JEREMAÏAH 35:4 - Khasi CL Bible (BSI)

⁴ Nga la wallam ïa ki sha ka kamra jong ki synran jong u Hanan u nongïathuhlypa u khun jong u Igdalaïah. Kane ka kamra ka long halor ka kamra u Maaseïah u khun jong u Shallum, u rangbah synshar bapawkhmat jong ka Templ, bad hajan ki kamra jong kiwei pat ki rangbah synshar.

KA BAIBL

⁴ bad nga la wallam ïa ki sha ka ïing U Trai, sha ka kamra ki khun shynrang u Hanan u khun u Igdaliah, u briew jong U Blei, kaba hajan ka kamra ki bakhraw batri, kaba haneng ka kamra u Maaseïah u khun u Shallum, u nongap jingkhang:

JEREMAÏAH 35:4 ပူးပေါင်းရင်းမြစ်များ

1 SYIEM 12:22

Hynrei U Blei u kren ha u Shemaïah u nongïathuhlypa

1 SYIEM 13:1

Ha ka hukum jong U Trai, u nongïathuhlypa na Judah u leit sha Bethel bad u la poi hangta hamar ba u Jeroboam u ïeng ha ka duwan ban kñia jingainguh.

1 SYIEM 13:26

Haba uta u nongïathuhlypa tymmen u ïohsngew ïa kata, u ong, “Utai u dei u nongïathuhlypa uba la lyndet ïa ka hukum U Trai. Bad kumta U Trai u phah ïa u sing uba la patar bad pynïap ïa u, kumba U Trai u la kren ha u.”

1 SYIEM 17:18

Ka ong ha u Elijah, “A u briew jong U Blei, balei me leh ïa kane ha nga? Hato me wan hangne ban pynkynmaw ïa U Blei ïa ki pop jong nga bad pynjia ïa ka jingïap u khun jong nga?”

1 SYIEM 17:24

Ka la jubab, “Mynta nga tip ba me long u briew jong U Blei, bad ba U Trai da shisha u kren lyngba jong me!”

1 SYIEM 20:28

U nongïathuhlypa u la leit sha u syiem Ahab bad ong, “Kane ka long kaei kaba U Trai u ong: ‘Namar ba ki Syria ki ong ba nga long u blei jong ki lum bad ym jong ki jaka madan, ngan sa ai jingjop ïa phi halor ka kynhun shipai bakhraw jong ki, bad ma phi bad ki briew jong phi kin tip ba nga long U Trai.’ ”

2 SYIEM 1:9

Nangta u la phah ïa u rangbah pynïaidkam lem bad sanphew ngut ki rangbah ban wanlam ïa u Elijah. U rangbah pynïaidkam u shem ïa u ba u shong halor u lum bad u ong ha u, “Ko briew jong U Blei, u syiem u hukum ïa phi ban wan hiar shane.”

2 SYIEM 12:9

Te u Jehoïada u shim ïa ka synduk, u ksam thliew ha ka jingtap, bad u buh ïa ka synduk hajan ka duwan, ha ka phang kamon haba rung sha ka Templ. Ki lyngdoh kiba dei treikam ha ka jaka rung ki thep ha ka synduk ïa ka pisa baroh kaba la ai da ki nongwan mane.

2 SYIEM 25:18

Shuh shuh, u Nebusaradan, u rangbah ai hukum, u la ring koidi ïa u Seraïah u Rangbah Lyngdoh, u Sephanaïah u lyngdoh uba ha ka kyrdan kaba kham hapoh ïa u, bad ïa ki lai ngut ki rangbah pynïaidkam kiba kham paw jong ka Templ.

2 SYIEM 5:14

Kumta u Naaman u leit hiar sha ka Jordan, u pynngam ïa lade hynñiew sien ha ka, kumba u Elisha u la bthah, bad u la ïohkhiah phar. Ka doh jong u ka la wandur bad khiah krat, kum ka jong u khunlung.

2 SYIEM 5:20

haba u Gehasi, u shakri jong u Elisha, u ong ha lade, “U kynrad jong nga u la pyllait ïa u Naaman ban leit noh khlem da siew ei ei! U la dei ban pdiang ïa kaei kaba uto u Syria u tyrwa ïa u. Da U Trai uba im, ngan mareh hadien jong u bad ngan ïoh ei ei na u.”

2 SYIEM 6:10

Kumta u syiem ka Israel u la maham ïa ki briew kiba shong hangta, bad ki la long phikir ïa lade. Kane ka jia bun bunsien.

2 SYIEM 7:17

Ka leit jingjia ryngkhat ba u syiem ka Israel u la buh ha ka khyrdop nongbah hapoh ka jingpeit jong u rangbah pynïaidkam uba dei u nongïarap ba-hajan jong u. U rangbah pynïaidkam u la shah ïuh hangta ha ki paidbah bad u la ïap kumba u Elisha u la ïathuh lypa mynba u syiem u la leit ïakynduh ïa u.

