JEREMAÏAH 34:16 - Khasi CL Bible (BSI)

¹⁶ Hynrei phi kylla pat ïa ka jingmut jong phi bad phi pynjahburom ïa nga. Baroh na phi, phi la shim pat ïa ki mraw ïa kiba phi la pyllaitluid kumba ki la kwah, bad phi la pynlong mraw jubor biang ïa ki.

KA BAIBL

¹⁶ hynrei, phi la kylla bad phi la pyntngit ïa ka kyrteng jong nga, bad phi la wallam pat uwei uwei baroh ïa la u mraw, bad uwei uwei baroh ïa la ka mraw, kiba phi la pyllait katba ki mon; bad phi la pyndem ïa ki, ban long ki mraw shynrang bad ki mraw kynthei ïa phi.’ ”

JEREMAÏAH 34:16 ပူးပေါင်းရင်းမြစ်များ

EKSODOS 20:7

“Wat pyndonkam ïa ka kyrteng jong nga na ka bynta ki jingthmu kiba sniew, naba nga, U Trai U Blei jong phi, ngan pynshitom ïa uno uno uba pyndonkam thala ïa ka kyrteng jong nga.

JEREMAÏAH 34:11

Ki la pyllaitluid shisha ïa ki, hynrei hadien ki la kylla jingmut, ki la shim pat ïa ki, bad ki la pynbor ïa ki ban long mraw biang.

ESEKIEL 13:22

“Da ki jinglamler jong phi, phi pynnoh mynsiem ïa ki briew babha, kiba ngam kwah ba kin sngewmong. Phi khang ïa ki briew basniew ban iehnoh ïa kaba sniew bad pyllait ïa ka jingim jong ki.

ESEKIEL 18:24

“Hynrei lad u briew uba hok u sangeh ban lehbha bad sdang ban leh ïa kaba sniew baroh, ïa kiei kiei kiba ijli kiba ki briew kiba sniew ki leh, hato un ïai im? Em, yn ym kynmaw ïa kano kano kaba bha kaba u la leh. Un ïap namar ka jingbymïaineh jong u bad ki pop jong u.

ESEKIEL 20:39

U Trai Nongsynshar u ong, “Bad mynta, ma phi ki Israel baroh, to pynsngewbha ïa lade! To khie bad to shakri ïa ki bleithaw jong phi! Hynrei nga maham ïa phi ba hadien kane, phi dei ban kohnguh ïa nga bad sangeh ban pynjahburom ïa ka kyrteng jong nga da kaba ai ki jingai sngewbha ha ki bleithaw jong phi.

ESEKIEL 3:20

“Lada u briew uba da bha shisha u sdang leh ïa ka kam sniew bad nga buh ïa u ha kaba shong syier, un sa ïap, lada mem shym maham ïa u. Un sa ïap namar ki pop jong u — ngan ym kynmaw ïa ki kam babha ba u la leh — bad ngan pynkitkhlieh ha me namar ka jingïap jong u.

ESEKIEL 39:7

Ngan pynthikna ba ki briew jong nga ki Israel kin tip ïa ka kyrteng bakhuid jong nga, bad ngan ym shah shuh ba ïa ka kyrteng jong nga yn pynjahburom. Te ki jaitbynriew kin tip ba ma nga, U Trai, nga long U Blei U Bakhuid jong ki Israel.”

LEBITIKOS 19:12

Wat ai ka jingkular ha ka kyrteng jong nga lada phim don jingmut ban bat ïa ka; kata ka wanrah ïa ka jingpynjahburom ïa ka kyrteng jong nga. Nga long U Trai U Blei jong phi.

MALAKHI 1:12

Hynrei phi phim burom ïa nga haba phi ong ba ka duwan jong nga kam dondor satia bad haba phi ainguh ha ka da ki jingbam kiba phi la kyntait.

MALAKHI 1:7

Ka dei kumne — kaba ainguh da ka jingbam ka bymdondor ha ka duwan jong nga. Nangta phi kylli, ‘Kumno ngi la rem ha kaba ñiewkor ïa me?’ Ngan ong ïa phi — da kaba phi ñiewbeiñ ïa ka duwan jong nga.

1 SAMUEL 15:11

“Nga sngewsih ba nga la pynlong syiem ïa u Saul; u la phai noh na nga bad um shym la kohnguh ïa ki hukum jong nga.” U Samuel u la bitar, bad baroh shi miet u la ïasaid tyngeh bad U Trai.