JEREMAÏAH 33:7 - Khasi CL Bible (BSI)

⁷ Ngan pynlong ïa ka Judah bad Israel kiba roi kyrhai, bad ngan pynlong pat ïa ki kumba mynshuwa.

KA BAIBL

⁷ Bad ngan pynphai pat ïa ka jinglongmraw ki Judah bad ka jinglongmraw ki Israel, bad ngan tei ïa ki, kum ha kaba mynnyngkong.

JEREMAÏAH 33:7 ပူးပေါင်းရင်းမြစ်များ

SALM 126:1

Mynba U Trai u la wan ïalam biang ïa ngi sha Jerusalem, A ka la long kum ka phohsniew!

SALM 126:4

A Trai, to pynmanroi pat ïa ngi, kumba u slap u wanrah um pat ha ki phudwah ba-rkhiang.

SALM 14:7

Katno nga duwai ba ka jingjop kan wan ha ki Israel na Seïon. Katno kan long ka jingkmen ki paid Israel haba U Trai un pyndap kyrhai biang ïa ki!

SALM 85:1

Ko Trai, me la isynei ïa la ka ri; me la pynriewspah biang ïa ki Israel.

ISAÏAH 1:26

Ngan ai ha pha ki nongsynshar jong pha bad ki nongai jingmut kum kito kiba pha ju don slem bah mynshuwa. Nangta ïa ka Jerusalem yn khot ka nongbah bahok, baïaineh.”

ISAÏAH 52:8

Kito kiba ap phira ïa ka nongbah ki pyrta, ki pyrta lang da ka jingkmen! Ki lah ban ïohi da la ki jong ki khmat ïa ka jingwan jong U Trai sha Seïon!

JEREMAÏAH 23:3

Ngan lum ïa kiba sah na ki briew jong nga na ki ri kiba nga la pynsakma ïa ki, bad ngan wallam pat ïa ki sha la ka jong ka ri. Kin ïoh bun ki khun bad kin nang roi ha ka jingbun briew.

JEREMAÏAH 24:6

Ngan khmih halor jong ki bad ngan wallam biang ïa ki sha kane ka ri. Ngan tei bha ïa ki bad ngan ym tar lyngkhot ïa ki; ngan thung ïa ki bad ngan ym rat ïa ki.

JEREMAÏAH 29:14

Ho-oid, nga ong, phin shem ïa nga, bad ngan buh pat ïa phi ha ka ri jong phi hi. Ngan lumlang ïa phi na kawei pa kawei ka ri bad na kawei ka jaka sha kaba nga la pynsakma ïa phi, bad ngan wallam pat ïa phi sha ka ri na kaba nga la phah noh ïa phi sha ka jingshah ringmraw. Ma nga, U Trai, nga la kren.’

JEREMAÏAH 30:18

U Trai u ong, “Ngan buh pat ïa ki briew jong nga ha ka ri jong ki bad ngan isynei ïa kawei pa kawei ka longïing; ïa ka Jerusalem yn tei pat, bad ïa ka ïingsyiem jong ka yn pynbha pat.

JEREMAÏAH 30:20

Ngan pynïoh pat ïa ka bor mynbarim jong ka jaitbynriew bad pynskhem biang ïa ka; ngan pynshitom ïa baroh kiba banbeiñ ïa ki.

JEREMAÏAH 30:3

namar ka por ka wan haba ngan pynneh pat ïa ki briew jong nga, ki Israel bad Judah. Ngan wallam pat ïa ki sha ka ri kaba nga la ai ha ki kpa tymmen jong ki, bad kin shim kynti biang ïa ka. Ma nga, U Trai, nga la kren.”

JEREMAÏAH 31:28

Bad kumba nga la ïaleh shitom ban rat noh, ban pyntwa, ban jop, ban pynjot bad ban pynpra ïa ki, kumta ruh ngan ïaleh shitom ban thung ïa ki bad ban tei pat ïa ki.

JEREMAÏAH 31:38

“Ka por kan poi,” ong U Trai, “haba ïa ka Jerusalem baroh kawei yn tei pat kum ka nongbah jong nga, naduh u Mot Hananel shaphang sepngi haduh ka Khyrdop Kyndong.