2 SYIEM 7:2

U nongbud ba-hajan jong u syiem u la ong ha u Elisha, “Kata kam lah ban jia — em wat lada U Trai da lade hi un phah shisien phah ïa u kew!” U Elisha u jubab, “Men sa ïohi ïa kata ba ka jia, hynrei men ym ïoh bam na kata ka jingbam.”

1 KHRONIKL 9:27

Ki shong ki sah hajan ka Templ, namar ka dei ka kamram jong ki ban ap ïa ka, bad ban plie ïa ki khyrdop man ka step.

2 KHRONIKL 8:14

Da kaba bud ïa ki rukom ba la buh da u Dabid u kpa jong u, u buh ryntih ïa ka kam shakri kaba man ka sngi jong ki lyngdoh bad ki Lebi kiba ïarap ïa ki lyngdoh ha ki jingrwai ïaroh bad haba pyndep ïa ki kam jong ki. U buh ryntih ruh ïa ki nongap jingkhang ka Templ da ki kynhun ha kawei pa kawei ka khyrdop, ban pyndep ïa ki kam jong ki kiba man la ka sngi kat kum ki hukum u Dabid, u briew jong U Blei.

SALM 84:10

Shi sngi ban pynlut ha ka Templ jong me ka kham bha ban ïa shihajar shawei pat. Nga kham lah ban ïeng ha ka khyrdop ha ka ïing U Blei jong nga ban ïa kaba shong ha ki ïing jong ki bymman.

JEREMAÏAH 21:1

U Sedekaïah u syiem ka Judah u la phah ïa u Pashhur, u khun jong u Malkhaïah, bad ïa u Sephanaïah u lyngdoh, u khun jong u Maaseïah, sha nga lem bad kane ka jingkyrpad:

JEREMAÏAH 26:10

Haba ki nongïalam jong ka Judah ki la ïohsngew ïa kaei kaba lah jia, ki la wan kloi na ka ïingsyiem sha ka Templ bad ki la shong ha ka Khyrdop Bathymmai.

JEREMAÏAH 35:3

Kumta nga la shim ïa ka kur Rekhab baroh kawei — u Jaasanaïah (u khun jong uwei pat u Jeremaïah, uba dei u khun jong u Habassinaïah) bad ïa baroh ki shynrang kiba shi para bad u bad ki khun shynrang jong u — bad wallam ïa ki sha ka Templ.

JEREMAÏAH 52:24

Nalor kine, u Nebusaradan, u rangbah shipai, u la rah kum ki koidi ïa u Seraïah u Rangbah Lyngdoh, U Sephanaïah u lyngdoh ba kham hapoh, bad ïa ki lai ngut ki rangbah synshar ka Templ kiba kham pawkhmat.

ESEKIEL 40:38

Ha ka phyllaw kaba shabar ka la don kawei ka kamra rit ba pynïasoh bad ka khyrdop bashapoh kaba shaphang shatei. Kane ka lam sha ka kamra rung kaba pyrshah ïa ka phyllaw bad hangta ki sait ïa ki metïap jong ki mrad ba la thang tylli kum ki jingkñia.

ESEKIEL 43:8

Ki syiem ki la shna ïa ki phyllaw bad ki shawkad ïingsyiem jong ki marpyrshah ïa ki phyllaw bad ki shawkad jong ka Templ jong nga, ba kumta ka don tang ka kynroh hapdeng jong ngi. Ki la pynjahburom ïa ka kyrteng bakhuid jong nga da baroh kiei kiei kiba ijli kiba ki la leh, bad kumta ha ka jingbitar jong nga, nga la pynjot ïa ki.

DEUTERONOMI 33:1

Kine ki long ki jingkyrkhu ba u Moses, u briew jong U Blei, u ai ha ki Israel shuwa ba un ïap.

1 TIMOTHI 6:11

Hynrei ma me, ko u briew jong U Blei, to kiar na kine kiei kiei. To ïaleh tyngeh ïa ka hok, ka jingriewblei, ka jingngeit, ka jingieit, ka jingïaishah, bad ka jingjemnud.

2 TIMOTHI 3:17

khnang ba u briew uba shakri ïa U Blei un lah ban long uba bit pura bad uba la biang bha ban leh ïa baroh ki jait kam kiba bha baroh.

JOSHUA 14:6

Ha kawei ka sngi katto katne ki briew na ka jait Judah ki la wan ha u Joshua ha Gilgal. Uwei na ki, u Kaleb u khun jong u Jephunneh u nong Kenis, u ong ha u, “Phi tip kaei kaba U Trai u ong ha Kadesh Barnea shaphang jong phi bad nga ha u Moses, u briew jong U Blei.

1 SAMUEL 2:27

U nongïathuhlypa u wan sha u Eli bad ka khubor na U Trai: “Haba u Kpa tymmen jong me u Aaron bad ka longïing jong u ki dang long ki mraw jong u Pharaoh ka Ijipt. Nga la pynpaw ïa lade ha u Aaron.