JEREMAÏAH 36:12 - Khasi CL Bible (BSI)

¹² Te u la leit sha ka ïingsyiem, sha ka kamra u sekretari ka ïingbishar, ha kaba baroh ki rangbah synshar ki dang don ha ka jingïalang. U Elishama, u sekretari ka ïingbishar, u Delaïah u khun jong u Shemaïah, u Elnathan u khun jong u Akhbor, u Gemaraïah u khun jong u Shaphan, u Sedekaïah u khun jong u Hananaïah, bad baroh kiwei pat ki rangbah synshar ki la don hangta.

KA BAIBL

¹² u la leit hiar sha ka ïing u syiem, sha ka kamra jong uta u nongthoh: bad ha khmih, baroh ki bakhraw batri ki ïashong hangta, u Elishama u nongthoh, bad u Delaïah u khun u Shemaïah, bad u Elnathan u khun u Akhbor, bad u Gemaraïah u khun u Shaphan, bad u Sedekaïah u khun u Hananiah, bad baroh ki bakhraw batri.

JEREMAÏAH 36:12 ပူးပေါင်းရင်းမြစ်များ

2 SYIEM 22:12

bad ai ïa kane ka hukum ha u Hilkaïah u lyngdoh, ha u Ahikam u khun jong u Shaphan, ha u Akhbor u khun jong u Mikaïah, ha u Shaphan, u sekretari ka ïingbishar, bad ha u Asaïah, u nongbud jong u syiem:

2 SYIEM 22:14

U Hilkaïah, u Ahikam, u Akhbor, u Shaphan, bad u Asaïah, ki leit ban kylli na ka briew kaba kyrteng ka Huldah, ka nongïathuhlypa, kaba shong ba sah ha ka jaka ba kham thymmai jong ka Jerusalem. (U Shallum u tnga jong ka, u khun jong u Tikbah bad u ksiew jong u Harhas, uba dei khmih ïa ki barandi ka Templ.) Ki batai ha ka, ïa kaei kaba la jia,

2 SYIEM 22:3

Ha ka snem kaba khatphra jong ka jingsynshar jong u, u syiem Josaïah u phah ïa u Shaphan, u sekretari ka ïingbishar, u khun jong u Asalaïah bad u ksiew jong u Meshullam, sha ka Templ bad ka hukum:

2 SYIEM 24:8

U Jehoïakhin u la don khatphra snem ka rta mynba u long u syiem ka Judah, bad u la synshar lai bnai ha Jerusalem. Ka kmie jong u ka dei ka Nehushta, ka khun jong u Elnathan uba na Jerusalem.

JEREMAÏAH 26:10

Haba ki nongïalam jong ka Judah ki la ïohsngew ïa kaei kaba lah jia, ki la wan kloi na ka ïingsyiem sha ka Templ bad ki la shong ha ka Khyrdop Bathymmai.

JEREMAÏAH 26:22

U syiem Jehoïakim, pynban, u la phah ïa u Elnathan u khun jong u Akhbor bad katto katne ngut kiwei pat ki rangbah sha Ijipt ban wallam ïa u Uriah.

JEREMAÏAH 26:24

Hynrei namar ba nga la ïoh ïa ka jingkyrshan jong u Ahikam u khun jong u Shaphan, ym shym la aiti ïa nga ha ki briew bad shah pynïap.

JEREMAÏAH 36:25

Wat la u Elnathan, u Delaïah, bad u Gemaraïah ki la kyrpad ïa u syiem ban ym thang ïa ka kot kli, um patiaw satia ïa ki.

JEREMAÏAH 38:4

Te ki rangbah synshar ki la leit sha u syiem bad ki ong, “Ïa une u briew dei ban pynïap. Da kaba u kren kumne, u pynlong ïa ki shipai ha ka nongbah ban duh noh ïa ka jingshlur, bad u leh kumjuh ïa uwei pa uwei baroh ba dang sah ha ka nongbah. Um shym pyrshang ban ïarap ïa ki paidbah; u kwah tang ban pynmong ïa ki.”

JEREMAÏAH 41:1

Ha u bnai uba hynñiew jong kata ka snem, u Ishmael, u khun jong u Nethanaïah bad u ksiew jong u Elishama, u dkhot ka longïing syiem bad uwei na ki rangbah pynïaidkam kiba hakhlieh duh jong u syiem, u la leit sha Mispah lem bad shiphew ngut ki rangbah ban peit ïa u Gedalaïah.