JEREMAÏAH 36:7 - Khasi CL Bible (BSI)

⁷ Lehse kin duwai ha U Trai bad phai pat na ki lynti bymman jong ki, namar U Trai u la byrngem ïa kane ka jaitbynriew da ka jingbitar bad ka jingbitar shla bashyrkhei.”

KA BAIBL

⁷ Lehse kin wallam ïa ki jingkyrpad jong ki ha khmat U Trai, bad kin phai noh uwei uwei baroh na ka lynti basniew jong u: namar ka bakhraw ka jingbitar bad ka jingkhih bitar ba U Trai u la kren pyrshah ïa une u paidlang.”

JEREMAÏAH 36:7 ပူးပေါင်းရင်းမြစ်များ

2 SYIEM 22:13

“Khie leit bad kylli na U Trai na ka bynta jong nga bad na ka bynta ki briew baroh jong ka Judah shaphang ka jinghikai jong kane ka Kitab. U Trai u la bitar ïa ngi namar ba ki kpa tymmen jong ngi kim shym la leh ïa kaei ba kane ka Kitab ka ong ba dei ban leh.”

2 SYIEM 22:17

Ki la kyntait ïa nga bad ki la ai ïa ki jingkñia ha kiwei ki blei, bad kumta la pynkhih bitar ïa nga da baroh kaba ki leh. Ka jingbitar jong nga ka khie pyrshah ïa ka Jerusalem, bad kan ym duh noh.

2 KHRONIKL 34:21

“Khie leit bad kylli na U Trai na ka bynta jong nga bad na ka bynta ki briew kiba dang sah ha Israel bad Judah. Wad bniah shaphang ki jinghikai na kane ka kitab. U Trai u bitar ïa ngi namar ki kpa tymmen jong ngi kim shym la kohnguh ïa ka ktien U Trai bad kim shym la leh ïa kaei kaba kane ka kitab ka ong ban leh.”

JEREMAÏAH 1:3

bad u la kren biang ha u haba u Jehoïakim u khun jong u Josaïah u long u syiem. Hadien kata, U Trai u la kren ha u bun bunsien, tad haduh ka snem kaba khatwei jong ka jingsynshar u Sedekaïah u khun jong u Josaïah. Ha u bnai uba san jong kata ka snem, ïa ki briew jong ka Jerusalem la ringmraw noh.

JEREMAÏAH 16:10

“Haba me ïathuh ha ki ïa kane baroh, kin kylli ïa me balei ba nga la kut jingmut ban pynshitom tyngeh ïa ki. Kin kylli kaei ka kam runar kaba ki la shah pynrem bad kaei ka pop ba ki la leh pyrshah ïa U Trai U Blei jong ki.

JEREMAÏAH 19:15

ba U Trai Badonbor Baroh, U Blei jong ka Israel, u la lah ong, “Ngan wallam ha kane ka nongbah bad ha kawei pa kawei ka shnong ba-marjan ïa ka jingpynshitom baroh kaba nga la ong ba ngan leh, namar phi long kiba mutlop bad phim shym shahshkor ïa kaei kaba nga kren.”

JEREMAÏAH 21:5

Ngan ïaleh pyrshah ïa me da ka borbah jong nga baroh, da ka jingdom jong nga, da ka jingbitar shla jong nga, bad da ka jingingkhong khait jong nga.

JEREMAÏAH 25:5

Ki la ïa-ong ïa phi ban phai noh na ka lynti ka jingim bymman jong phi bad na kiei kiei kiba sniew ba phi leh, khnang ba phi lah ban leit ban ïoh shong ha kata ka ri ba U Trai u la ai ha phi bad ha ki kpa tymmen jong phi kum ka jingïohkynti baneh.

JEREMAÏAH 26:3

Lehse ki briew kin shahshkor bad iehnoh ïa la ki lynti basniew. Lada ki leh kumta, te ngan kylla ïa la ka jingmut shaphang ka jingpynjot kaba nga la thmu ban wallam halor jong ki na ka bynta ki kam bymman jong ki.”

JEREMAÏAH 36:3

Lehse haba ki paid Judah kin ïohsngew shaphang baroh ka jingpynjot kaba nga thmu ban wallam halor jong ki, kin phai noh na ki lynti bymman jong ki. Te ngan map ïa ka jingbymman jong ki bad ïa ki pop jong ki.”

JEREMAÏAH 37:20

Bad mynta, Ko Syiem Kynrad, nga kyrpad ïa phi ban shahshkor ïa nga bad ban leh ïa kaei kaba nga ong. Sngewbha wat phah pat ïa nga sha ka byndi ha ka ïing u Jonathan. Lada phi leh kumta, da shisha ngan sa ïap hangta.”

JEREMAÏAH 4:4

Sumar ïa ka jutang jong phi bad nga, U Trai jong phi, bad pynkyntang ïa lade ha nga, phi ki briew jong ka Judah bad Jerusalem. Lymda kumta, ka jingbitar jong nga kan ing kum ka ding namar kiei kiei kiba sniew kiba phi la leh. Kan pluh, bad yn ym don mano mano ba pynlip ïa ka.”

