kumta ki la ïa-rai ba baroh ki dei ban shahjingit, bad ba baroh ki briew, naduh uba rit tam haduh uba khraw tam, ban phong jaiñ khain ban pynpaw ba ki la kylla-kaba-mut.

SEKHARAÏAH 8:19

“Ki jingshah jingit kiba la long ha u bnai basaw, uba san, uba hynñiew, bad uba shiphew kin kylla long ki Jingkhawai Niam ka jingkmen bad ka jingshadkmen ïa ki paid Judah. Phi dei ban ieit ïa ka jingshisha bad ka jingsuk.”

NONGBISHAR 20:26

Nangta baroh ki briew ka Israel ki leit kiew sha Bethel bad ki ïamkthang. Ki shong hangta ha khmat U Trai bad kim shym bam ei ei haduh janmiet. Ki kñia ki jingainguh ïasyllok bad ki thang ïa ki jingainguh pynïasuk — baroh ha jingdon ryngkat U Trai.

1 SAMUEL 7:6

Kumta baroh ki ïalumlang ha Mispah. Ki tong ïa ka um bad ki theh ïa ka kum ka jingainguh ha U Trai bad ki shahjingit baroh shi sngi. Ki ong, “Ngi la leh pop pyrshah ïa U Trai.” Dei ha Mispah ba u Samuel u pynbeit ïa ki jingïakajia hapdeng ki Israel.