JEREMAÏAH 31:4

Sa shisien pat ngan tei ïa phi. Sa shisien pat phin shim ïa ki kanjari bad phin shad da ka jingkmen.

JEREMAÏAH 32:44

Ki briew kin thied ïa ki, bad ïa ki dulir thied jaka yn soi, shon muhor bad yn sakhi. Kane kan jia ha ka ri Benjamin, ha ki shnong sawdong ka Jerusalem, ha ki shnong ka Judah, bad ha ki shnong ka ri lum, ha ki kjat lum, bad ha ka Judah bashaphang shathie. Ngan pynïoh pat ha ki briew ïa ka ri jong ki. Ma nga, U Trai, nga la kren.”

JEREMAÏAH 33:11

Hynrei ha kine ki jaka phin ïohsngew biang ïa ki jingpyrta jong ka jingkmen bad ka jinglehkmen bad ki jingsawa bakmen jong ki jingïabam khawai shongkurim. Phin ïohsngew ba ki briew ki ïarwai katba ki wallam ïa ki jingainguh thang sha ka Templ jong nga; kin ïa-ong, “ ‘To ainguh ïa U Trai Badonbor Baroh, namar u long uba bha bad ka jingieit jong u ka neh bymjukut.’ Ngan pynlong ïa kane ka ri kaba roi kyrhai kumba mynshuwa. Ma nga, U Trai, nga la kren.”

JEREMAÏAH 33:26

Bad kumba, shisha, nga la leh ïa kane, kumta ngan pynneh ïa la ka jutang bad ki khun ki ksiew u Jakob bad u shakri jong nga u Dabid. Ngan jied ïa uwei na ki nonghiarpateng u Dabid ban synshar halor ki khun ki ksiew u Abraham, u Isaak, bad u Jakob. Ngan isynei ïa ki briew jong nga bad pynlong ïa ki ban roi kyrhai pat.”

JEREMAÏAH 42:10

‘Lada phi mon ban ïaisah ha kane ka ri, te ngan kyntiew ïa phi bad ym ban pynjot ïa phi; ngan pynskhem ïa phi bad ym ban rat ïa phi. Ka jingpynjot kaba nga la wanrah ha phi ka la pynlong ka jingsngewsih bakhraw ïa nga.

JEREMAÏAH 50:4

U Trai u ong, “Haba ka por ka poi, ki paid Israel bad Judah kin wan ïa-ïam, kin wad ïa nga, U Blei jong ki.

SNGEWSYNEI 4:22

Ka Seïon ka la siew na ka bynta ka pop jong ka; U Trai un ym buh shuh ïa ngi ha ka jingshah ringmraw. Hynrei ko Edom, U Trai un pynshitom ïa pha; un pynpaw ïa ki kam bymman jong pha.

ESEKIEL 39:25

U Trai Nongsynshar u ong, “Hynrei mynta ngan sngewsynei ïa ki khun ki ksiew u Jakob, ki briew ka Israel, bad ngan pynmanbha biang ïa ki. Ngan ïada ïa la ka kyrteng bakhuid jong nga.

HOSIA 2:15

Ngan ai pat ha ka ïa ki bri sohwaiñ jong ka, bad ngan pynlong ïa ka Them Jingshitom sha ka khyrdop ka jingkyrmen. Hangta kan sa phai ktien ïa nga kumba ka la leh mynba ka dang samla, mynba ka wan mihnoh na ka ri Ijipt.

SEPHANAÏAH 3:20

Ka por ka poi! Ngan wallam sha ïing ïa ki briew jong pha kiba la shah pynsakma; ngan pynlong ïa pha kaba pawnam ha kylleng ka pyrthei bad ngan pynlong ïa pha kaba manbha pat.” U Trai u la kren.

SEKHARAÏAH 1:17

U angel u la bthah ruh ïa nga ban pynbna: “U Trai Badonbor Baroh u ong ba ki nongbah jong u kin manbha biang bad ba sa shisien pat un ïarap ïa ka Jerusalem bad kam ïa ka nongbah kum ka jong u hi.”