SNGEWSYNEI 4:11

U Trai u la pyllait ïa ka bor ba-pura jong ka jingbitar jong u; u la pynmeh ka ding ha Seïon kaba la thang duh ïa ka haduh khyndew.

ESEKIEL 12:3

“Mynta, ko khun u briew, to teh ïa ka song kumba u nongphetwir u leh bad mihnoh ha shuwa ban wan ka miet. Ai ba uwei uwei baroh un ïohi ba me mihnoh bad leit sha kawei pat ka jaka. Lehse kito kiba ïeng ïaleh pyrshah kin ïohi ïa me.

ESEKIEL 13:13

Mynta kane ka dei kaei kaba U Trai Nongsynshar u ong: “Ha ka jingbitar jong nga ngan phah ïa ka lyer bajur, u slap bajur, bad u phria ban pynjot ïa ka kynroh.

ESEKIEL 20:33

“Kumba da shisha ma nga, U Trai Nongsynshar, nga long U Blei uba im, nga maham ïa phi ba ha ka jingbitar jong nga ngan synshar halor jong phi da ka ksang'ti kaba khlaiñ, da ka bor jong nga baroh.

ESEKIEL 22:20

ha kajuh ka rukom ba ïa u maw ba pynmih ïa ka rupa, ka tama, ka nar, ka sisa, bad ka tin la buh ha ka ding ban saiñ ïa ki. Ka jingbitar bad jingbitar shla jong nga kin pynum ïa ki kumba ka lawar ding ka pynum ïa u maw ba pynmih ïa ki.

ESEKIEL 5:13

“Phan sa sngew ïa ka jingshyrkhei ka jingbitar bad ka jingbitar shla jong nga haduh ba ngan da sngewhun. Haba kane baroh ka jia, phan sa sngewthuh ba ma nga, U Trai, nga la kren ïa pha namar nga la bitar shla ïa ka jingbymïaineh jong pha.

ESEKIEL 8:18

Kin sa sngew ïa ka jingbitar lep jong nga baroh; ngan ym tyngkai ïa ki ne pyn-i ka jinglehisynei ei ei ïa ki. Kin kyang ha nga da ki jingduwai jam katba ki lah, hynrei ngan ym shahshkor ïa ki.”

DANIEL 9:13

da kaba ai ha ngi ïa baroh ki jingpynshitom kiba la batai ha ka Aiñ jong u Moses. Hynrei wat mynta, A Trai U Blei jong ngi, ngim shym la pyrshang ban pynsngewbha ïa me da kaba phai noh na ki pop jong ngi lane da kaba bud ïa ka jingshisha jong me.

DANIEL 9:18

To shahshkor ïa ngi, A Blei; to khmih sha ngi, bad peit ïa ka jingjynjar kaba ngi don bad ïa ka jingshah shitom jong ka nongbah kaba kit ïa ka kyrteng jong me. Ngi duwai ha me namar ba me long uba dap da ka jingisynei, ym namar ba ngi la leh ïa kaba dei.

HOSIA 5:15

“Ngan lyndet noh ïa ki briew jong nga haduh ba kin shahshitom ha ban da biang na ka bynta ki pop jong ki bad wan ban wad ïa nga. Lehse ha ki jingshah shitom jong ki, kin pyrshang ban wad ïa nga.”

JOEL 2:12

“Hynrei wat mynta,” ong U Trai, “kylla-kaba-mut da shisha bad phai sha nga da ka jingshah jingit bad ka jingïam bad ka jingïambriew.

JOEL 2:13

Ai ba ka dohnud ba la pait jong phi kan pyn-i ïa ka jingsngewsih jong phi; kaba kad ïa ki jaiñphong jong phi kam biang.” To wan phai pat sha U Trai U Blei jong phi. U long uba sbun bad uba dap da ka jingisynei; u long uba ïaishah slem bad uba bat ïa la ka kular; u long borabor uba kloi ban map bad ym ban pynshitom.

JONAH 3:8

Baroh ki briew bad ki mrad ki dei ban phong ki jaiñ khain. Uwei pa uwei u dei ban duwai jur ha U Blei bad u dei ban iehnoh ïa ka jingleh bymman bad ki kam sniew jong u.

SEKHARAÏAH 1:4

Wat long kum ki kpa tymmen jong phi. La slem bah ki nongïathuhlypa ki la ai ha ki ïa ka khubor jong nga, da kaba ïathuh ha ki ban ym im bymman, ban ym im shuh ka jingim bapop. Hynrei kim shym la shahshkor ïa nga lane kohnguh ïa nga.

DEUTERONOMI 31:16

U Trai u ong ha u Moses, “Shen men sa ïap noh, bad ynda me ïap u paidbah un sa phai noh na nga bad pynkheiñ ïa ka jutang kaba nga la pynlong bad ki. Kin kyntait ïa nga bad mane ïa ki blei thala jong kata ka ri sha kaba kin sa leit rung.

DEUTERONOMI 31:17

Te ngan bitar lep ïa ki; ngan kyntait bad pynjot thiaw ïa ki. Shibun ki jingjynjar kiba sngewshyrkhei kin wan ngat ha ki, ba kumta kin sa sngewthuh ba kita kiei kiei ki wan jia ha ki namar ba nga, U Blei jong ki, ngan ym don ryngkat shuh bad ki.