JEREMAÏAH 36:3 - Khasi CL Bible (BSI)

³ Lehse haba ki paid Judah kin ïohsngew shaphang baroh ka jingpynjot kaba nga thmu ban wallam halor jong ki, kin phai noh na ki lynti bymman jong ki. Te ngan map ïa ka jingbymman jong ki bad ïa ki pop jong ki.”

KA BAIBL

³ Lehse ka ïing Judah kan shahshkor ïa kata ka jingsniew baroh ïa kaba nga la thmu ban leh ha ki; ba kin phai noh uwei uwei na ka lynti basniew jong u; ba ngan ïohmap ïa ki jingleh bymhok bad ki pop jong ki.”

JEREMAÏAH 36:3 ပူးပေါင်းရင်းမြစ်များ

NEHEMAÏAH 1:9

Hynrei lada phi phai pat sha nga bad leh ïa kaei kaba nga hukum ïa phi, ngan wallam pat ïa phi sha ka jaka sha kaba nga la jied ban mane ïa nga, wat la ïa phi la pynsakma sha kiba kut ka pyrthei.’

SALM 139:24

To khmih la ka don kano kano kaba sniew ha nga bad to ïalam ïa nga ha ka lynti bymjukut.

ISAÏAH 6:10

Nangta u ong ïa nga, “Pynbthi ïa ki jingmut jingpyrkhat jong kine ki briew, pynkyllut ïa ki shkor jong ki, bad pynmatlah ïa ki khmat jong ki, ba kumta kin ym lah ban ïohi lane ïohsngew lane sngewthuh. Lada ki leh kumta, ki lah ban phai sha nga bad ïoh jingkhiah.”

JEREMAÏAH 18:11

Mynta te, to ïathuh ïa ki briew jong ka Judah bad ka Jerusalem ba nga thaw ki jingthmu bathymmai pyrshah ïa ki bad nga khreh ban pynshitom ïa ki. Ïathuh ïa ki ban sangeh ban im ka jingim ba-dap da ka pop — ban pynkylla ïa ki rukom im jong ki bad ïa kiei kiei kiba ki leh.

JEREMAÏAH 18:8

hynrei hadien, kata ka jaitbynriew ka phai noh na ka jingsniew jong ka, ngan ym leh ïa kaei kaba nga la ong ba ngan leh.

JEREMAÏAH 23:14

Hynrei ha ki nongïathuhlypa ka Jerusalem nga la ïohi ba ki leh kaba kham sniew: ki klim bad ki kren lamler; ki pynshlur ïa ki briew ban leh ïa ka bymdei, kumta ba ym don ba sangeh noh ïa kaei kaba sniew. Ha nga, ki long baroh kiba sniew kum ki briew ka Sodom, bad ka Gomorrah.

JEREMAÏAH 24:7

Ngan ai ha ki ïa ka jingangnud ban tip ba nga long U Trai. Te ki kin long ki briew jong nga, bad nga ngan long U Blei jong ki, namar kin phai pat sha nga da ka dohnud jong ki baroh.

JEREMAÏAH 26:3

Lehse ki briew kin shahshkor bad iehnoh ïa la ki lynti basniew. Lada ki leh kumta, te ngan kylla ïa la ka jingmut shaphang ka jingpynjot kaba nga la thmu ban wallam halor jong ki na ka bynta ki kam bymman jong ki.”

JEREMAÏAH 35:15

Nga la ïai phah sha phi ïa baroh ki shakri jong nga, ki nongïathuhlypa, bad ki la ong ïa phi ban iehnoh ïa ki lynti bymman jong phi bad ban leh ïa kaei kaba dei. Ki la maham ïa phi ban ym mane bad shakri ïa kiwei pat ki blei, khnang ba phi lah ban ïaishong ha ka ri kaba nga la ai ha phi bad ki kpa tymmen jong phi. Hynrei phim shym la shahshkor ïa nga lane sngap ïa nga.

JEREMAÏAH 36:7

Lehse kin duwai ha U Trai bad phai pat na ki lynti bymman jong ki, namar U Trai u la byrngem ïa kane ka jaitbynriew da ka jingbitar bad ka jingbitar shla bashyrkhei.”

ESEKIEL 12:3

“Mynta, ko khun u briew, to teh ïa ka song kumba u nongphetwir u leh bad mihnoh ha shuwa ban wan ka miet. Ai ba uwei uwei baroh un ïohi ba me mihnoh bad leit sha kawei pat ka jaka. Lehse kito kiba ïeng ïaleh pyrshah kin ïohi ïa me.

