JEREMAÏAH 34:18 - Khasi CL Bible (BSI)

^18-19 Ki rangbah synshar ka Judah bad ka Jerusalem, ryngkat bad ki rangbah synshar ka ïingsyiem, ki lyngdoh, bad baroh ki nongïalam, ki la pynlong ïa ka jutang bad nga da kaba ïaid hapdeng ar tylli ki shiteng jong u masi kyrtong ïa uba ki la ot ha ki ar bynta. Hynrei ki la pynkheiñ ïa ka jutang bad kim shym la bat ïa ki kyndon jong ka. Kumta ngan leh ïa kine ki briew ïa kaei kaba ki la leh ïa u masi kyrtong.

KA BAIBL

¹⁸ Bad ngan ai ïa kita ki briew kiba la ryngkang ïa ka jutang jong nga, bad ki bym shym la pyndep ïa ki ktien kata ka jutang kaba ki la thaw ha khmat jong nga, haba ki la ïaphiah ar liang ïa uta u khun masi bad ki la ïaid hapdeng ki bynta jong uta;

JEREMAÏAH 34:18 ပူးပေါင်းရင်းမြစ်များ

JENESIS 15:10

U Abram u la wallam ïa kine ki mrad sha U Blei, u ot ïa ki ar lyngkhot, bad u buh ïa ki lyngkhot doh marpyrshah kawei ïa kawei pat ha ki ar laiñ; hynrei ïa ki sim um shym la ot lyngkhot.

JENESIS 15:8

Hynrei U Abram u ong, “Ko Trai Nongsynshar, kumno keiñ nga lah ban tip ba kan long ka jong nga?”

SALM 50:1

U Blei Badonbor Baroh, U Trai, u kren; u khot ïa ka pyrthei baroh kawei naduh mihngi shaduh sepngi,

HOSIA 6:7

“Hynrei ki tang mar ïarung ïa ka ri ha Adam, ki la pynkheiñ ïa ka jutang kaba nga la ïateh bad ki.

HOSIA 8:1

U Trai u ong, “Pynsawa ïa ka jingmaham! Ki nongshun ki hiar kynsan shapoh ha ka ri jong nga kum ki pukni! Ki briew jong nga ki la pynkheiñ ïa ka jutang kaba nga la ïateh bad ki, bad ki la ïaleh pyrshah ïa ka jinghikai jong nga.

Ka Shithi U Paul Sha Ki Nong Rom 2:8

Kiwei pat ki briew ki long kiba khwan myntoi bad kiba kyntait ïa kaei kaba dei, khnang ban bud ïa kaei ka bym dei; halor jong ki U Blei un theh noh ïa la ka jingbitar bad ka jingbitar shla.

DEUTERONOMI 17:2

“Lada phi shem ha kawei na ki shnong jong phi ïa u shynrang lane ka kynthei kiba la leh pop pyrshah ïa U Trai bad pynkheiñ ïa ka jutang jong u,

JOSHUA 23:16

Lada phim sumar ïa ka jutang kaba U Trai U Blei jong phi u la hukum ïa phi ban sumar bad lada phi shakri bad mane ïa kiwei pat ki blei, kumta te ha ka jingbitar jong u, un pynshitom ïa phi, bad shen ym don uwei ruh na phi u ban lait im ha kane ka ri babha kaba u la ai ha phi.”

JOSHUA 7:11

Ki Israel ki la leh pop! Ki la pynkheiñ ïa ka jingkular bad nga kaba nga la hukum ïa ki ban bat. Ki la shim katto katne kiei kiei kiba dei ban pynjot. Ki la tuh ïa ki, ki la len shaphang kata, bad buh lang ïa ki bad la ki jong ki tiar ki tar.