JEREMAÏAH 33:5 - Khasi CL Bible (BSI)

⁵ Katto katne kin ïaleh pyrshah ïa ki nong Babilonia, ki ban pyndap ïa ki ïing da ki metïap jong kito kiba ngan sa pynïap namar ka jingbitar bad ka jingbitar shla jong nga. Nga la phai noh na kane ka nongbah namar kiei kiei kiba sniew kiba ki briew jong ka ki la leh.

KA BAIBL

⁵ ‘Ki wan ban ïaleh ïa ki Khaldi, hynrei, ka long ban pyndap ïa ki da ki metïap jong kita ki briew, ïa kiba nga la pynïap ha ka jingbitar jong nga bad ha ka jingkhih shla jong nga, bad kiba namar baroh ka jingbymman jong ki nga la buhrieh la ka khmat na kane ka nongbah.

JEREMAÏAH 33:5 ပူးပေါင်းရင်းမြစ်များ

ISAÏAH 64:7

Ym don uwei ruh uba phai sha me ha ka jingduwai; ym don uwei ruh uba leit sha me ban ïoh jingïarap. Me la buhrieh ïa lade na ngi bad iehnoh ïa ngi namar ki pop jong ngi.

ISAÏAH 8:17

U Trai u la buhrieh ïa lade na ki briew jong u, hynrei nga shaniah ha u bad buh ïa ka jingkyrmen jong nga ha u.

JEREMAÏAH 18:17

Ngan pynsakma ïa ki briew jong nga ha khmat ki nongshun jong ki, kum ïa u pui pui ba la beh da ka lyer mihngi. Ngan pynphai ïa la ka ingdong halor jong ki; ngan ym ïarap ïa ki haba ka jingpynjot ka wan.”

JEREMAÏAH 21:10

Nga la kut jingmut skhem ba ngan ym pynsah ïa kane ka nongbah, hynrei ban pynjot ïa ka. Yn ai ïa ka ha u syiem ka Babilonia, bad un thang lut khoit ïa ka. Ma nga, U Trai, nga la kren.”

JEREMAÏAH 32:5

Ïa u Sedekaïah yn rah noh sha Babilonia bad un sah hangta haduh ba ngan da pyndep ïa kaei ban leh ïa u. Wat lada un ïaleh ïa ki nong Babilonia, un ym lah ban jop. Ma nga U Trai, nga la kren.”

JEREMAÏAH 42:18

“U Trai, U Blei ki Israel, u ong, ‘Kumba ka jingbitar bad jingbitar shla jong nga ka mihnoh na nga ha ki briew jong ka Jerusalem, kumta ruh ka jingbitar shla jong nga kan mihnoh ha phi lada phi leit sha Ijipt. Phin long ka jingïohi ba-itriem; ki briew kin ñiewbeiñ ïa phi bad kin pyndonkam ïa ka kyrteng jong phi kum ka jingtim. Phin ym ïohi shuh ïa kane ka ri.’ ”

SNGEWSYNEI 2:7

U Trai u la kyntait ïa la ka duwan bad u la iehnoh ïa ka Templ bakhuid jong u; u la shah ïa u nongshun ban kad pynpra ïa ki kynroh jong ka. Ki la pyrta ha ka jingjop hangta ha kaba shisien ngi la ïamane da ka jingkmen.

ESEKIEL 39:29

Ngan theh buk ïa U Mynsiem jong nga ha ki paid Israel, bad ngan ym phai dien shuh na ki. Ma nga, U Trai Nongsynshar, nga la kren.”

MIKAH 3:4

Ka por kan poi haba phin kyang sha U Trai, hynrei un ym jubab ïa phi. Un ym sngap ïa ki jingduwai jong phi, naba phi la leh ïa kaba sniew.

DEUTERONOMI 31:17

Te ngan bitar lep ïa ki; ngan kyntait bad pynjot thiaw ïa ki. Shibun ki jingjynjar kiba sngewshyrkhei kin wan ngat ha ki, ba kumta kin sa sngewthuh ba kita kiei kiei ki wan jia ha ki namar ba nga, U Blei jong ki, ngan ym don ryngkat shuh bad ki.

DEUTERONOMI 31:18

Te ngan kyntait ban ïarap ïa ki namar ba ki la leh bymman bad mane ïa kiwei pat ki blei.

DEUTERONOMI 32:20

‘Ngan ym ïarap shuh ïa ki,’ u ong; ‘bad ngan peit kai kumno kan jia ïa ki. Kine ki dei ki briew kiba mutlop, kiba ym don ka jingïaineh.