ESEKIEL 18:23

Hato phi pyrkhat ba nga kmen ban ïohi ba ki briew kiba sniew ki ïap?” U Trai Nongsynshar u kylli. “Em, nga kham mon ban ïohi ïa ki ba ki kylla-kaba-mut bad ki im.

SEPHANAÏAH 2:3

To phai noh sha U Trai, phi baroh ki briew kiba sngewrit, kiba kohnguh ïa ki hukum jong u. To leh ïa kaei kaba dei, bad to pynrit ïa lade ha khmat U Trai. Lehse phin lait na ka jingpynshitom ha ka sngi haba U Trai u pyn-i ïa ka jingbitar jong u.

MATHAÏOS 13:15

namar ki jingpyrkhat jong ki, ki la bthi, bad ki la set ïa ki shkor jong ki bad ki la khapbrip la ki khmat. Lymda kumta, ki khmat jong ki, kin jin da la ïohi, ki shkor jong ki kin jin da la ïohsngew ki jingmut jingpyrkhat jong ki kin jin da la shemphang, bad kin jin da la wan phai pat sha nga,’ ong U Blei, ‘bad ngan pynkhiah ïa ki.’

MARKOS 4:12

khnang ba, “ ‘Kin khmih bad ïai khmih, pynban kin ym ïohi; Kin sngap bad ïai sngap, pynban kin ym sngewthuh. Namar lada ki ïohi lane sngewthuh, kin phai sha U Blei, bad un map ïa ki.’ ”

LOUKAS 20:13

Te u trai jong ka bri sohwaiñ u la ong, ‘Kaei ngan leh? ngan phah ïa u khun ba-ieit thep mynsiem jong nga; da kaba thikna kin burom ïa u!’

KI KAM 26:18

Me dei ban pynpeit ïa ki khmat jong ki bad pynphai ïa ki na ka jingdum sha ka jingshai, bad na ka bor jong u Soitan sha U Blei, khnang ba da ka jingngeit jong ki ha nga kin ïoh ka jingmap noh ïa ki pop jong ki bad ïohpdiang ïa la ka jaka hapdeng ki briew kiba la jied jong U Blei.’

KI KAM 26:20

Nyngkong ha Damaskos bad ha Jerusalem bad nangta ha ka Judia baroh bad hapdeng ki Jentil, nga la ïalap ba ki dei ban kylla-kaba-mut na ki pop jong ki bad ban phai sha U Blei bad leh ïa kiei kiei ki ban pynpaw ba ki la kylla-kaba-mut.

KI KAM 28:27

namar ka jingpyrkhat jong kine ki briew ka bthi, bad ki la set kyllut ïa la ki shkor bad khapbrip ïa ki khmat jong ki. Lym kumta, ki khmat jong ki kin lah ban ïohi, ki shkor jong ki, kin ïohsngew, ki jingmut jingpyrkhat jong ki kin shemphang, bad kin phai sha nga, ong U Blei, bad ngan pynkhiah ïa ki.’ ”

KI KAM 3:19

Te, to kylla-kaba-mut, bad to phai sha U Blei, khnang ba un map ïa ki pop jong phi.

DEUTERONOMI 30:2

Lada ma phi bad ki khun ki ksiew jong phi phin phai pat sha U Trai, bad kohnguh da ka dohnud jong phi baroh, bad da ka mynsiem jong phi baroh ïa ki hukum jong u kiba nga ai ha phi mynta ka sngi,

DEUTERONOMI 30:8

bad phin kohnguh biang ïa u bad sumar ïa ki hukum jong u baroh kiba nga ai ha phi mynta ka sngi.

DEUTERONOMI 5:29

A, ba kin da la ïoh ïa kane ka dohnud! Ba kin da la sheptieng burom ïa nga bad kohnguh ïa ki hukum jong nga borabor, ma ki bad ki khun ki ksiew jong ki kin jin da la manbha junom.

2 PETROS 3:9

U Trai um pyntud ban leh ïa kaei kaba u la kular, kumba don kiba pyrkhat. Pynban, u long uba ïaishah slem bad phi, namar um kwah ïano ïano ban jot noh, hynrei u kwah ba baroh kin phai noh na ki pop jong ki.

1 SAMUEL 7:3

U Samuel u ong ha ki paid Israel, “Lada phin phai sha U Trai da ka dohnud jong phi baroh, phi dei ban bret noh ïa ki blei nongwei baroh bad ïa ki dur jong ka blei Astarte. Pynkyntang lut ïa lade sha U Trai bad mane tang ïa u, te un pyllait ïa phi na ka bor ki Philistia.”