JEREMAÏAH 36:10 - Khasi CL Bible (BSI)

¹⁰ Nangta, katba baroh ki briew ki dang ïasngap, u Barukh u la pule na ka kot kli ïa kiei kiei baroh kiba nga la lah ong. U la leh ïa kane ha ka Templ, na ka kamra jong u Gemaraïah u khun jong u Shaphan, u sekretari ka ïingbishar. Ka kamra jong u ka don ha ka phyllaw kaba haneng hajan ka jaka ban rung sha ka Khyrdop Bathymmai jong ka Templ.

KA BAIBL

¹⁰ Ynda kumta, u Baruk u la pule ha kata ka kitab ïa ki ktien u Jeremaïah ha ka ïing U Trai, ha ka kamra u Gemaraïah u khun u Shaphan u nongthoh, ha ka phyllaw ba kham haneng, ha ka jingkhang ka Khyrdop Thymmai ka ïing U Trai, ha ki shkor ki briew baroh.

JEREMAÏAH 36:10 ပူးပေါင်းရင်းမြစ်များ

2 SAMUEL 20:25

u Sheba u dei u sekretari ka ïingbishar; u Sadok bad u Abiathar ki dei ki lyngdoh,

2 SAMUEL 8:17

u Sadok, u khun jong u Ahitub bad u Ahimelekh, u khun jong u Abiathar ki long ki lyngdoh; u Seraïah u long u sekretari ka ïingbishar;

1 SYIEM 6:36

Ïa ka kamra bashapoh la tei ha khmat ka Templ, la ker ïa ka da ki kynroh kiba don shi syrtap u dieng Kedar basawdong ha man la ki lai syrtap jong u maw.

2 SYIEM 15:35

Hynrei ïa ki jaka mane blei thala ym shym la pynpra, bad ki briew ki ïai bteng ban ai jingkñia bad thang jingiwbih hangta. U dei u Jotham uba la tei ïa ka Khyrdop Bashaneng jong ka Templ.

2 SYIEM 18:37

Nangta u Eliakim, u Shebna, bad u Joah ki kad ïa la ki jaiñ ha ka jingsngewsih, bad ki leit bad ïathuh sha u syiem ïa kaei kaba u rangbah synshar ka Assyria u la ong.

2 SYIEM 22:3

Ha ka snem kaba khatphra jong ka jingsynshar jong u, u syiem Josaïah u phah ïa u Shaphan, u sekretari ka ïingbishar, u khun jong u Asalaïah bad u ksiew jong u Meshullam, sha ka Templ bad ka hukum:

JEREMAÏAH 26:10

Haba ki nongïalam jong ka Judah ki la ïohsngew ïa kaei kaba lah jia, ki la wan kloi na ka ïingsyiem sha ka Templ bad ki la shong ha ka Khyrdop Bathymmai.

JEREMAÏAH 26:24

Hynrei namar ba nga la ïoh ïa ka jingkyrshan jong u Ahikam u khun jong u Shaphan, ym shym la aiti ïa nga ha ki briew bad shah pynïap.

JEREMAÏAH 29:3

Nga la ai ïa ka shithi ha u Elasah u khun jong u Shaphan bad ha u Gemaraïah u khun jong u Hilkaïah, ïa uba u Sedekaïah u syiem ka Judah u phah sha u Nebukhadnessar u syiem ka Babilonia. Ka ong:

JEREMAÏAH 35:4

Nga la wallam ïa ki sha ka kamra jong ki synran jong u Hanan u nongïathuhlypa u khun jong u Igdalaïah. Kane ka kamra ka long halor ka kamra u Maaseïah u khun jong u Shallum, u rangbah synshar bapawkhmat jong ka Templ, bad hajan ki kamra jong kiwei pat ki rangbah synshar.

JEREMAÏAH 36:11

U Mikaïah, u khun jong u Gemaraïah bad u khun ksiew jong u Shaphan, ki la ïohsngew ba u Barukh u la pule na kot kli ïa kaei kaba U Trai u la lah ong.

JEREMAÏAH 36:25

Wat la u Elnathan, u Delaïah, bad u Gemaraïah ki la kyrpad ïa u syiem ban ym thang ïa ka kot kli, um patiaw satia ïa ki.

JEREMAÏAH 36:6

Hynrei nga kwah ïa me ban rung hangta ha kawei pat ka sien ba ki briew kin ïashahjingit. Men pule jam na ka kot kli, khnang ba kin ïohsngew ïa kiei kiei baroh ba U Trai u la lah ong ha nga bad ba nga la dep phah thoh ha me. Leh ïa kane ha ka jaka ba baroh ki lah ban ïohsngew ïa me, kynthup ïa ki paid Judah kiba la wan rung shapoh na ki shnong jong ki.

JEREMAÏAH 36:8

Kumta u Barukh u la pule ïa ki ktien U Trai ha ka Templ thik kumba nga la ong ïa u ban leh.

JEREMAÏAH 43:3

U Barukh u khun jong u Neraïah u la pynkhih ïa phi pyrshah ïa ngi, kumta ki nong Babilonia kin ïa-ïohbor halor jong ngi bad ki lah ban pynïap ïa ngi ne ïalam noh ïa ngi sha Babilonia.”

JEREMAÏAH 52:25

Na ka nongbah u la shim ïa u rangbah pynïaidkam uba la ju ai hukum ïa ki shipai, hynñiew ngut na ki nongaibuit jong u syiem kiba dang don ha ka nongbah, u nongbud jong u rangbah shipai uba dei peit ïa ki jingbuh jingthoh kam shipai, bad hynriewphew ngut kiwei pat ki rangbah bapawkhmat.

ESEKIEL 40:38

Ha ka phyllaw kaba shabar ka la don kawei ka kamra rit ba pynïasoh bad ka khyrdop bashapoh kaba shaphang shatei. Kane ka lam sha ka kamra rung kaba pyrshah ïa ka phyllaw bad hangta ki sait ïa ki metïap jong ki mrad ba la thang tylli kum ki jingkñia.