JEREMAÏAH 34:2 - Khasi CL Bible (BSI)

² U Trai, U Blei ki Israel, u la ong ha nga ban leit bad ban ong ïa u Sedekaïah u syiem ka Judah, “Ma nga, U Trai, ngan ai ïa kane ka nongbah ha u syiem ka Babilonia, bad un thang duh ïa ka.

KA BAIBL

² “Kumne u ong U Trai, U Blei ki Israel, Khie leit, kren ha u Sedekaïah u syiem ka Judah, bad ïathuh ha u, ‘Kumne u ong U Trai: Ha khmih, ngan ai ïa kane ka shnong ha ka kti u syiem ka Babilon, bad un thang ïa ka da ka ding:

JEREMAÏAH 34:2 ပူးပေါင်းရင်းမြစ်များ

2 SYIEM 25:1

U Sedekaïah u la ïaleh pyrshah ïa u Nebukhadnessar u syiem ka Babilonia, kumta u Nebukhadnessar u la wan lem bad ka kynhun shipai jong u baroh bad tur ïaleh ïa ka Jerusalem ha ka sngi kaba shiphew jong u bnai uba shiphew jong ka snem kaba khyndai ka jingsynshar jong u Sedekaïah. Ki la sher dara shabar jong ka nongbah, ki la tei ki kynroh kerkut sawdong jong ka,

2 SYIEM 25:9

U la thang ïa ka Templ, ïa ka ïingsyiem, bad ïa baroh ki ïing jong ki rangbah bapawnam ha Jerusalem,

JEREMAÏAH 21:10

Nga la kut jingmut skhem ba ngan ym pynsah ïa kane ka nongbah, hynrei ban pynjot ïa ka. Yn ai ïa ka ha u syiem ka Babilonia, bad un thang lut khoit ïa ka. Ma nga, U Trai, nga la kren.”

JEREMAÏAH 21:4

“Ko Sedekaïah, ngan jop ïa ka kynhun shipai jong me kaba ïaleh pyrshah ïa u syiem ka Babilonia bad ki shipai jong u. Ngan kynton ïa ki tiar ïapom jong ki shipai jong me hamar pdeng jong ka nongbah.

JEREMAÏAH 27:22

Yn sa rah ïa ki sha Babilonia bad kin sah hangta tad haduh ba ngan da phai ka jingmut jong nga sha ki. Nangta ngan wallam pat ïa ki bad buh biang ïa ki ha kane ka jaka. Ma nga, U Trai, nga la kren.”

JEREMAÏAH 32:3

U syiem Sedekaïah u la set byndi ïa nga hangta bad u la mudui ba nga la pynbna ba U Trai u la ong, “Ngan pynlong ba u syiem ka Babilonia un kurup ïa kane ka nongbah, bad u syiem Sedekaïah un ym lait im.

JEREMAÏAH 34:22

Ngan ai ka hukum, bad kin wan biang sha kane ka nongbah. Kin tur ïaleh ïa ka, kin kurup ïa ka, bad thang duh ïa ka. Ngan pynlong ïa ki shnong ka Judah ba kin long kum ka ri shyiap ha kaba yn ym don mano mano ban shong ban sah ha ka. Ma nga, U Trai, nga la kren.”

JEREMAÏAH 38:23

Te nga la ong shuh shuh, “Ïa baroh ki kynthei bad ki khun jong phi, yn rah noh sha ki nong Babilonia, bad ma phi ruh ïa lade phin ym lait na ki. Yn sa ïalam ïa phi kum u koidi da u syiem ka Babilonia, bad ïa kane ka nongbah yn sa thang lut khoit.”

JEREMAÏAH 39:8

Ha kata ka por, ki nong Babilonia ki la thang duh ïa ka ïingsyiem bad ïa ki ïing jong ki briew bad pynpra ïa ki kynroh ka Jerusalem.